Je̩re̩maya 51:37 - O̩TAKADA O̩LA O̩JO̩ 1970

³⁷ taku Babilo̩n amud ugbudu ugbu-du jo̩, kpai unyi amogbemgbem, kpai e̩wñ awuwu, kpai e̩wñ ku ma chʼo chui; one̩ adodo o̩mo̩ n.

Je̩re̩maya 51:37 ပူးပေါင်းရင်းမြစ်များ

2 Iko Iko E̩wn 29:8

Todule̩ uwe̩do̩ Jihofa te̩tabi Juda kpai Je̩rusale̩m ma, oñ i mʼu ko jo̩ ku ma mud e̩wñ o̩la ega gogodo, ku ma mud e̩wñ awuwu kpʼe̩wñ chui, alu kʼame̩ che li kpʼeju e-me̩-i.

Aizaya 14:23

Oñ unachʼo kʼi mud unyi itodobi, kpai ite̩ ugbo oduda, uchile̩che̩ la chʼo̩wo̩ kʼu nadu gba rinyo̩, Jihofa ki nʼe̩wñ du ka-i.

Je̩re̩maya 18:16

ku ma je̩ ñw ane̩-ma mud e̩wñ ugoju, e̩wñ ku ma chʼo “chui” i che o̩ko̩ko̩lo̩. Ugoju amu e̩ne̩ du ki alale o̩mo̩ da oñ i ami oji ejo.

Je̩re̩maya 19:8

Oñ Naje̩ ñw ewo-i mud e̩wñ ugoju kpʼe̩wñ ku ma chʼo chui. Ugoju amu e̩ne̩ du ki lale da, ma achʼo chui tod atulubo̩ ki ake̩re̩bʼuma chaka.

Je̩re̩maya 25:12

Tak e̩gba kʼo̩do̩ e̩te̩gwa le̩ jo̩ kpa, omi awa fejudo onu Babilo̩n kpai abo uche̩ichi e-le̩ kpai ane̩ abo Kaldia, tod udu ku ma fe̩, Jihofa ka-i, oñ nache kʼane̩ le̩ ki mud alache̩ te̩ ogbegbele̩.

Je̩re̩maya 25:18

Owñ che Je̩rusale̩m, kpʼewo ewo Juda, kpʼamonu-wñ kpʼamagboji-wñ, kʼu ko ma chʼegbili e̩lanyi kpʼokuta, kpai e̩wñ ugoju, kpai e̩wñ chui kpai ama, alu ki de̩ eñini-i.

Je̩re̩maya 25:9

go, nakpuche̩ ado̩ abo̩lo̩pu, o̩lo̩pu du o̩wo̩ o̩pata ate̩ wa, Jihofa aka-i, kpai Ne̩biukadre̩za, onu Babilo̩n adu-mi le̩, oñ nako ma wa ako-bʼane̩-i kpai abo ku ma dodo oji-wñ kpai abʼabo uche̩ichi uche̩ichi du ku ma lo daka; oñ nako ma jo̩ ñw o̩la-mi hioko, u la ako ma chʼe̩wñ ugoju kpai e̩wñ chui, kpai egbili e̩lanyi kpʼokuta o̩ko̩ko̩lo̩.

Je̩re̩maya 29:18

Tak u nanʼo̩kwo̩chageli kpai o̩kpo̩ta kpai e̩wñ ibi rano ma, kʼu mʼuma ko jo̩ ku ma ko ma rikpolo tʼemi tʼano̩mo̩ tʼojane̩ ojane̩ ane̩-ile̩ du, ku ma mud e̩wñ ihie̩ne̩ kpai e̩wñ ugoju kpai e̩wñ chui, kpai oli ina ef abo uche̩ichi uche̩ichi du ugbo kʼu ne ma ru le̩.

Je̩re̩maya 49:17

Ido̩m la amud e̩wñ awuwu, oñ ugoju amʼe̩ne̩ du kʼi alale o̩mo̩ da, oñ ma achʼo chui! todu atulubo̩ du ki ke̩re̩bʼo̩.

Je̩re̩maya 49:33

Taku Hazo̩r amud unyi amogbem-gbem, kʼi chʼalache̩ ogbegbele̩; e̩ne̩ du adodo o̩mo̩ n, o̩ma one̩ du la ñʼage̩ne̩ o̩mo̩ ge̩ n.

Je̩re̩maya 51:29

Ane̩ le̩ la agegbulu o̩la-wñ awʼo̩, todu ibe ki Jihofa ñwa nyu Babilo̩n adago, todu kʼi dʼane̩ Babilo̩n chʼe̩wñ awuwu, kʼi ño̩ nʼone̩ kʼi adodo o̩mo̩ n.

Je̩re̩maya 9:11

Omi la adu Je̩rusale̩m chʼugbudu ugbudu jo̩, kʼi chʼunyi ugbo kʼamo̩gbe̩mgbem ajo̩; oñ nakʼewo ewo Juda chʼalache̩, e̩ne̩ du adodo o̩mo̩ n.

Maika 6:16

Todu ma fʼe̩wñ uhio̩me̩ O̩mri de me̩, kpʼuko̩lo̩ abo unyi Ehab chaka; e̩ la lule̩ tʼikpa alu ku ma ka; todu kʼu dʼuwe̩ chʼe̩wñ ugoju, kpʼabo ku ma dodo ef uwñ ki mud e̩wñ ku ma agwʼo̩ iñmo je̩; todule̩ ame̩ la ane̩ ina ku ma bʼabo-mi.

Nehum 3:6

Nakʼiwa ihie̩ne̩ ro̩ bʼe̩ ma owñ nadʼuwe̩ chʼe̩wñ e̩de̩te̩, kʼu la dʼuwe̩ te̩ chʼe̩wñ igo.

Ze̩fanaya 2:15

Ewo uyo̩ ki gugu no̩ko̩o̩ le̩ de̩ kʼi ka ef e̩do̩-wñ kakini, Omi de̩, e̩ne̩ du la do̩mo̩ tʼumi le n. Go ab i mud alache̩ te̩, ugbo kʼame̩wñ iñmi oko awa dachi! E̩ne̩ du ki alale gudu aka chui! i la ami o̩wo̩-wñ ejo.

O̩la E̩bite 18:2

Oñ i nʼomu ki gbo̩ka kwa kakini, I lewane̩! Babilo̩n lile le̩ lewane̩ me̩, oñ i mud ugbo kʼamebili adodo, kpʼile̩ amafu du ku ma ma de̩ hiolo n, kpʼile̩ ame̩we̩ du ku ma ma de̩ hiolo n kʼulaka-ma achʼone̩;