Job 10:9 - O̩TAKADA O̩LA O̩JO̩ 1970

⁹ E̩ ki rewa ka kʼe̩ bo̩ mi alu ku ma nʼama bo̩ e̩wñ; e̩ ñʼadʼumi dabi tʼef ebutu ge̩?

Job 10:9 ပူးပေါင်းရင်းမြစ်များ

Abakwane̩ 2:7

taku Jihofa O̩jo̩ nʼebutu fʼone̩ bo̩, oñ i ñmiñmi afu e-iñmi nyʼiñmo̩-wñ; oñ one̩ mud onugo one̩ kʼi nʼiñmi.

Aizaya 64:8

I chaka dʼabe̩le̩, O Jihofa, uwe̩ chʼAta-wa; awa chʼama, uwe̩ chʼabucha ki abo̩ wa; o̩chaka-wa la chʼuko̩lo̩ kʼo̩wo̩-we̩ che.

Abakwane̩ 3:19

Ugu atʼe̩ oji tak e̩ jʼuje̩wñ gbogbo tak e̩ dabi tef ane̩, todu efu-wñ oñ ma dʼuwe̩ kwo; ebutu uwe̩ che, e̩ ñʼadabi tef ebutu ge̩.

Ako̩la ñw Ujeju 12:7

tak ebutu mudabi tʼane̩pe̩te̩ ugbo kʼi de̩ akwoubi, kʼafu la mudabi tʼugbo O̩jo̩ kʼi dʼu wa.

Je̩re̩maya 18:6

O, abo unyi Israe̩l, omi neke che kpʼame̩ alu kʼabucha-i che n? Jihofa ka-i. Me̩ go, alu kʼama de̩ ef o̩wo̩ abucha, abe̩le̩ ame̩ de̩ ef o̩wo̩-mi, O abunyi Israe̩l.

Abo Rom 9:21

Abe̩k abucha nʼo̩da ama-wñ kʼi adʼe̩bo̩-wñ odukuluʼka bo̩ e̩wñ eku e-ki nʼojima kpʼe-ki ma nʼojima ni n?

Aizaya 45:9

Atogwo ñw e̩ne̩ ki abʼAcho̩na-wñ ja, anade ki dʼef anade ki jo̩ ile̩-i! Ama aka ñw e̩ne̩ kʼi abʼo̩ kakini, E̩wñ uwe̩ ache-i? abe̩k uko̩lo̩-we̩ akakini, I nʼo̩wo̩ n?

Eli Eko̩ DʼO̩jo̩ 106:4

E̩ nalibekado mi, O Jihofa, alu kʼe̩ li amone̩-we̩ eju; O, e̩ nʼujadu-we̩ wa afejudo mi;

Eli Eko̩ DʼO̩jo̩ 90:3

Uwe̩ arʼone̩ da kʼi dabi mud ebutu, oñ uwe̩ kakini, Mudabiwa, ame̩ amo̩ma amone̩!

Eli Eko̩ DʼO̩jo̩ 89:47

O, e̩ nadibekado alu kʼiko-mi chʼo̩ree, e̩wñ chi kʼuwe̩ fʼamo̩ma one̩ chaka nyi rʼo̩wai!

Eli Eko̩ DʼO̩jo̩ 25:18

Gʼo̩bata-mi kpʼakanya-mi, kʼe̩ la kʼadure-mi chaka rinyo̩.

Eli Eko̩ DʼO̩jo̩ 22:15

ukpahiu-mi gbe̩ dab anade; ukpalu-mi la gamʼalu-mi; oñ e̩ mʼumi du dachi ef ebutu uku me̩.

Job 17:14

iche̩wñ kʼu ka ñw ura kakini, Uwe̩ chʼata-mi kʼu ka ñw ide̩ kakini, Iye-mi kpʼo̩maye-mi onobule̩,

Job 7:7

O, me̩ rewa kakini, Udeju-mi chʼiñmi eñmi ofo; eju-mi ñʼado e̩nyo̩ ge̩ n.

2 Abo Ko̩rint 4:7

A la nʼe̩wñ akoko kide̩ ef e̩wñ eku e-e̩ke̩te̩-i, todu kʼukpahiu-wñ ki tule ololo ki chʼe-O̩jo̩, kʼi we che akwugbo wa.

Job 4:19

mak e-abo ku ma dodo ef unyi ike̩te̩ tule n? kʼunyane̩-ma chʼef ebutu, ku ma neke fʼuma kpetili mane̩ dab achibebene.

Job 7:21

E̩wñ chi kʼe̩ ma tʼada kʼu je̩ no̩ kʼe̩ ma la kʼudu kʼu fe̩ bʼumi o̩la te̩ n? Todu fa-i omi adachi ef ebutu; uwe̩ la atejane̩-mi kiili, omi la ado̩mo̩ n.

Job 10:10

Uwe̩ dʼumi dafo dab omi e̩nya, kʼe̩ la je̩ ñw mi ma te̩ dabi chizi n?

Job 33:6

Go, omi dʼalu kʼuwe̩ de̩ ugbo O̩jo̩; ama ma ño̩ ne̩ bo̩ mi ge̩.

Job 34:15

mak o̩re̩la du alenyo̩ alukate, oñ one̩ adabi tʼebutu.

Eli Eko̩ DʼO̩jo̩ 78:39

I rewa ka kʼo̩re̩la ofofo ma che, dab afu kʼi alale kʼi ma adabi wa ge̩ n.

Eli Eko̩ DʼO̩jo̩ 104:29

Uwe̩ dʼeju-we̩ maja, ma dejiji; uwe̩ bʼuma gbʼiñmi-ma, ma leku oñ ma mudabi tef ebutu-ma.

Eli Eko̩ DʼO̩jo̩ 103:14

Todu owñ chema e̩wñ ku ma ne̩ bo̩ wa; ibe-wñ chʼekado ka kʼebutu a che.

Aizaya 64:7

I la nʼe̩ne̩ du ki akwa do̩ odu-we̩ n, kʼi la akʼe̩do̩-wñ e̩che̩ kʼi gwo̩nyʼuwe̩ n; todu uwe̩ dʼeju-we̩ maja ñw a, oñ e̩ nʼudu kʼa fe̩ chʼuna ki fʼuwa yo̩.