Je̩re̩maya 52:13 - O̩TAKADA O̩LA O̩JO̩ 1970

¹³ Oñ i fʼunyi Jihofa gujo kpʼunyi onu, kpʼunyi unyi Je̩rusale̩m chaka; i fʼuna tʼunyi lile du ki fʼu gujo rinyo̩.

Je̩re̩maya 52:13 ပူးပေါင်းရင်းမြစ်များ

Maika 3:12

Todule̩ tod e-me̩ le̩ ma ako̩ Zayo̩n e̩be̩ e̩be̩ jo̩ dab uche̩; Je̩rusale̩m amudugbudu ugbudu jo̩, oñ oj uwo unyi-i adab otete otete efoko.

Eli Eko̩ DʼO̩jo̩ 79:1

O O̩jo̩, abuche̩ichi mugudu wʼef e̩wñ ogu-we̩; ma fʼunyi-we̩ kiafo̩ daji me̩; ma fu Je̩rusale̩m gulo̩ te̩ ugbu-du ugbudu.

2 Iko Iko E̩wn 36:19

Taku ma fʼunyi O̩jo̩ gujo rinyo̩, oñ ma fʼaku Je̩rusale̩m gulo̩ wane̩, ma la fʼuna tʼunyi alifia-wñ chaka agujo rinyo̩, oñ ma fʼe̩wñ eku-wñ e-o̩me̩me̩le̩ chaka kpabie̩ rinyo̩.

Emo̩s 6:11

Todu go, Jihofa aka, oñ ma agwʼunyi lile alache̩, ma la akpʼunyi kekele fo̩.

Emo̩s 2:5

Omi la adʼuna kpuche̩ wa abo Juda ma, oñ e-le̩ akʼunyi unyi ojima Je̩rusale̩m mi.

Edinaku 2:7

Ondu fʼubo̩ iche̩bo̩-wñ hi tinyo̩ me̩, i ko̩ uña-wñ kiafo̩; i tʼo̩do̩ o̩do̩ unyi ojima-wñ no̩ nyʼef o̩wo̩ e̩nebi; ma la fʼekuku che ef unyi Jihofa dabe̩ne̩ kʼo̩jo̩ ujeju ku ma da.

2 Amonu 25:9

I la fʼunyi Jihofa gujo, kpai unyi onu; kpai unyi du ki jo̩ Je̩rusale̩m, owñ chʼunyi lile du, i fʼu gujo rinyo̩.

Matiu 24:2

Ama i dohi ñwu ma kakini, Me̩ li e̩wñ ki jo̩-i chaka? Ami, naka ñwu me̩ kakini, I nʼugbo du ku ma atʼokuta okate no̩ nʼe̩do̩ omune̩ emi ku ma ma agulo̩ wane̩ n.

Ze̩karaya 11:1

Mʼo̩na-we̩ bi, o Le̩bano̩n, kʼuna ki wa fʼoli sida-we̩ lie̩!

Izikie̩l 24:21

E̩ nako̩la ñw abo unyi Israe̩l kakini, Abu kʼOndu Jihofa aka de̩ kakini, Go, omi afʼuña-mi kiafo̩ daji, owñ chʼuba ukpahiu-me̩ kpʼe̩wñ uñeju-me̩ kpʼe̩wñ kʼonugo-me̩ ali ejumomi-wñ le̩. O̩kwo̩-chageli la akʼamo̩ma-me̩ e̩ne̩ke̩le̩ kpʼonobule̩ kʼume̩ tʼuma no̩ jʼubi dajane̩.

Je̩re̩maya 38:23

Tak ama akʼamo̩ya-we̩ chaka kpʼamo̩ma-we̩ dufu wa ñw abo Kaldia; uwe̩ la afʼuma o̩wo̩ n; o̩wo̩ onu Babilo̩n muda adʼuwe̩. Abe̩le̩ uwe̩ aje̩ ñwu ma nʼuna gu ewo-i jo.

Je̩re̩maya 34:22

Go, omi añwa ñwu ma, Jihofa ka-i, oñ naje̩ ñwu ma mudabi wʼewo-i; ma la akogu bʼo̩, oñ ma fʼu du ku ma la anʼuna gʼu jo; oñ omi aje̩ ñw ewo ewo Juda chʼalache̩ te̩, one̩ ñʼadodo ef uwñ n.

Je̩re̩maya 22:14

kʼi kakini, Nakʼunyi lile ñw o̩la-mi unyi unyi-mi ojale anʼefu, kʼi la fʼope-wñ da, kʼi la nʼoli sida gamʼo̩do̩-wñ, kʼi adʼe̩wñ ekpikpa kuru.

Je̩re̩maya 7:14

Todule̩ omi ache unyi ku ma du rʼodu-mi, e-kʼame̩ ke̩do̩no-i, kpai uña kʼu du ñwu me̩ kpʼamata-me̩, alu kʼu che Shailo le̩.

1 Amonu 9:8

Oñ awuwu unyi-i, ki chaka nʼojima abe̩-i, amʼe̩ne̩ du kʼi alale gudu, ma aka kʼe̩he̩e̩, oñ ma akakini, E̩wñ chi ki Jihofa che ane̩-i, kpai unyi-i abe̩i ta?

Je̩re̩maya 6:5

Kwane̩, kʼa te̩gu nyʼo̩mo̩ odu, kʼa fʼunyi ojima-wñ unyi ojima-wñ kpo̩fo̩!

Je̩re̩maya 19:13

Oñ unyi unyi Je̩rusale̩m, kpʼunyi unyi amonu Juda ku ma fʼu daji le̩ adab uña Tofe̩t, owñ chʼunyi du ku ma gu otulale jo ñw uwewe e̩wñ ojale, ku ma la dʼomi iche̩bo̩ danyu ñw amo̩jo̩ omune̩ ojokunyi-wñ.

Je̩re̩maya 21:10

Todu u fʼeju-mi kparʼewo-i tod e̩bie̩ne̩, i chʼutodu e̩nyo̩ n, Jihofa ka-i; ma adʼu tef o̩wo̩ onu Babilo̩n owñ la anʼuna gujo rinyo̩.

Je̩re̩maya 21:14

Omi abʼudu ñw me̩ alu kʼe̩ro uko̩lo̩-me̩ de̩, Jihofa ka-i; u la akʼuna efoko-wñ, i afʼe̩wñ du ki lʼo daka lie̩.

Je̩re̩maya 32:29

Oñ abo Kaldia ku ma kʼogu bʼewo-i awa dʼuna tʼewo-i, ma la agʼu jo, manyʼunyi unyi-wñ ugbo ku ma kʼotulale wa ñwu Beal, ku ma laño̩ kʼe̩wñ iche̩bo̩ omi wa dafo ñw amo̩jo̩ omune̩ ojokunyi-wñ le̩ ku ma nyʼumi uwe̩do̩.

Edinaku 2:5

Ondu dabe̩ne̩ kʼe̩nebi me̩, i mʼIsrae̩l du mi; i mʼunyi unyi ojima-wñ ko mi chaka, i fʼaku aku-wñ kpo̩fo̩; i laño̩ je̩ ñw edaido̩ kpʼedinaku ki nana nyo̩gba ef o̩ma onobule̩ Juda.

Edinaku 2:6

I la fʼo̩gba kʼi bu nyʼu kpo̩fo̩ wane̩ woo, dabe̩ne̩ ki chʼuche̩ ma bʼu nyʼu, i fʼuña ujeju-wñ kpo̩fo̩; Jihofa je̩ ñw ma gbenyo̩ o̩jo̩ ujeju ku ma da kpai o̩jo̩ uñmi efu Zayo̩n, i laño̩ fʼe̩de̩te̩ onu kpʼatama che e̩gba kʼuwe̩do̩-wñ kpa nyʼane̩.

Izikie̩l 16:41

Oñ ma anʼuna gu unyi-we̩ jo, ma la aje̩ ñw we̩ chʼudu eju abobule̩ wewe; oñ nache kʼe̩ we o̩ko̩ eje̩, e̩ laño̩ dʼo̩la-we̩ chʼo̩gu ge̩ n.

Edinaku 2:8

Jihofa fʼibe ñwate̩ ka kʼi akpʼo̩do̩ o̩ma onobule̩ Zayo̩n fo̩; i fʼiku-wñ fa te̩, i la fʼo̩wo̩-wñ wʼubi bʼekʼo mi te̩ n; i la je̩ ñw o̩kpe̩ kpʼaku-wñ dinaku, e̩do̩-ma ada alukate.