Je̩re̩maya 44:12 - O̩TAKADA O̩LA O̩JO̩ 1970

¹² Tak omi akʼabo e̩bo̩bo̩ Juda ku ma fʼeju-ma gwanyi enyʼIjipti ku ma ge̩ne̩ o̩mo̩, ma alie̩ rinyo̩ chaka, ma awane̩, oj ane̩ Ijipti. O̩kwo̩chageli kpʼukpo̩ta ako ma mi. Ama aku akwʼe-ki nya gbogbo wa e-ki nana tule, lʼalu o̩kwo̩chageli kpʼukpo̩ta. Ama la ache ama kpai awuwu kpai oli ina kpai ina.

Je̩re̩maya 44:12 ပူးပေါင်းရင်းမြစ်များ

Je̩re̩maya 42:22

Todule̩, me̩ ki ma fai ka kʼame̩ akʼuku o̩kwo̩chageli kpai ukpo̩ta kpʼe̩wñ ibi, ugbo ki dʼume̩ e̩do̩ ku me̩ nyʼage̩ne̩ o̩mo̩ chuu.

Aizaya 65:15

Ame̩ la atʼodu-me̩ no̩ tane̩ ñw abo-mi kʼu chi kʼi chʼoli ina ñw ma, todu Ondu Jihofa adʼe̩ kpa; tak i adʼodu ojoji ñw amadu-wñ.

Hosiya 4:6

Abo-mi mukpabie̩ tod e̩wñ ema ku ma ma ne̩ n; todabu kʼuwe̩ ko̩ e̩wñ ema, omi ñʼakʼuwe̩, kʼuwe̩ ki ño̩ chʼatama ñw mi ge̩ n. Abu kʼuwe̩ gbenyo̩ uko̩-o̩la O̩jo̩-we̩, omi ñʼagbenyo̩ amo̩ma-we̩ ge̩.

Je̩re̩maya 29:22

Todu ma, oñ abo ku ma ño̩ kwo Juda nyi Babilo̩n le̩ chaka anʼina-i abu kakini, Jihofa ki dʼuwe̩ ehe kʼe̩ dʼalu ku Ze̩de̩kaya kpai Ehab de̩, owñ chʼabo kʼonu Babilo̩n fu ro̩ ef una,

Je̩re̩maya 29:18

Tak u nanʼo̩kwo̩chageli kpai o̩kpo̩ta kpai e̩wñ ibi rano ma, kʼu mʼuma ko jo̩ ku ma ko ma rikpolo tʼemi tʼano̩mo̩ tʼojane̩ ojane̩ ane̩-ile̩ du, ku ma mud e̩wñ ihie̩ne̩ kpai e̩wñ ugoju kpai e̩wñ chui, kpai oli ina ef abo uche̩ichi uche̩ichi du ugbo kʼu ne ma ru le̩.

Je̩re̩maya 18:16

ku ma je̩ ñw ane̩-ma mud e̩wñ ugoju, e̩wñ ku ma chʼo “chui” i che o̩ko̩ko̩lo̩. Ugoju amu e̩ne̩ du ki alale o̩mo̩ da oñ i ami oji ejo.

Aizaya 1:28

Echile̩che̩ abo ku ma fʼada je̩ kpʼame̩nadure achʼaluʼkate, oñ abo ku ma hi Jihofa tinyo̩ alie̩ rinyo̩.

Ekaluka 5:27

Tak abu kʼi je̩ ñw u fʼomi le̩ ñmo̩ kpa, e̩gba le̩ iche̩wñ kʼi fʼo̩la-wñ daji, kʼi la fʼabi o̩ko̩-wñ je̩ ochochi tak omi ki aje̩ ñw ama mu le̩ agudu wʼefu-wñ kʼi ka nyʼefu, tak efu-wñ awu, uta-wñ la agbe̩ rinyo̩, oñ onobule̩ amud e̩ne̩ ina alumeji amone̩-wñ.

Je̩re̩maya 16:4

Ma aku uku o̩ga. Ma araku ma n, ma la ako ma ji n; ma adab echu bʼane̩pe̩te̩ ma. Ma alenyo̩ alu o̩kwo̩chageli kpʼo̩kpo̩ta; oku-ma la achʼuje̩wñ ñw ame̩we̩ ojale, kpai ame̩la abe̩re̩me̩le̩ ane̩-ile̩-i.

Je̩re̩maya 24:9

U la ako ma jo̩ ku ma fʼume̩ ne tʼemi tʼano̩mo̩ nyʼojane̩ ojane̩ abo uche̩ichi uche̩ichi ile̩-i du kʼi bie̩ne̩ ñwu ma, ku ma mud oli ina kpai ita kpai aku kpai ama, ugbo du kʼu nane ma ru.

Je̩re̩maya 26:6

mak e̩gbale̩ nachʼunyi-i ki dabu Shailo, oñ nachʼewo-i ki chʼina ñw abo uche̩ichi du ane̩ ile̩-i.

Je̩re̩maya 42:1

Tak amagboji abogu chaka, kpai Johanan, o̩ma Kareya, kpai Je̩zanaya, o̩ma Hoshaya, kpʼamone̩ du, kwʼe-ki nya gbogbo wʼe-ki nana, te̩ wa,

Je̩re̩maya 44:22

Oñ Jihofa ma ño̩ neke je̩do̩ ge̩ n tod e̩bie̩ne̩ kʼe̩wñ ku me̩ jʼache le̩ bie̩ne̩, kpai todu e̩wñ ihie̩ne̩ ku me̩ che; todule̩ oñ ane̩-me̩ mud alache̩ te̩, kpʼawuwu kpʼoli ina, ugbo kʼone̩ ma dodo n, alu kʼi de̩ eñini-i.

Ze̩karaya 8:13

Oñ i awatu alu kʼame̩ te̩te̩chʼoli ina ef abo uche̩ichi uche̩ichi, O abunyi Juda kpai abunyi Israe̩l, alu le̩ najadu me̩, oñ ame̩ amud e̩nyo̩ jo̩. Me̩ ki railo n, o̩wo̩-me̩ ki gbo.

Je̩re̩maya 43:11

Tak i awa akpʼane̩ Ijipti fo̩; abo ku ma chʼe-uku aku, oñ abo ku ma chʼe-amu atef amu, oñ abo ku ma chʼe-o̩kwo̩chageli, ma ako ñw o̩kwo̩chageli.

Hosiya 9:6

Todu go, ma kwo bʼe̩kpabie̩ te̩ me̩; Ijipti aya ma jo̩, Me̩mfis ako ma ji. Iñelekpe anʼe̩wñ ube̩do̩-ma e-ajifa le̩; ikeke ajʼef unyabo-ma.