Je̩re̩maya 38:14 - O̩TAKADA O̩LA O̩JO̩ 1970

¹⁴ Taku Ze̩de̩kaya onu kpʼone̩ nyʼadu Je̩re̩maya wʼugbo-wñ ugbo alo̩na e̩ke̩ta unyi Jihofa. Oñ onu ka ñwu Je̩re̩maya kakini, Natʼuwe̩ ene e̩wñʼka; e̩ ki dʼe̩wñ du maja ñwu mi n.

Je̩re̩maya 38:14 ပူးပေါင်းရင်းမြစ်များ

Je̩re̩maya 37:17

taku Ze̩de̩kaya fʼone̩ kpe̩ wa amʼu du. Oñ onu tʼowñ ene ejubi ef unyi-wñ kakini, I nʼo̩la ki kwʼugbo Jihofa ge̩? Taku Je̩re̩maya kakini, I do̩mo̩. I ño̩ kakini, Ma adʼuwe̩ tʼo̩wo̩ onu Babilo̩n.

1 Amonu 22:16

Tak onu ka ñw u kakini, E̩re̩ onu monu oñ omi agʼO̩jo̩ nʼe̩ kʼuwe̩ ki ka e̩wñ du ñw omi tʼochochi ef odu Jihofa le n?

Je̩re̩maya 42:20

Todu ame̩ fʼe̩wñ olemi che nyʼamonugo-me̩ me̩; todu ame̩ fʼumi kpe̩ru Jihofa O̩jo̩-me̩, kakini, E̩ rodubo̩ Jihofa, O̩jo̩-wa todu wa. Oñ a ache teju e̩wñ du ki Jihofa, O̩jo̩ wa, aka, abe̩le̩ e̩ ki ka dufu ñw a, oñ a ache.

2 Iko Iko E̩wn 18:15

Tak onu ka ñw u kakini, E̩re̩ monu oñ omi akpe̩bo̩ nʼuwe̩ kʼe̩ we eko̩la du tʼochochi le ef odu Jihofa ñwu mi?

2 Amonu 16:18

Tak i mʼo̩na e-o̩jo̩ uñmi e-ki nʼojokunyi ku ma ko̩ ef unyi le̩, kpai ugbo kʼonu agudu wa rida tʼunyi Jihofa, todu onu Asiria.

1 Amonu 10:5

kpʼuje̩wñ oj itebulu-wñ kpʼalu kʼamibolo-wñ gugu e-ma jo̩, kpʼalu kʼabo ku ma che e̩wñ ñw u dago jo̩ kpʼe̩wñ o̩la-ma, kpʼabo ku ma nʼago omi ñw u, kpʼate̩gu-wñ ugbo kʼi ate̩gu nyʼunyi Jihofa; i nʼenʼibe du efu ge̩ n.

Je̩re̩maya 15:11

Jihofa kakini, Ochochi, omi adʼo̩bata ñw e̩ kʼi chʼe̩nyo̩ ñw e̩; ochochi naje̩ ñw e̩nebi le̩ ki gbo̩ko̩bʼuwe̩ iko e̩bie̩ne̩ kpai iko o̩bata.

2 Samiue̩l 14:18

Tak onu dohi oñ i ka ñw onobule̩ le̩ kakini, Agba, e̩ ki dʼe̩wñ du kʼu natʼuwe̩ ene maja ñwu mi n. Tak onobule̩ le̩ kakini, Odumi onu kʼi ka ta.