Hosiya 14:8 - O̩TAKADA O̩LA O̩JO̩ 1970

⁸ Ifraim akakini, E̩wñ ño̩ chʼe-mi kpʼode ge̩? Omi mʼohi du me̩, u la anyʼe eti. Omi dab oli fe̩r emimi; ugbo-mi oñ uwe̩ ali e̩ro-we̩ kwo.

Hosiya 14:8 ပူးပေါင်းရင်းမြစ်များ

Job 34:32

e̩wñ kʼomi ma li n, e̩ ko̩ mi; u fʼuji che, u ñʼache ge̩ n?

Jeme̩s 1:17

Ele eche nyo̩nyo̩ kpʼele ki mufu du kwo ate̩ wa. I nagwo̩ru awa kwʼugbo Ala ugane̩ e-kʼuña erida alu kʼojiji olu arida le̩ ma dʼugbo-wñ n.

Luku 15:20

Tak i kwane̩, oñ i lewʼugbo ata-wñ. Ama abu kʼi dʼo̩najiji ta, ata-wñ fʼu li, ejumomi-wñ la je̩ ñw u n, oñ i fule wa anʼo̩lo̩-wñ, i la dʼalu kʼo̩ alu ño̩ dʼalu kʼo̩ alu-wñ.

Aizaya 55:13

Oli fe̩r atiga koji ikeke; oli me̩rte̩l la atiga koji iñwa; i la ade̩ ñw Jihofa tod odu ki chʼujiwe ogbegbele̩ ki ma nʼuda ge̩ n.

Aizaya 41:19

Nakʼoli sida kpai akesia kpai me̩rte̩l kpʼoli o̩lif e-efoko jo̩ aje̩tachi; nanʼoli saiprus kpai oli plen kpai oli bo̩ks, jʼugboʼkate egbili e̩lanyi kpʼokuta;

1 Te̩s 1:9

Todu ama onugo dʼo̩la-wa ka e̩go̩ alu kʼegudu kʼa gudu wʼugbo me̩ de̩, kpai alu ku me̩ rida tʼugbo O̩jo̩ bʼode te̩ ku me̩ chʼadu ñw O̩jo̩ kʼi deju kpʼe-ogbolo;

Abo Filipai 2:13

todu O̩jo̩ ehʼe̩ne̩ ki achuko̩lo̩ ef ume̩, tʼe-du e̩do̩ tʼe-uko̩lo̩-eche kʼi che e̩wñ ki rʼowñ e̩do̩.

Abo E̩fe̩sus 5:9

(todu e̩ro ugane̩ dʼef e̩wñ ki nyo̩ du kpai o̩kpakpa kpai ochochi),

Jo̩n 1:16

Todu o̩chaka wa mʼe̩wñ gba kwef e̩ko̩-wñ, ufe̩de̩nyo̩ la koji ufe̩de̩nyo̩.

Aizaya 60:13

Ojima Le̩banon awʼugbo-we̩, owñ chʼoli saiprus kpai plen kpai bo̩ks ki mud e̩wñ o̩ñwe̩ uña-mi kiafo̩; oñ nache kʼugbo kʼu nakʼe̩re̩-mi jo̩ ki nʼojima.

Job 33:27

i anʼeli ako̩ eju amone̩, oñ i aka kakini: Omi dure, u fʼe̩wñ o̩kpakpa rida, i la nʼile ñw mi n.

Abo Filipai 4:13

Iñmi-mi chewo e̩wñ du ef e̩ne̩ kʼi adʼukpahiu ñwu mi le̩.

Abo Filipai 1:11

E̩ro o̩kpakpa ki kʼume̩ efu lefu Jisus Kraist tod ojima kpai uñwulo̩ O̩jo̩.

Izikie̩l 17:23

Oj uwo ugbo kʼIsrae̩l gbo̩gba le̩, e̩me̩ nadʼu nyi, i la atʼe̩to̩, i la arʼe̩ro, i achʼoli sida ki achʼuto̩. Oñ ame̩we̩ ku ma nʼika ojoji ojoji du aru jʼofe-wñ, ma la aru jʼolubo̩ e̩to̩-wñ.

Izikie̩l 36:25

Omi la adʼomiofo ki fe̩ tafiʼume̩ o̩la, taku me̩ afe̩. Nache ku me̩ fe̩ bʼe̩wñ iwa-me̩ du kpʼode-me̩ du te̩.