Hagai 2:6 - O̩TAKADA O̩LA O̩JO̩ 1970

⁶ Todu abu ki Jihofa ki nʼe̩wñ du ka de̩ kakini, Iko-wñ bo̩ ree, kʼu naño̩ fʼefojale kpai ane̩-ile̩ kpai ohimini kpai ane̩ e̩gbe̩ miejo onuʼka ta;

Hagai 2:6 ပူးပေါင်းရင်းမြစ်များ

Aizaya 10:25

Todu i bo̩ re tak e̩do̩ e̩kpa-mi kpʼuwe̩do̩-mi akpoji ef e̩kpabie̩ e-ma.

E̩wñ kʼAme̩nukpuche̩ Che 2:19

Tak u nakʼe̩wñ uno̩ jo̩ ojale ate̩-i, kpai e̩wñ ujiwe ile̩ o̩gane̩-i: e̩bie̩ kpai una kpai odudʼuna dab atula ki ache tuu.

Joe̩l 3:16

Jihofa la de̩ Zayo̩n akwa, i la de̩ Je̩rusale̩m anʼomu dala, efojale kpʼane̩-ile̩ la amiejo. Jihofa muda achʼokoubi tod abo-wñ, i la chʼaku ñw abo Israe̩l.

Aizaya 29:17

Iko-wñ bo̩ re taku Le̩bano̩n amud ane̩ uro̩je̩ n? Kʼane̩ uro̩je̩ ki chʼe̩re̩ʼka kpʼefoko n?

Abo Hibru 10:37

Todu i bo̩ re tiki tiki tak e̩ne̩ ki awa le̩ awa, i la ache̩du n.

Izikie̩l 38:20

kʼame̩ja ohimini kpʼame̩we̩ ojale, kpʼame̩wñ iñmi egbili kpʼe̩wñ du ki afa, kʼi afa ane̩pe̩te̩, kpʼamone̩ du ku ma jo̩ eju ile̩-i, amiejo eju-mi ki dane̩ o̩mo̩, uwo uwo ki gbo̩gba agulo̩ wane̩, oñ ugbo ki dago kpakpa awane̩, aku aku du la awʼane̩pe̩te̩.

Je̩re̩maya 51:33

Abu ki Jihofa ki nʼe̩wñ du, kʼi chʼO̩jo̩ Israe̩l ka de̩ kakini: O̩monobule̩ Babilo̩n dab ajita ugho ku ma gwʼo̩ka iko ku ma agwʼe̩wñ oji-wñ; i bo̩ re kʼiko e̩wñ oko-wñ eko wʼunyi lewa.

Aizaya 34:4

O̩wo̩ e̩wñ ojale du la ayo̩ rinyo̩, taku ma afʼefojale ka dab uloko. Oñ o̩wo̩ e̩wñ le̩ du awane̩, alu kʼeñmi achiwebe̩te̩ma aña rinyo̩ kpʼalu kʼeñmi o̩gbaikolo akwacha.

Eli Eko̩ DʼO̩jo̩ 37:10

I bo re ta, tak e̩ne̩bibi le̩ ma ñʼado̩mo̩ ge̩ n; ochochi, uwe̩ atejane̩ uña-wñ, i la ñʼade̩ ge̩ n.

O̩la E̩bite 11:9

Tak abo iche̩ka ef amone̩ le̩ kpʼef o̩lo̩pu, o̩lo̩pu, kpʼefʼalu ichi ichi kpʼabo uche̩ichi uche̩ichi ago oku-ma o̩jo̩ me̩ta kpʼukpeji, ma la aje̩ ñw ma kʼoku-ma ji n.

Job 9:6

kʼi amiʼane̩-ile̩ ejo kwo bʼegu-wñ te, kʼugbogaga-wñ naga;

Eli Eko̩ DʼO̩jo̩ 18:7

Tak ile̩ kwo miejo i la ga ligaliga; unyane̩ uwo ño̩ ga gbagbagba oñ i kwomiejo, todabu kʼe̩do̩-wñ kpa.

Aizaya 2:19

Tak amone̩ anyʼef owo owo okuta kpʼef ura ura ane̩pe̩te̩ ku ma kwo bʼubailo Jihofa te̩, kpai kwo bʼojima e̩gahi-wñ te̩, e̩gba kʼi akwane̩ kʼi aje̩ ñw ailo fʼabo ile̩ mu.

Aizaya 13:13

Todule̩ oñ nuje̩ ñw efojule ki ga, ma la amiʼile̩ ejo bʼuña-wñ te̩, owñ chʼugbo o̩fu e̩do̩ Jihofa ki nʼe̩wñ du kpʼo̩jo̩ kʼuwe̩do̩-wñ kpuna le̩.

Je̩re̩maya 33:14

Go, iko-wñ awa, Jihofa ka-i, kʼomi ache teju o̩la e̩nyo̩ kʼu ka ugbo unyi Israe̩l kpai ugbo unyi Juda.

Izikie̩l 38:19

Todu ef ogu-mi kʼu naja, kpʼef una o̩fu e̩do̩-mi u ka, kakini, O̩jo̩ le̩ emiejo inaina ade̩ ane̩ Israe̩l chuu;