Hosiya 11:11 - O̩TAKADA O̩LA O̩JO̩ 1970

¹¹ ma achi kwo Ijipti wa kpʼo̩la ega dab ame̩we̩, ma la akwo oj ane̩ Asiria wa dab ikede; tak omi aje̩ ñw ma gugu ef unyi unyi e-ma, Jihofa aka-i.

Hosiya 11:11 ပူးပေါင်းရင်းမြစ်များ

Aizaya 11:11

Tak i awache iko le̩ kʼOndu adʼo̩wo̩-wñ tʼo̩ onukeji kʼi fʼe̩bobo̩ amone̩-wñ la ñw o̩la-wñ, owñ chʼabo ku ma bo̩bo̩ kwʼAsiria kpai Ijipti kpai Patro̩s kpai Kush kpai Elam kpai Shainar kpai Hemat kpai ala ala ohimini abadi.

Aizaya 60:8

E̩ne̩ chʼabo ku ma wu tuu dab akpa-i, dabe̩ne̩ kʼamikede ku ma wu wuulu wʼunyi-ma?

Ze̩karaya 10:10

Omi ñʼako ma kwʼojane̩ Ijipti wa ge̩, oñ nako̩ ma kwʼAsiria wa jʼugbo ʼkate; omi la ako ma wa ojane̩ Gilead kpai Le̩bano̩n, o̩mo̩ la anʼuña bʼuma jo̩ n.

Hosiya 7:11

Ifraim la dab ikede, kʼibe-wñ ma jo̩ n, i la nʼibe n, i do̩ abo Ijipti, i la anyʼAsiria.

O̩badaya 1:17

Ama abo ku ma fʼo̩wo̩ tane̩ ajʼoj uwo Zayo̩n, ila afo̩; tak abunyi Jeko̩b anʼane̩-ma.

Hosiya 3:5

Ubile̩ tak amo̩ma Israe̩l adabi, oñ ma atejane̩ Jihofa O̩jo̩-ma kpai Defid onu-ma; ma la awʼugbo Jihofa kpai ugbo e̩nyo̩-wñ iko o̩jo̩ otitala kpʼailo era.

Izikie̩l 37:25

Ma la adodo oj ane̩ kʼu du ñw adu-mi Jekob ugbo kʼamata-me̩ dodo le̩; o̩mo̩ ma la adodo jo̩, ama kpʼamo̩ma-ma kpʼamaaju-ma ogbegbele̩; oñ Defid, adu-mi Je̩, achʼidachi-ma ogbegbele̩ ge̩.

Izikie̩l 37:21

Tak e̩ ka ñwu ma kakini, Abu kʼOndu Jihofa aka de̩ kakini, Go, omi akʼamo̩ma Israe̩l kwef abo uche̩ichi uche̩ichi ugbo ku ma nyi le̩ dufu oñ nako ma kwʼo̩wo̩ tʼo̩wo̩ ugbo tʼugbo du wa jo̩, kʼu nako ma wʼane̩ e-ma onugo.

Je̩re̩maya 31:12

Ma la awa akeli taa oj otete Zayo̩n, eju-ma la ade̩ noj e̩nyo̩ Jihofa, noji e̩wñ e̩yo̩ kpʼomi achiwebe̩te̩ma kpʼekpo-wñ, kpʼamo̩ma ame̩wño̩re̩ egini kpʼamokuno̩; udeju-ma la adab uche̩ ku ma tʼomi fiʼo̩, ma ñʼache̩do̩dudu du ge̩ n.

Izikie̩l 34:27

Oli egbili la arʼe̩ro-wñ, ane̩-ile̩ la arʼo̩je̩, oñ ma ajo̩ ane̩-ma to̩koo̩. Taku ma ama ka kʼomi Jihofa de̩, owñ chʼe̩gba kʼu fʼoli uno̩lo̩-ma guche̩, kʼu la mʼuma gba kwef o̩wo̩ abo ku ma ko ma chʼadu.

Izikie̩l 34:28

Ma ñʼachʼe̩wñ aluje̩ ñw abo uche̩ichi uche̩ichi ge̩ n. Ame̩wñ iñmi ile̩-i lañʼako ma je̩ ge̩ n; ma muda ajo̩ to̩ko̩o̩, oñ e̩ne̩ du anyʼuma okpo n.

Ze̩karaya 8:7

Abu ki Jihofa ki nʼe̩wñ du aka de̩ kakini, Go, najadu abo-mi kwo ane̩ olodudu kpai akwo ane̩ o̩wo̩ olane̩;

Ze̩karaya 8:8

oñ nako ma wa, ma la adodo o̩ge̩ge̩de̩ Je̩rusale̩m; tak ama achʼabo e-mi oñ nachʼO̩jo̩ e-ma, ef ochochi kpai ef o̩kpakpa.