Je̩re̩maya 49:11 - O̩TAKADA O̩LA O̩JO̩ 1970

¹¹ Tʼamo̩ma-we̩ ku ma ma nʼata n no̩, nadejute̩ ma ku ma deju; amo̩yaukuo̩ko̩-me̩ ki nake̩do̩no mi.

Je̩re̩maya 49:11 ပူးပေါင်းရင်းမြစ်များ

Eli Eko̩ DʼO̩jo̩ 68:5

O̩jo̩ kʼi gugu ef unyi ugugu-wñ ki-afo̩ le̩ chʼata abo ku ma ma nʼata n kpai e̩ne̩ ki akpʼoji ajo̩ amo̩yaukuo̩ko̩.

Jeme̩s 1:27

O̩jo̩ eche ki de̩ hiolo kpʼe-kʼi de̩ jali ugbo O̩jo̩ kpʼAta chʼukakini, Enyʼafejudʼamo̩mayuku kpʼamo̩yaukuo̩ko̩ ef o̩bata-ma, kpai o̩la-wñ onugo ede bʼe̩wñ ile̩-i te̩ kʼe̩wñ ki we edamʼo̩.

Hosiya 14:3

Asiria agba wa n, awa atanʼamanya n; a lañʼaka ñw uko̩lo̩ o̩wo̩-wa ka kʼuwe̩ chʼO̩jo̩-wa ge̩ n. E̩ne̩ ki ma nʼata n ali ejumomi ef uwe̩.

1 Timoti 5:5

Oñ e̩ne̩ kʼi chʼo̩yaukuo̩ko̩ ogbolo kʼi ma la nʼone̩ n, mʼibe-wñ konʼO̩jo̩ me̩, i la dʼef o̩ko̩ e̩gbabʼo̩ kpʼadua echo odu kpai o̩ro̩ka.

Malakai 3:5

Tak omi ate̩me̩rʼume̩ tod ajo̩; oñ nagbibenu piopio nyʼamochu, kpai abo ku ma tene o̩ya one̩ kpai abo ku ma go̩ olemi kpai abo ku ma che abuko̩lo̩ uji ef o̩me̩ ku ma ra ñwu ma, kpai abo ku ma che o̩yaukuo̩ko̩ kpai e̩ne̩ ki ma nʼata n uji; kpai abo ku ma fʼilowa ke̩che̩ tʼo̩wo̩ʼka, ku ma ma la railo mi n, Jihofa ki nʼe̩wñ du ka-i.

Jona 4:11

I la nyo̩ kʼomi kʼu chʼeju e̩ye̩ge̩ ñwu Nine̩fa, ewo inaina-i, kʼone̩ ku ma jʼef uwñ ku ma ma ma o̩wo̩-ma awo̩to̩ kpai e-awohi n, tʼicham oli me̩ta le kpai ame̩la abe̩re̩me̩le̩ e̩kute̩?

Eli Eko̩ DʼO̩jo̩ 146:9

Jihofa afejutʼamilowa, i agwo̩nyu abo ku ma ma nʼata n kpai amo̩ya ukuo̩ko̩ dago; i muda aje̩ ñw o̩na ame̩ne̩bibi ki mugo̩.

Eli Eko̩ DʼO̩jo̩ 82:3

Me̩ kpʼoji ajo̩ ame̩nubie̩ kpai abo ku ma ma nʼata n tʼe̩kpakpa; fʼo̩kpakpa che ñw ame̩no̩bata kpai ame̩nukpa.

O̩lo̩da Eduwa Onukeji 10:18

Owñ nʼajo̩ o̩ma kʼi ma nʼata n kpai e-amo̩yaukuo̩ko̩ eka, i lañʼafe̩do̩ ilowa kʼi akʼuje̩wñ kpai e̩wñ o̩la ñw u.

Ze̩karaya 7:10

kʼi la tʼo̩yaukuo̩ko̩ abe̩k e̩ne̩ ki ma nʼata n, abe̩k ilowa abe̩k e̩no̩bata mane̩ n; e̩ne̩ du ef ume̩ ki ñwa ibe e̩bie̩ne̩ nyʼo̩maye-wñ ef e̩do̩-wñ n.