Je̩re̩maya 25:10 - O̩TAKADA O̩LA O̩JO̩ 1970

¹⁰ Ubi le̩ ge̩, naje̩ ñw omu anyi kpai omu uyo̩, omuko̩la o̩ko̩ya tito̩ kpai omuko̩la o̩ya tito̩, kpai ekuku e̩wñ eno̩ odokuta, kpai ugane̩ agege lenyo̩ bʼuma te̩.

Je̩re̩maya 25:10 ပူးပေါင်းရင်းမြစ်များ

Je̩re̩maya 7:34

E̩gba le̩ naje̩ ñw omu anyi kpai omu e̩do̩ e̩bo̩ kpai omu o̩ko̩ etito̩ kpai omu o̩ya etito̩ ki muda bʼewo ewo Juda te̩, kpai kwo bʼo̩na o̩na Je̩ruaale̩m te̩; todu ane̩ le̩ amud alache̩ te̩.

Izikie̩l 26:13

Omi lañʼaje̩ ñw ekuku eli-we̩ muda; ma ñʼagbʼuko̩la umolo-we̩ ge̩ n.

Je̩re̩maya 16:9

Todu abu ki Jihofa ki nʼe̩wñ du, ki chʼO̩jo̩ e-Israe̩l aka de̩ kakini, Go, omi aje̩ ñw omuko̩la iya kpai omuko̩la e̩do̩-e̩bo̩ kpʼomuko̩la o̩ko̩ya etito̩ kpʼomuko̩la o̩ya tito̩ ki we ugbo-i, eju-we̩ iko-we̩-i.

Hosiya 2:11

Omi ñʼaje̩ ñw anyi-wñ du kpai uje̩wñ uyo̩-wñ kpʼochu-wñ etito̩ kpʼo̩jo̩ uñmi-wñ kpʼujeju-wñ du kʼo̩jo̩-wñ che̩date̩ ki muda.

E̩sta 8:11

Ef o̩takada le̩ onu dʼo̩da ñw amaJu ku ma jʼewo ewo chaka ku ma kʼo̩la-ma jeju wʼugbo kate, ku ma jadu oji-ma, ku ma kpʼe̩wñ bie̩, ku ma kpʼone̩, ku ma la che kʼukpahiu amone̩ kpai e-ojane̩ ki akobʼuma, tʼamo̩ma egini, tʼabobule̩-ma, kʼabo le̩ ki lenyo̩ bʼane̩ te̩, ku ma mʼane̩-ma ko je̩.

E̩sta 7:4

Todu ma mʼuwa ko ta me̩, tʼomi, tʼabo-mi, ku ma kpa wa bie̩, ku ma fʼuwa kpa rinyo̩, kʼa lenyo̩. I la che̩wñ ku ma ma mʼuwa ko ta kʼa mud adu aboke̩le̩ kpai abobule̩, omi ma chechi; ama e̩ne̩ ki akobʼuwa le̩ la neke dʼakoji ofu ki ma bʼonu-i ñw u n.

E̩sta 3:13

Oñ ma mʼo̩takada le̩ ko kpuche̩ lʼo̩wo̩ abo ku ma fule nyʼojane̩ ojane̩ onu le̩ chaka, ku ma fʼamaJu chaka chihi rinyo̩, ku ma kpa ma, ku ma je̩ ñwu ma lenyo̩ rʼane̩, tʼimo̩to̩, tʼogijo, tʼabimo̩to̩ egini, tʼabobule̩, o̩jo̩ okate, owñ chʼo̩jo̩ e̩ke̩gwe̩ta ochu e̩ke̩gweji, owñ chʼochu Adar, ku ma la mʼane̩-ma ko je̩.

Aizaya 47:2

Mʼo̩mokuta ko kʼe̩ nʼe̩wñ, mʼukpo ubejuma-we̩ ko jʼane̩, mʼo̩chada ubojima ki afʼane̩ le̩ ko jʼane̩, fʼo̩go̩no̩du nyi, kʼe̩ mʼaji aji daba.

Je̩re̩maya 48:33

Ma la mʼe̩do̩ e̩bo̩ kpʼuyo̩ ko bʼane̩ uro̩je̩ te̩, kpai kwo bʼane̩ Moab te̩; u la ño̩ je̩ ñw omi achiwebe̩te̩ma ki we edufu aguo̩ko̩lo̩; e̩ne̩ du ate̩ kpʼeli eko̩ n; eli ku ma ako̩ achʼeli de̩ n.

Edinaku 5:15

Uyo̩ e̩do̩-wa muda me̩; ido-wa murida aido̩ eda.