Joe̩l 2:32 - O̩TAKADA O̩LA O̩JO̩ 1970

³² Oñ i awatu ka kʼe̩ne̩ du ki akwa do̩ odu Jihofa afʼo̩wo̩ tane̩; todu abo ku ma mufu ajo̩ oj uwo Zayo̩n kpʼefu Je̩rusale̩m, alu ki Jihofa ka le̩. Oñ abo ki Jihofa ado̩ ma ajʼef e̩bo̩bo̩ amone̩ le̩.

Joe̩l 2:32 ပူးပေါင်းရင်းမြစ်များ

Abo Rom 11:26

tak abe̩le̩ ma ajadu abo Israe̩l chaka alu ku ma ko̩tane̩ kakini, Agbone̩ le̩ akwefu Zayo̩n wa, owñ arʼeko̩ ekpe̩do̩rʼO̩jo̩ da bi Jeko̩b te̩;

Je̩re̩maya 31:7

Todu abu ki Jihofa aka de̩ kakini; Me̩ keli uyo̩ taa todu Jeko̩b, me̩ ki la fʼo̩ga chi tod oji abo uche̩ichi; me̩ ka dufu, me̩ je̩nyu, me̩ ka kakini, Jihofa fʼabo-wñ jadu me̩, owñ chʼabubo̩ abo Israe̩l.

Aizaya 46:13

nadʼo̩kpakpa e-mi wa me̩rʼanane̩, i ñʼadʼo̩najiji ge̩ n, ujadu-mi la ache̩du n; nadʼujadu te̩ efu Zayo̩n, todu Israe̩l ojima-mi.

Abo Rom 9:27

Oñ Aizaya nakwa tod abo Israe̩l kakini, Dagba aluka amo̩ma e̩ne̩ke̩le̩ Israe̩l chaka wewe dab e̩lanyi ohimini, e̩fiye̩-ma oñ ma ajadu;

Je̩re̩maya 33:3

kwa do̩ mi, oñ nadohi ñw e̩, u la akʼe̩wñ inaina kʼo̩wo̩ one̩ ma tu n e-kʼuwe̩ ma mʼo̩ n ñʼuwe̩.

O̩badaya 1:17

Ama abo ku ma fʼo̩wo̩ tane̩ ajʼoj uwo Zayo̩n, ila afo̩; tak abunyi Jeko̩b anʼane̩-ma.

Aizaya 11:11

Tak i awache iko le̩ kʼOndu adʼo̩wo̩-wñ tʼo̩ onukeji kʼi fʼe̩bobo̩ amone̩-wñ la ñw o̩la-wñ, owñ chʼabo ku ma bo̩bo̩ kwʼAsiria kpai Ijipti kpai Patro̩s kpai Kush kpai Elam kpai Shainar kpai Hemat kpai ala ala ohimini abadi.

Eli Eko̩ DʼO̩jo̩ 50:15

e̩ ki la kwado̩ mi o̩jo̩ o̩pe̩cha; oñ nagbʼe̩, tak uwe̩ adojima ñw mi.

1 Abo Ko̩rint 1:2

tugbo ujeju abudo̩ O̩jo̩ ki de̩ Ko̩rint, ku ma je̩ ñw ma fo̩ efu Kraisti Jisus, abo kiafo̩ tod edo̩ ku ma do̩ ma, manyʼabo ugbo du ku ma jʼakwadʼodu Ondu-wa Jisusi Kraist, e-ma kpai e-wa:

E̩wñ kʼAme̩nukpuche̩ Che 2:39

Todu ame̩ ma kʼo̩la le̩ tane̩ ñwu, kpai amo̩ma-me̩ kpai abo du ku ma jʼo̩najiji, owñ chʼaluka one̩ du kʼOndu O̩jo̩-wa ado̩wʼugbo-wñ.

Ze̩karaya 13:9

Tak omi adʼukpe̩ru e̩ke̩ta le̩ nyʼef una, oñ nafʼuma gwe̩ alu ku ma gwe̩ ajifa, u la ajʼuma ma alu ku ma jʼo̩jamalia ma. Ma akwadʼodu-mi, tak u nagbʼomu-ma. Omi akakini, Abo-mi de̩; oñ ma akakini, Jihofa chʼO̩jo̩-mi.

Jo̩n 10:16

U laño̩ chenʼamala omune̩, e-ku ma ma chʼabo iga kide̩ n; i ño̩ dukpe̩ kʼu naño̩ mʼabo le kowa ge̩, ama la agbo̩ omu-mi; tak ujo̩ amala amud okate, adide-ma la chʼoka.

Jo̩n 4:22

Ame̩ jʼadojikane̩ ñw e̩wñ ku me̩ ma ma n; awa adojikane̩ ñw e̩wñ kʼa ma; todu ef amaJu oñ ujadu kwo.

Maika 5:3

Todule̩ oñ i atʼuma no̩ gbogbo wʼe̩gba kʼe̩ne̩ ki achʼefu le̩ fʼu bi; tak e̩bo̩bo̩ amo̩maye-wñ amudabi wʼugbo amo̩ma Israe̩l.

Aizaya 11:16

Tak ikpadala ade̩ tod abo-wñ ku ma bo̩bo̩ ku ma kwo Asiria wa, alu ki de̩ ñw abo Israe̩l iko ku ma kwʼane̩ Ijipti te̩gu wa le̩.

Aizaya 10:22

Todu dagba amone̩-we̩, Israe̩l, dab e̩lanyi ohimini, e̩bo̩bo̩-ma kate adabiwa. Ma fʼida-wñ ñwate̩ me̩, o̩kpakpa ki de̩ ef uwñ abʼo̩ alu.

Aizaya 4:2

Iko le̩ E̩pa e-Jihofa achʼalifia kpʼojima, e̩ro ane̩ kpʼe̩bi-wñ la achʼe̩wñ uba kpʼe̩wñ ijaga ñw abo Israe̩l ku ma mufu tane̩.

Abo Hibru 12:22

ame̩ muda dufu wa ugbo uwo Zayo̩n kpʼugbo ewo e-O̩jo̩ ki deju owñ che Je̩rusale̩m e-efojale, kpʼugbo amonuche̩ icham nyʼo̩gwo̩ko̩ wewe,

Abo Rom 11:7

E̩wñ le̩ ta? O̩wo̩ abo Israe̩l la tu e̩wñ ku ma tene le̩ n; o̩wo̩ abo ku ma chi le̩ tʼu, i muda chi nyʼabo ki bo̩ o̩la,

Abo Rom 9:24

owñ chʼawa kʼi ma do̩ wa kwef amaju kate n, chai kwef abo uche̩ichi kpo̩fo̩?

E̩wñ kʼAme̩nukpuche̩ Che 15:17

todu kʼamone̩ ki bo̩bo̩ ki nafeju Ondu, kpai abo uche̩ichi ku ma fʼodu-mi do̩ manyʼuma o̩la du,

O̩badaya 1:21

Amajadu amute̩gu wʼoj uwo Zayo̩n ku ma kajo̩ uwo Iso̩; tak ojane̩ le̩ achʼe-Jihofa.

Abo Rom 11:5

Abe̩le̩ iko-i ge̩, e̩fiye̩-ma ku ma chi lef ufe̩de̩nyo̩ chebo̩.

Abakwane̩ 4:26

Se̩t ge̩, ma ño̩ fʼo̩me̩ne̩ke̩le̩ bi ñw u, tak i dʼodu-wñ ko̩ Ino̩sh. E̩gbale̩ tak amone̩ chane̩ e̩do̩ odu Jihofa.

Emo̩s 9:8

Go, eju Ondu Jihofa do ojane̩ adure-i, oñ nakpʼo̩ bie̩ rinyo̩ bʼoj ane̩-ile̩-i te̩; omi muda akpʼabo unyi Jekob rinyo̩ hioko n, Jihofa aka-i.