Je̩re̩maya 44:19 - O̩TAKADA O̩LA O̩JO̩ 1970

¹⁹ Oñ e̩gba kʼa gu otulale jo ñw onu onobule̩ efojale, kʼa la kʼe̩wñ iche̩bo̩ omi dajane̩ ñw u le̩, a chʼakala kʼa gwʼo̩ a adʼe̩wñ iche̩bo̩ omi dajane̩ ñw u ubi amo̩ko̩-wa?

Je̩re̩maya 44:19 ပူးပေါင်းရင်းမြစ်များ

Je̩re̩maya 7:18

Abimo̩to̩ achʼiji wa, amata-ma la akʼuna, abobule̩ la afʼomu ku ma chʼakala ñw onu onobule̩ e-efojale, ku ma laño̩ dʼomi dafo ñw amo̩jo̩ omune̩, kʼama ki bi mi eju.

Je̩re̩maya 44:15

Tak aboke̩le̩ du ku ma ma ka kʼamo̩ya-ma agu otulale jo ñw amo̩jo̩ omune̩, kpʼabobule̩ du ku ma dago o̩mo̩, ujeju lile i che, owñ chʼamone̩ du ku ma gugu oj ane̩ Ijipti, ewo Patro̩s, dohi ñwu Je̩re̩maya kakini,

2 Iko Iko E̩wn 21:6

Oñ i lule̩ o̩na amonu Israe̩l, alu kʼabo unyi Ehab che le̩; todu i nʼo̩ma Ehab chʼo̩ya: i la nʼe̩wñ ki bie̩ne̩ eju Jihofa ache.

1 Amonu 21:25

I la nʼe̩ne̩ du ki dab Ehab kʼi dʼo̩la-wñ ta kʼi che e̩wñ ki bie̩ne̩ eju Jihofa n, e-kʼo̩ya-wñ Je̩ze̩be̩l, kʼo̩ e̩che̩ le̩.

Abakwane̩ 3:6

Tak onobule̩ le̩ li ka kʼoli le̩ chenyo̩ todu uje̩wñ, kʼi laño̩ chʼuto̩ eju, kʼoli le̩ laño̩ chʼe̩wñ ki nyo̩ one̩ eju kʼi aje̩ ñw u nʼibe, i mʼe̩ro-wñ ka i la mudu je̩; i ño̩ mudu ñw o̩ko̩-wñ kpai owñ, i laño̩ je̩ ge̩.

Ita, Ita 11:21

Dagba ame̩ne̩bie̩ne̩ fʼo̩wo̩ ta tʼomune̩ o̩wo̩ i nʼugbo ku ma awe ebʼudu ñw ma n, ma muda agba ugbe̩ ame̩no̩kpakpa tane̩.

Je̩re̩maya 44:20

Taku Je̩re̩maya ka ñw abo le̩ du, tʼe̩ne̩ke̩le̩ tʼonobule̩, owñ chʼo̩chaka amone̩ ku ma dohi le̩ ñw u, kakini,

Ekaluka 30:8

Ama iche̩wñ kʼo̩ko̩-wñ ko̩ eñeñini kʼi gbo̩ le̩, kʼi la fʼoji kʼi da abe̩k o̩la kʼi fʼo̩ alu kpachi, owñ chʼe-kʼi ne̩ kpʼO̩jo̩ nʼonugo o̩la-wñ le̩; taku Jihofa ato̩no̩ ñw u.

Ekaluka 30:12

I muda che̩wñ kʼo̩ko̩-wñ fʼu kpachi, kʼi la fʼo̩la le̩ kpalu eñeñini kʼi gbʼo̩, e̩gbale̩ e̩wñ du ki kwʼalu-wñ dufu ugbo oji kʼi da abe̩k ugbo o̩la kʼi ne̩ kpʼO̩jo̩ nʼonugo o̩la-wñ adago ge̩ n; o̩ko̩-wñ fʼu kpachi me̩, Jihofa la ato̩no̩ ñw u.