Hosiya 1:11 - O̩TAKADA O̩LA O̩JO̩ 1970

¹¹ Taku ma akʼamo̩ma Juda kpʼamo̩ma Israe̩l wa jʼugbokate, oñ ma achi e̩ne̩ ka kʼi chʼagboji-ma; taku ma akwo bʼojane̩ le̩ te̩, todu iko Je̩zree̩l le̩ atabale.

Hosiya 1:11 ပူးပေါင်းရင်းမြစ်များ

Hosiya 3:5

Ubile̩ tak amo̩ma Israe̩l adabi, oñ ma atejane̩ Jihofa O̩jo̩-ma kpai Defid onu-ma; ma la awʼugbo Jihofa kpai ugbo e̩nyo̩-wñ iko o̩jo̩ otitala kpʼailo era.

Je̩re̩maya 31:33

Alo kʼomi akpe̩ kpʼunyi Israe̩l e̩gba kʼo̩jo̩ e-le̩ lale la de̩, kakini, Nadʼuko̩-o̩la-mi tʼuma efu, oñ nakʼo̩ nyʼef e̩do̩-ma; tak u nachʼO̩jo̩-ma, oñ ma achʼabo-mi.

Abo Rom 11:15

Todu iche̩wñ kʼeko ma rinyo̩ chʼuño̩ru ñw abo ile̩, emʼuma gba fa ki ma chʼiñmi kwef abo ki ku n?

Je̩re̩maya 50:19

Tak u ñʼadu Israe̩l dabi wa okije̩ e-wñ ge̩, owñ la ajije̩ oji Karme̩l kpai Beshan, oñ onugo-wñ aje̩ kʼefu oj uwo Ifraim kpai Gilead.

Je̩re̩maya 30:3

Todu, go, iko-wñ awa, Jihofa aka-i, kʼomi arʼamu abo-mi Israe̩l kpai Juda da, Jihofa aka-i, tak u naje̩ ñw ma dabi wʼane̩ kʼu du ñw amata-ma, taku ma agba.

Eli Eko̩ DʼO̩jo̩ 110:3

Amone̩-we̩ gʼe̩do̩la-ma akʼo̩la-ma wa dab e̩wñ iche̩bo̩ iko ukpahiu-we̩ e̩wñ o̩la kiafo̩ ajʼo̩la-ma. Abokolobia-we̩ ake̩che̩ dufu alu kʼeli achi odudʼodudu.

Je̩re̩maya 30:7

Atogwo! todu o̩jo̩ kʼa ka-i tabale i nʼe̩go̩ n; iko o̩bata Jeko̩b i che; ma muda agbʼowñ kwef uwñ.

Je̩re̩maya 30:21

E̩nojima-ma achʼe̩ne̩ e-ma onugo, alumeji e-ma onugo oñ e̩nuto̩gba akwo; u la aje̩ ñw u te̩ wa, tak i ate̩ me̩ru mi, todu e̩ne̩ te̩te̩nʼe̩do̩ kʼi ate̩me̩ru mi? Jihofa aka-i.

Je̩re̩maya 32:37

Go, nako ma kwʼojane̩ ojane̩ du ugbo kʼu ne ma nyi ef uwe̩do̩-mi kpʼe̩do̩fulu-mi kpʼeju e̩kpa nana nana wa; oñ nako ma dabi wʼuña-i, u la aje̩ ñwu ma jo̩ to̩ko̩o̩.

Izikie̩l 39:25

Todule̩ abu kʼOndu Jihofa ka de kakini, Fai tak u narʼamu Jeko̩b da, oñ nail o̩gbo abo unyi Israe̩l du ejumomi; oñ najogu tod odu-mi kiafo.

Hosiya 2:1

Me̩ ki ka ñw amo̩maye-me̩ e̩ne̩ke̩le̩ kakini, Ammi; me̩ ki ka ñw amo̩maye-me̩ onobule̩ kakini, Ru-hama.