Hosiya 9:6 - O̩TAKADA O̩LA O̩JO̩ 1970

⁶ Todu go, ma kwo bʼe̩kpabie̩ te̩ me̩; Ijipti aya ma jo̩, Me̩mfis ako ma ji. Iñelekpe anʼe̩wñ ube̩do̩-ma e-ajifa le̩; ikeke ajʼef unyabo-ma.

Hosiya 9:6 ပူးပေါင်းရင်းမြစ်များ

Hosiya 10:8

Ma ñʼakpʼotete otete Afe̩n, kʼi chʼadure Israe̩l le̩, fo̩ ge̩. Ikeke kpʼedudu egbe aya oj ubo̩ iche̩bo̩-ma; taku ma ka ñw uwo uwo ki gbo̩gba kakini, Bʼuwa ma, ma aka ñw uwo uwo kakini, Mulo̩ bʼuwa ma.

Aizaya 5:6

Nache kʼi mud ikpo te̩; ikeli-wñ ñʼanʼeño̩ ge̩ n, ma adigbala-wñ n, chai iñwa kpʼikeke atiga jʼo̩mo̩; u ñʼañwa ñw akpa ojale ki we eje̩ ñw omi lo̩ bʼo ma.

Hosiya 9:3

Ma agugu oj ane̩ Jihofa n; Ifraim muda adabi nyʼIjipti, ma la aje̩ uje̩wñ elifo̩ Asiria.

Hosiya 8:13

I chʼe-e̩wñ ku ma ko wa akpa chʼiche̩bo̩ ñw mi le̩, ma fʼe̩wñ o̩re̩la kpa oñ ma mʼu ko je̩; Jihofa muda agba ma n. Fa-i tak i arewa udu ku ma fe̩, oñ i awa fejudo adure-ma; ama adabi nyʼIjipti.

Hosiya 7:16

Ma dabi, i muda chʼugbo e̩ne̩ ki dʼatate̩ n; ma dabe̩ne̩ kʼo̩o̩do̩ e̩guche̩, amagboji-ma awane̩ alu o̩kwo̩chageli tod e̩do̩ e̩kpa ku ma nʼukpalu-ma alo̩. E̩wñ ki la agwʼuma e̩de̩te̩ oj ane̩ Ijipti le̩ de̩.

Aizaya 7:23

I lañʼade̩ iko le̩ ka kʼugbo du kʼikeli achiwebe̩te̩ma icham nyʼo̩gwo̩ko̩ kʼaja-wñ bo̩ she̩ke̩l icham nyʼo̩gwo̩ko̩ jo̩ te̩tajo̩ akwoubi, o̩mo̩ amud iñwa kpʼikeke.

Hosiya 11:11

ma achi kwo Ijipti wa kpʼo̩la ega dab ame̩we̩, ma la akwo oj ane̩ Asiria wa dab ikede; tak omi aje̩ ñw ma gugu ef unyi unyi e-ma, Jihofa aka-i.

Hosiya 7:13

Atogwo ki chʼe-ma, todu ku ma kwobʼumi te̩ ale! E̩kpabie̩ ki chʼe-ma, todu ma fʼada-mi je̩! I dʼumi e̩do̩ kʼu gba ma tane̩, ma muda rʼo̩lemi nyʼumi.

Aizaya 34:13

Iñwa atiga ef unyi ojima-wñ, ikeke kpʼedudu egbe ajʼef aku-wñ ejefu. I la achʼugbo kʼamo̩gbemgbem anʼunyi-ma, ologbo amo̩bijim i ache.

Aizaya 32:13

ikeke kpai iñwa atiga ane̩ abo-mi; ochochi, i abʼoji unyi unyi uyo̩ du ef ewo uyo̩ le̩ ma.

Aizaya 27:12

I la awatu iko le̩ ki Jihofa agwu e̩wñ e̩yo̩ akwo uwobi ohimini Yufretis gbogbo wa aji Ijipti; i are e̩fiye̩-me̩ okoke, ame̩ amo̩ma Israe̩l.

Aizaya 19:13

Amagboji Zoan mud ame̩nidada, ma la gbʼamagboji Me̩mfis ibe me̩; abo ku ma chʼokuta udane̩ o̩lo̩pu o̩lo̩pu-wñ je̩ ñw Ijipti chila.

Aizaya 11:11

Tak i awache iko le̩ kʼOndu adʼo̩wo̩-wñ tʼo̩ onukeji kʼi fʼe̩bobo̩ amone̩-wñ la ñw o̩la-wñ, owñ chʼabo ku ma bo̩bo̩ kwʼAsiria kpai Ijipti kpai Patro̩s kpai Kush kpai Elam kpai Shainar kpai Hemat kpai ala ala ohimini abadi.

Ita, Ita 24:31

e̩ la go, ugbo du bo̩ ñw ikeke n; agahiama bʼoji-wñ ma ugbo du, o̩gba okuta ku ma bu nyʼu chekpo̩fo̩ wane̩.

Eli Eko̩ DʼO̩jo̩ 107:34

ane̩ uro̩je̩ rida ane̩ o̩kpakpala, tod e̩bie̩ne̩ kʼabo ki dodo o̩mo̩ ache.

2 Amonu 13:7

Todu i tʼamone̩ no̩ ñwu Jihoahaz in, chai amananya ooje, kpai o̩kogu me̩gwa kpʼabo ogu ku ma lule̩ e̩re̩ icham nyʼo̩gwo̩ko̩ me̩gwa; todu onu Siria fʼuma kpa rinyo̩, i che ma dabe̩ne̩ kʼebutu ku ma kpetili mʼane̩.

1 Samiue̩l 13:6

Tak aboke̩le̩ Israe̩l li ka kʼama kwotʼo̩ me̩, (todu amone̩ le̩ gane̩ n); tak amone̩ le̩ kʼo̩la-ma maja ef owo kpai ef etutu kpai akpolo okuta kpai ef ura kpai ef obuga

Je̩re̩maya 2:16

Amo̩ma e̩ne̩ke̩le̩ Me̩mfis kpai Tafanhes fʼakpe̩te̩ oji-we̩ kpo̩fo̩ me̩.

Je̩re̩maya 42:22

Todule̩, me̩ ki ma fai ka kʼame̩ akʼuku o̩kwo̩chageli kpai ukpo̩ta kpʼe̩wñ ibi, ugbo ki dʼume̩ e̩do̩ ku me̩ nyʼage̩ne̩ o̩mo̩ chuu.

Je̩re̩maya 44:1

O̩la amaJu du ku ma gugu oj ane̩ Ijipti, ku ma gugu Migdol kpai Tapanhe̩s kpai Me̩mfis kpai oj ane̩ Patro̩s ki lewʼugbo Je̩re̩maya le̩ de̩, kakini,

Je̩re̩maya 46:14

Me̩ dʼu kpogo Ijipti, fʼakoya-wñ ta Migdo̩l; fʼakoya-wñ ta Me̩mfis kpai Tapanhe̩s; me̩ kakini, Me̩ fʼo̩la mu dago, todu o̩kwo̩chageli lie̩ lʼuwe̩ daka me̩,

Je̩re̩maya 46:19

O uwe̩ o̩ma onobule̩ kʼe̩ gugu Ijipti, fʼe̩wñ eku amu che ñw o̩la-we̩ fʼo̩la amu-we̩ mu! Todu Me̩mfis amud e̩wñ awuwu, ma agujo rinyo̩, i anʼe̩ne̩ ki adodo ef uwñ n.

Izikie̩l 30:13

Abu kʼOndu Jihofa aka de̩ kakini: U ñʼafʼode ode-ma chile̩che̩, oñ naje̩ ñw e̩wñ o̩wai le̩ ki we jo Me̩mfis; idachi kʼi kwʼane̩ Ijipti ñʼade̩ ge̩ n; oñ nʼadʼailo te̩ ojane̩ Ijipti.

Izikie̩l 30:16

Omi la akʼuna Ijipti; Sin alʼiwo̩ nana; ma akpa No fo̩, ame̩no̩la Me̩mfis ajʼo̩la-wñ gbogbo dʼo̩jo̩.

Hosiya 2:6

Todule̩ go, omi anʼikeke kpʼo̩gba nyʼo̩na-wñ; oñ nanʼo̩do̩ nyʼu, kʼi we eli ugbo kʼo̩na o̩na-wñ de̩.

Hosiya 7:11

Ifraim la dab ikede, kʼibe-wñ ma jo̩ n, i la nʼibe n, i do̩ abo Ijipti, i la anyʼAsiria.

Ze̩fanaya 1:11

Me̩ kwa, ame̩ ku me̩ dodo Agu! todu ma fʼabo Kenan chaka lo̩ wane̩ me̩; ma mʼabo du ku ma nʼadu ajifa ko̩da.

Abo Lifai 26:33

Nakpa me̩ tuka rʼef abo uche̩ichi, oñ u nawʼugbada atʼume̩ ubi; ane̩-me̩ la amud alache̩, oñ ewo ewo-me̩ achihi rinyo̩.

Je̩re̩maya 44:12

Tak omi akʼabo e̩bo̩bo̩ Juda ku ma fʼeju-ma gwanyi enyʼIjipti ku ma ge̩ne̩ o̩mo̩, ma alie̩ rinyo̩ chaka, ma awane̩, oj ane̩ Ijipti. O̩kwo̩chageli kpʼukpo̩ta ako ma mi. Ama aku akwʼe-ki nya gbogbo wa e-ki nana tule, lʼalu o̩kwo̩chageli kpʼukpo̩ta. Ama la ache ama kpai awuwu kpai oli ina kpai ina.

Je̩re̩maya 44:13

Todu omi abʼudu ñw abo ku ma gugu oj ane̩ Ijipti, alu kʼu bu ñwu Je̩rusale̩m, lʼalu o̩kwo̩chageli kpai ukpo̩ta kpʼe̩wñ ibi.