Je̩re̩maya 23:28 - O̩TAKADA O̩LA O̩JO̩ 1970

²⁸ Akache̩ ki nʼo̩na i ki ka oj o̩na-wñ dufu ke, e̩ne̩ ki la nʼo̩la-mi i ki kʼo̩la e-mi o̩gbolo. Ma dʼelikpo ñwa e̩yo̩ o̩ka? Jihofa aka-i.

Je̩re̩maya 23:28 ပူးပေါင်းရင်းမြစ်များ

1 Timoti 1:12

Egwa nagwa e̩ne̩ kʼi dʼukpahiu ñwu mi, owñ che Kraisti Jisus, Ondu-wa, todabu kʼeju-wñ omi mud e̩ne̩ ki achubi owñ oñ i mʼumi du tef e̩wñ eche ñw u;

2 Abo Ko̩rint 2:17

Todu a dab amone̩ wewe ku ma dʼo̩lO̩jo̩ chʼinyama n; ama alu kʼo̩la akwef e̩do̩ yala, kʼi la kwef O̩jo̩, abe̩le̩ awa aka efu Kraist eju O̩jo̩.

Luku 12:42

Tak Ondu kakini, E̩ne̩ chʼadigede kʼi achubi odu-wñ kʼi ño̩ chenʼibe kʼodu-wñ akʼabunyi-wñ nyʼu o̩wo̩ kʼi mʼukpe̩ uje̩wñ-ma ko ñwu ma iko-wñ taa?

Matiu 24:45

E̩ne̩ chʼadu kʼi chʼachubi odu-wñ kpai anibe e-kʼodu-wñ dʼu dago chʼadejute̩ abunyi-wñ kʼi kʼuje̩wñ ñwu ma je̩ iko-wñ?

Ita, Ita 14:5

E̩nibenu ki achubi one̩ arʼolemi n, olemi muda akpodudu kwef alu e̩nibenu olemi dufu.

1 Abo Ko̩rint 4:2

E̩wñ ku ma ñʼatejane̩-wñ ef amadigede emi de̩: ku ma li ka ku ma chʼamachubi one̩.

Je̩re̩maya 9:12

E̩ne̩ chʼanibe kʼi amʼoji e̩wñ-i? e̩ne̩ oñ alu Jihofa ko̩la ñw u, kʼe̩ne̩ le̩ ki ka dufu? E̩wñ chi kʼane̩-i kpabie̩, kʼi jo rinyo̩ dab aje̩tachi, kʼe̩ne̩ du ma ñʼalale gu ef uwñ du ge̩ n?

Je̩re̩maya 9:20

Me̩ ki muda gbʼomu Jihofa, O ame̩ abobule̩, kʼo̩la alu-wñ ki tunyʼume̩ eti; me̩ ko̩ amo̩monobule̩-me̩ inaku eda, e̩ne̩ne̩ne̩ne̩ ki nako̩ ekeji-wñ eli e̩do̩dudu eko̩.

Je̩re̩maya 23:25

U gbʼe̩wñ kʼamakache̩ ku ma kache̩ olemi ef odu-mi ka, ma kakini, U fʼo̩na na, u fʼo̩na na me̩!

Je̩re̩maya 42:4

Taku Je̩re̩maya akache̩ ka ñwu ma kakini, U gbo̩ abu ku me̩ ka; go, omi arodubo̩ Jihofa, O̩jo̩-me̩, teju alu ku me̩ ka; oñ i awatu e̩wñ du ki Jihofa adohi ñwu me̩, omi adʼu dufu ñwu me̩; nadʼe-du maja ñwu me̩ n.

Izikie̩l 13:3

Abu kʼOndu Jihofa ka de̩, kakini, Atogwo, ñw amakache̩ idada ku ma tʼafu e-ma onugo ubi, ku ma ma li e̩wñ du n!

1 Amonu 22:14

Taku Maikaya kakini, Oji Jihofa! E̩wñ ki Jihofa aka ñwu mi, e-le̩ naka.

1 Amonu 22:16

Tak onu ka ñw u kakini, E̩re̩ onu monu oñ omi agʼO̩jo̩ nʼe̩ kʼuwe̩ ki ka e̩wñ du ñw omi tʼochochi ef odu Jihofa le n?

Aizaya 21:10

O o̩ma-mi kʼu fʼugwu kʼu fʼu fe̩ dab o̩ka, e̩wñ kʼu gbo̩ ugbo Jihofa ki nʼe̩wñ du, O̩jo̩ e-Israe̩l le̩, nadʼu ka ñw me̩-i.