Je̩re̩maya 11:9 - O̩TAKADA O̩LA O̩JO̩ 1970

⁹ Taku Jihofa ño̩ ka ñwu mi kakini, U cheli abu kʼaboke̩le̩ Juda kpʼabo ku ma dodo Je̩rusale̩m jʼalu me̩,

Je̩re̩maya 11:9 ပူးပေါင်းရင်းမြစ်များ

Hosiya 6:9

Alu amadinya kpala jo̩ anede one̩, abe̩le̩ uche̩ uche̩ amatama jʼej o̩na She̩ke̩m akpʼone̩, ochochi, ma fʼe̩wñtuñ che.

Jo̩n 11:53

Todule̩ akwʼo̩jo̩ le̩ ma chane̩ enyo-juju todu ku ma ki dʼowñ kpa.

Matiu 26:15

i kakini, E̩wñ dʼume̩ e̩do̩ ku me̩ du ñwu mi, tak omi adʼu ñwu me̩? Taku ma mʼajifa ogue̩gwa ko jʼoj e̩bo̩ ñw u.

Maika 3:11

Abo ku ma dʼoji dufu ef uma kajo̩ tod e̩wñ eje̩, amatama la akʼone̩ e̩wñ tod o̩me̩ ku ma ra ñw ma, oñ amakache̩-wñ abifa tod o̩ko̩; ma muda lo̩no̩ Jihofa, ma kakini, Jihofa dʼalumeji-wa n? E̩wñ e̩bie̩ne̩ du ake̩re̩bʼuwa n.

Je̩re̩maya 8:10

Todule̩ omi akʼamo̩ya-ma ñw abomune̩ oñ nakʼane̩ uche̩-ma ñw abo ku ma ane̩ ma, todu e̩ne̩ne̩ne̩ne̩-ma, akwo e̩ne̩ ki nya tʼe̩nelile, mʼo̩la-wñ du ñw ejufufu e̩wñ eche; akwʼakache̩ wʼatama e̩ne̩ du nʼache e̩wñ olemi.

Je̩re̩maya 6:13

Todu akwʼe̩ne̩ ki nya efu ma gbogbo nyʼe̩ne̩lile ma, e̩ne̩ne̩ne̩ne̩-ma kʼo̩la-ma jo̩ ñw ejufufu e̩wñ eche; oñ akwo akache̩ gbogbo wʼatama, e̩ne̩ du ma ache e̩wñ olemi.

Je̩re̩maya 5:31

Amakache̩ kache̩ olemi, oñ amatama nʼo̩da-ma alu ku ma ka; i la chemʼamone̩-mi e̩do̩ ki dʼabe̩le̩, abu me̩ muda ache e̩gba otitala-wñ?