Je̩re̩maya 33:18 - O̩TAKADA O̩LA O̩JO̩ 1970

¹⁸ one̩ kʼi akʼe̩wñ iche̩bo̩ e̩gujo wa, kʼi la agu e̩wñ ele ku ma ko wa jo, kʼi la ñʼachʼiche̩bo̩ o̩gba-mi o̩ko̩ko̩lo̩ la aña amatama ku ma chʼabo Lifai n.

Je̩re̩maya 33:18 ပူးပေါင်းရင်းမြစ်များ

Aizaya 56:7

nakʼabo e-le̩ wʼugbo uwo-mi kiafo̩, oñ naje̩ ñw ma yo̩ ef unyi aduwa-mi; ma agbʼe̩wñ e̩gujo ku ma kowa kpai e̩wñ iche̩bo̩-ma tʼoji ubo̩ iche̩bo̩-mi; todu ma adʼodu unyi-mi ko̩ unyi aduwa todu amone̩ du.

O̩la E̩bite 1:6

kʼi laño̩ mʼuwa ko chʼuche̩ amonu, kʼa chʼamatama ñw O̩jo̩-wñ kʼi laño̩ chʼAta-wñ. Ami.

1 Pita 2:9

Ame̩ muda chʼo̩lo̩pu kʼO̩jo̩ chi. Me̩ chʼuche̩ amatama kʼo̩wo̩ onu ne̩ me̩, abo uche̩ichi kiafo̩, amone̩ todu kʼo̩wo̩-wñ ki ne̩ me̩ ki nʼugbo ku me̩ akʼunyo̩-wñ dufu, owñ ki fʼume̩ do̩ kwef e̩chubi tef ugane̩-wñ ki chʼawuwu le̩.

1 Pita 2:5

Ama ño̩ jʼako me̩ ne unyi e-Afu dabe̩ne̩ kʼame̩ chʼokuta ki deju, ku me̩ chʼuche̩ amatama kiafo̩, kʼame̩ ki kʼe̩wñ iche̩bo̩ Afu e-ki nyo̩ O̩jo̩ eju kʼi gba lefu Jisus Kraisti wa.

Abo Rom 15:16

kʼomi ki chʼe̩nuko̩lo̩ Kraisti Jisus ñw abo uche̩ichi kʼu chuko̩lo̩ atama ef Uche̩nyo̩ O̩jo̩, kʼekowa ku ma kʼabo uche̩ichi wa ki mud e̩wñ ki nyo̩ O̩jo̩ eju e̩gba, abu ku ma mud e̩wñ kiafo̩ ef Afu Kiafo̩.

Abo Rom 1:21

Todu abu ku ma chema O̩jo̩ ma bʼukpe̩ ojima e-O̩jo̩ mʼo̩ n; ma la gwʼo̩ ugwa n; chai ibe ma kpe̩ tinyo̩ ofofo, oñ e̩do̩-ma ki ma nʼeju ene̩ n kwochubi.

Izikie̩l 45:5

Oñ e-kʼujiji-wñ chʼicham nyʼo̩gwo̩ko̩ ogue̩lu, kʼunabe̩-wñ chʼicham nyʼo̩gwo̩ko̩ me̩gwa, abo Lifai, ku ma che e̩wñ unyi le̩ ane̩ kʼi chʼugbo ku ma adodo.

Aizaya 61:6

ma muda ado̩ me̩ ko̩, Amatama e-Jihofa, ama anʼo̩la-me̩ aka kakini, Amache̩wñ ñw O̩jo̩-wa ma che; ame̩ aje̩ e̩wñ anana abo uche̩ichi uche̩ichi, ame̩ la akwo tef ojima e-ma.

O̩lo̩da Eduwa Onukeji 18:1

Amatama, abo Lifai le̩, owñ chʼabo o̩lo̩pu Lifai chaka, anʼukpe̩ abe̩k e̩wñ ogu ku ma aje̩ manyʼabo Israe̩l in; ama aje̩ e̩wñ ku ma ko wa ñwu Jihofa lugbo una, kpai e̩wñ ogu e-wñ.

O̩la E̩bite 5:10

oñ e̩ ko ma chʼamonu kpʼamatama ñw O̩jo̩-wa; ma la ajʼonu ane̩ ile̩.

Ekaluka 3:5

Taku Jihofa ka ñwu Mose̩s kakini,

O̩lo̩da Eduwa Onukeji 24:8

E̩ ki fʼo̩la-we̩ de ugbo atulubo̩ ikpemute, kʼe̩ fejutʼo̩ gbali kʼe̩ che teju alu du kʼamatama ku ma chʼabo Lifai ako̩ me̩; alu kʼomi ñwa ñwu ma le̩, alu le̩ ame̩ ki fejutʼo̩ ku me̩ che.

Jo̩shua 3:3

oñ ma ñwa ñw amone̩ le̩ kakini, E̩gba ku me̩ fʼakpati alo e-Jihofa O̩jo̩-me̩ li, abu kʼamatama ku ma chʼabo Lifai le̩ ane̩, e̩gbale̩ me̩ muño̩ bʼuña-me̩-i te̩ ku me̩ tʼo̩ ubi,

E̩zra 3:5

ubile̩ taku mafʼiche̩bo̩ e̩gujo o̩ko̩ko̩lo̩ che, kpai e-ochu tito̩ kpai uje̩wñ uyo̩ e-Jihofa kiafo̩ du e-kʼiko-wñ chʼedate̩, kpai e-e̩ne̩ du ki gʼe̩do̩la-wñ akʼe̩wñ wa ñwu Jihofa ele o̩fo.

Je̩re̩maya 33:19

Tak o̩la Jihofa wʼugbo Je̩re̩maya kakini,

Je̩re̩maya 33:22

Abu ku ma ma neke kʼuwewe e̩wñ ojale aluka n, ku ma ma la neke ñwa e̩lanyi ohimini n; alu le̩ naje̩ ñw ugbe̩ Defid adu-mi, kpʼugbe̩ abo Lifai ku ma che e̩wñ ñwu mi wewe nyʼo̩gba.

Izikie̩l 44:15

Ama amatama, ku ma chʼabo Lifai, amo̩ma Zedo̩k, ku ma fʼide̩ uña-mi kiafo̩ de̩ e̩gba kʼamo̩ma Israe̩l la bʼumi te̩ le̩, ama ate̩me̩rʼumi ku ma che e̩wñ ñwu mi; ma adago jʼo̩gba-mi ku ma kʼula kpʼe̩bie̩ wa ñwu mi, Ondu Jihofa ka-i.

Je̩re̩maya 35:19

todule̩ abu ki Jihofa ki nʼe̩wñ du, kʼi chʼO̩jo̩ Israe̩l, aka de̩ kakini, One̩ aña Jo̩nadab, o̩ma Rekab, kʼi adago o̩gba-mi o̩jo̩ du ki ñwa n.