Jeme̩s 1:5 - O̩TAKADA O̩LA O̩JO̩ 1970

⁵ I la che̩wñ kʼibe nyarʼe̩ne̩ʼka ef ume̩, i ki bi ugbo O̩jo̩ kʼi nʼe̩do̩ foo kʼi akʼe̩wñ ñw e̩ne̩ du, kʼi ma la akicha ñw e̩ne̩ du n, taku ma adʼu ñw u.

Jeme̩s 1:5 ပူးပေါင်းရင်းမြစ်များ

1 Iko Iko E̩wñ 22:12

Jihofa ki dʼibe kpʼoji e̩wñ ema ñw e̩ dee, kʼi ñwa ñw e̩ teju alu kʼe̩wñ Israe̩l ade̩; todu kʼuwe̩ ki de uko̩-o̩la Jihofa, O̩jo̩-we̩.

2 Iko Iko E̩wn 1:10

Fai uwe̩ ki dʼibe ñwu mi kpʼe̩wñ ema, kʼu lelo lewa o̩gba amone-i; todu e̩ne̩ neke kajo̩ abo̩-we̩ ki tabale-i?

Eli Eko̩ DʼO̩jo̩ 51:6

Go, i dʼuwe̩ e̩do̩ kʼochochi kʼi dʼef e̩do̩; oñ ugbo ki maja le̩ uwe̩ aje̩ ñw mi ma e̩wñ ibe.

Akwodufu 31:3

Omi la je̩ ñw u kpe̩ko̩ ñw Afu O̩jo̩, kpai ibe kpai oji o̩la ema kpai e̩wñ ema kpai emeju uko̩lo̩ e̩wñ ojoji ojoji du eche,

Akwodufu 31:6

E̩ la go, omi fʼOholiab, o̩ma Ahisamak, kʼi chʼabo o̩lo̩pu Dan, chi manyʼu, u laño̩ dʼibe tʼibe tef e̩do̩ amone̩ chaka ku ma nʼibe efu, ku ma ki che e̩wñ du kʼomi ñwa ñw e̩:

Ita, Ita 8:17

Nafe̩do̩ abo ku ma fe̩do̩ mi, oñ abo ku ma takpa tene mi ali mi,

Matiu 11:20

Tak i chane̩ ekicha ñw ewo ewo ugbo kʼojile uko̩lo̩ ukpahiu-wñ wache, todabu ku ma ma ribeda n.

Mark 16:14

Ubi le̩ i tejugede ñw amame̩gwaka onugo, abu ku ma chekukane̩ ajʼuje̩wñ; oñ i du eke̩do̩no ku ma ko̩ eke̩do̩no kpai ugbiti e̩do̩-ma kicha ñwu ma, todabu ku ma ma ke̩do̩nʼo̩la abo ku ma fʼowñ li abu kʼi mudajikwane̩ n.

Jo̩n 14:13

E̩wñ du ku me̩ la abi ef odu-mi, e-le̩ nache, todu kʼAta ki nʼojima ef O̩ma.

Jo̩n 15:7

Iche̩wñ ku me̩ gugu efu mi, kʼo̩la alu-mi la gugu efu me̩, e̩wñ du ki dʼume̩ e̩do̩ me̩ nabi, oñ i amud e-me̩.

Jo̩n 4:10

Jisus dohi ñw u kakini, Iche̩wñ kʼuwe̩ ma ma ele O̩jo̩, kpai e̩ne̩ kʼi aka ñw e̩-i kakini, Dʼomi ñwu mi ñmo̩, uwe̩ ma bi owñ, tak owñ ma dʼomi ki adeju ñw e̩.

2 Abo Ko̩rint 2:16

ugbo abubiane̩ le̩ a chʼe̩wñ ki alu kwef uku tef uku, ugbo abejodudu le̩ a la chʼe̩wñ ki akpo kwef iñmi tef iñmi. E̩ne̩ la bʼe̩wñ-i jo̩ taa?

Jeme̩s 1:17

Ele eche nyo̩nyo̩ kpʼele ki mufu du kwo ate̩ wa. I nagwo̩ru awa kwʼugbo Ala ugane̩ e-kʼuña erida alu kʼojiji olu arida le̩ ma dʼugbo-wñ n.

Jeme̩s 3:17

E̩wñ ki dʼo̩gba ef ibe ki akwʼate̩ wa muda chʼede̩ yaala, tak i chʼe-ure̩do̩, i ache e̩wñ yo̩o̩; i chʼebo̩la, i che̩ko̩ ñw ejumomi one̩ eli kpʼe̩ro ki nyo̩; i añwa tʼemi tʼemi n, i nʼako̩ru n.

Jeme̩s 5:16

Todule̩ me̩ nagbalu adure-me̩ ñw omune̩, ku me̩ nachadua tod omune̩, ku ma ki fʼo̩ga-me̩ che. Uko̩lo̩ kʼo̩ko̩ kʼe̩no̩kpakpa agba bʼO̩jo̩ ache chʼegbiti.

1 Jo̩n 3:22

oñ e̩wñ du kʼa abiʼu a agba ugbo-wñ, todabu kʼa ade uko̩-wñ, kʼa la ache e̩wñ ki rʼowñ eju.