Je̩re̩maya 35:2 - O̩TAKADA O̩LA O̩JO̩ 1970

² E̩ nyʼunyi abo Rekab kʼe̩ ko̩la ñwu ma, kʼe̩ la mʼuma ko wʼef unyi Jihofa, nyʼef e̩ko̩da-wñ oka, kʼe̩ dʼomi achiwebe̩te̩ma ñwu ma ñmo̩.

Je̩re̩maya 35:2 ပူးပေါင်းရင်းမြစ်များ

1 Iko Iko E̩wñ 2:55

Akwo̩ra unyi akwo̩ra unyi amako̩takada ku ma dodo Jebe̩z la che abo Tairat, abo Shime̩at, kpʼabo Sukat. Abo-i chʼabo Ken ku Hima, ata abunyi Rekab, chʼe̩te̩-ma.

1 Iko Iko E̩wñ 9:26

todu amade alo̩na me̩le̩ ki tʼo̩gba ku ma chʼabo Lifai, ugugu-ma chʼugugu abo ku ma ke̩do̩no ma, ama la nʼo̩da unyi kekele unyi kekele kpʼe̩wñ akokokijʼef unyi O̩jo̩.

Izikie̩l 40:16

Unyi ide unyi ide le̩ nʼope ope kpʼoli ugbogaga-wñ ejefu alaku lʼo daka; abe̩le̩ i te̩ gbogbo kad oli akofida-wñ; ejefu-wñ chʼope ope aledaka. Oli ki dab e̩kpe̩ che̩ko̩ nyʼo̩lʼoli ugbo̩gaga-wñ.

Je̩re̩maya 35:8

A la gbʼomu ata-wa Jo̩nadab, o̩ma Rekab, ugbo e̩wñ du kʼi ñwañw a, kʼa we eñmʼomi achiwebe̩te̩ma o̩jo̩ du kʼa adeju kade, tʼawa, tʼamo̩ya-wa, tʼamo̩ma-wa e̩ne̩ke̩le̩, tʼamo̩ma-wa onobule̩;

Je̩re̩maya 35:4

oñ u mʼuma ko wʼef unyi Jihofa, nyʼef e̩ko̩da unyi amo̩ma Hanan, o̩ma Igdaliya, e̩ne̩ O̩jo̩ le̩, kʼe-ko̩da-wñ me̩rʼe̩ko̩da unyi amagboji, e-kʼi dʼate̩ ñw e̩ko̩da unyi Maaseya, o̩ma Shalum, kʼi ade alo̩na.

Nihe̩maya 13:5

i fʼef unyi lile le̩ʼka ñwo̩che ñw u, owñ chʼef unyi ugbo ku ma te̩te̩ ko e̩wñ ele, kpai frankinse̩ns kpai e̩wñ eku kpai ukpe̩ e̩ke̩gwa e̩wñ e̩yo̩ kpai e-omi achiwebe̩te̩ma etito̩ kpai e-ekpo̩ jo̩, owñ chʼe-ku ma fʼuko̩-wñ te̩ ñwu ma ku ma kowa tod abo Lifai kpai amakeli kpai amadalo̩na; manyʼe̩wñ eko ne ate̩ tod amatama ge̩.

E̩zra 8:29

Me̩ fʼu de̩, me̩ la dejutʼo̩, gbogbo wʼe̩gba ku ma fʼu ñwa eju amagboji amatama kpai abo Lifai kpai amagboji amo̩ra abo Israe̩l Je̩rusale̩m, ef e̩ko̩da unyi unyi ejefu unyi Jihofa.

2 Iko Iko E̩wn 31:11

Taku He̩ze̩kaya ñwa ñwu ma ku ma ñwʼe̩ko̩da unyi ef unyi Jihofa che̩; oñ ma fʼu ñwo̩che;

2 Iko Iko E̩wn 3:9

Uwoji ale-wñ che she̩ke̩l o̩jamalia ooje. I ño̩ kʼo̩jamalia lamʼe̩ko̩da unyi ojale-wñ.

1 Iko Iko E̩wñ 23:28

Todu ugugu uko̩lo̩ e-ma chʼuche̩ kʼamo̩ma Aro̩n akpe̩ ma, todu e̩wñ eche ef unyi Jihofa, ef ologbo-wñ kpai ef e̩ko̩da unyi-wñ kpʼugbo e̩wñ kiafo̩ le̩ egworinyo̩, owñ chʼuko̩lo̩ e̩wñ ku ma che tod unyi O̩jo̩;

1 Iko Iko E̩wñ 9:33

Amakeli la jo̩-i: ma chʼabo ku ma dʼoji dufu ef amata abo Lifai, ku ma jʼef unyi kekele unyi kekele le̩, ku ma ma nʼe̩wñ omune̩ ache n; todu ma jʼef uko̩lo̩-ma o̩ro̩ka kpʼodu.

1 Amonu 6:10

Oñ i fʼunyi ki nʼoji omune̩ le̩ ko̩ yamo̩ o̩lo̩do̩ unyi le̩ du, o̩gba-wñ okoke chʼohibo̩wo̩ me̩lu; agbamune̩-wñ chʼigbo oli sida ki kado unyi le̩.

1 Amonu 6:8

Alugbana unyi ki yamo̩ akolo-wñ alumeji dʼo̩wo̩ awo̩to̩ unyi; oñ ma te̩gu agube ki chʼadagbala gbogbo tʼunyi alumeji, ma kwef e-alumeji le̩ tef e̩ke̩ta-wñ.

Je̩re̩maya 35:3

Tak u mu Jaazaniya, o̩ma Je̩re̩maya, o̩ma Haba-ziniya kpai amo̩maye-wñ kpʼamo̩ma-wñ e̩ne̩ke̩le̩ kpʼabo unyi Rekab chaka;

1 Iko Iko E̩wñ 28:12

kpujiwe alu kʼe̩wñ du kʼi ne̩ lef Afu ade̩, tod ologbo ologbo unyi Jihofa kpʼe̩ko̩da unyi-wñ ki lʼo daka chaka, ugbo ku ma akʼe̩wñ akoko unyi O̩jo̩ jo, kpai tod e̩wñ akoko ku ma ko jo̩ ñw O̩jo̩