Je̩re̩maya 48:35 - O̩TAKADA O̩LA O̩JO̩ 1970

³⁵ Anoji e-le̩, naño̩ je̩ ñw e̩ne̩ kʼi achʼiche̩bo̩ oj otete, kpai e̩ne̩ kʼi agu otulale jo ñw amo̩jo̩-wñ ki takpa rʼane̩ Moab, Jihofa aka-i.

Je̩re̩maya 48:35 ပူးပေါင်းရင်းမြစ်များ

Aizaya 15:2

Ma nyi Bayit kpai Dibo̩n, nyʼoj otete otete ku ma raku; Moab akwa todu Nebo kpai todu Me̩deba. O̩ji-ma du chʼo̩bo̩bo̩lo̩, ma fʼilagba-ma du ja rinyo̩;

Aizaya 16:12

Tak i awatu, e̩gba ku Moab dʼo̩la-wñ wa te̩, e̩gba kʼuhia fʼu hia oj otete le̩, kʼi lewʼuña-wñ kiafo̩ kʼi cha-duwa, i anʼoji ñw u n.

Je̩re̩maya 11:13

Todu amo̩jo̩-me̩ wewe alu kʼewo ewo-me̩ wewe, O Juda. Oñ ubo̩ iche̩bo̩ ubo̩ iche̩bo̩ ku me̩ ne ñw e̩wñ anyo̩ la wewe alu kʼo̩na o̩na Je̩rusale̩m wewe, owñ chʼubo̩ iche̩bo̩ ugbo ku me̩ agu otulale jo ñwu Beal le̩.

Je̩re̩maya 48:7

Todu, todabu kʼe̩ ke̩do̩nʼuko̩lo̩ kʼe̩ che, kpʼe̩wñ akoko-we̩, ma ñʼamʼe̩ alo ge̩; Chimo̩sh la adufu nyʼef amu, amatama-wñ kpʼamagboji-wñ akpe̩re̩.

Je̩re̩maya 7:9

Ame̩ ajoji? ame̩ akpone̩? ame̩ ache̩ño̩ya? ame̩ ago̩ olemi? ame̩ agu otulale jo ñwu Beal? ku me̩ la alule̩ tʼamo̩jo̩ omune̩ kʼame̩ ma ma ma mama ta n ubi?

Ekaluka 28:14

Oñ e̩wñ iche̩bo̩ omi-wñ achʼomi achiwebe̩te̩ma ukpe̩reji hin oka todu o̩kokuno̩ʼka, ukpe̩ta hinʼka ki chʼutodu okoloʼka, e-o̩malaʼka kʼi chʼukpe̩re̩le̩ hin oka; e-le̩ chʼe̩wñ iche̩bo̩ e̩gujo ku ma akowa ochu ochu du gbogbo tak o̩do̩ da.