Hagai 2:14 - O̩TAKADA O̩LA O̩JO̩ 1970

¹⁴ Taku Hagai dohi kakini, Abe̩le̩ amone̩-i de̩, oñ abe̩le̩ abo ichi-i de̩ eju-mi-i, Jihofa ka-i; abe̩le̩ uko̩lo̩ du kʼo̩wo̩-ma che la de̩ ge̩; oñ e̩wñ du ku ma ko wa o̩mo̩ chʼe̩daji.

Hagai 2:14 ပူးပေါင်းရင်းမြစ်များ

Taito̩s 1:15

E̩wñ du de̩ hiolo ñw ame̩ne̩hiolo; e̩wñ du muda de̩ hiolo ugbo abo kʼe̩wñ damʼuma o̩la ku ma la ko̩ eke̩do̩no n: e̩wñʼka la damʼibe ma, kpʼakone̩o̩la ki dʼefu e̩do̩-ma me̩.

Ita, Ita 28:9

E̩ne̩ ki mʼeti du bʼuko̩-o̩la egbo̩ te̩, i chaka chʼadua-wñ, e̩wñ ihie̩ne̩ i che.

Ita, Ita 15:8

E̩wñ kʼame̩ne̩bibi kpa ñw Jihofa chʼe̩wñ ihie̩ne̩ ñw u, adua abo ku ma che e̩wñ teju-wñ muda chʼuyo̩-wñ.

O̩takada ki kwʼo̩wo̩ Jud 1:23

me̩ ki la fʼabo̩ iche̩ka jadu, me̩ fʼuma dinya kwef una; me̩ laño̩ li abo iche̩ka ejumomi, ailo ki muda ba me̩, i chaka chʼafe̩ kʼiwa o̩re̩la bumʼo̩, i ki chʼe̩wñ ulaka-me̩.

Ita, Ita 21:27

E̩wñ e̩bie̩ kʼame̩ne̩bibi kpa chʼe̩wñ ihie̩ne̩; e̩gba kʼi nʼali bibi ane̩ wa fa?

Ita, Ita 21:4

Eju eke kpai e̩do̩ uba, kʼi chʼagege ame̩ne̩bibi, adure i che.

Hosiya 9:4

Ma adʼomi achiwebe̩te̩ma dajane̩ ñw Jihofa n; ma la arʼowñ e̩do̩ n. E̩wñ iche̩bo̩-ma adab uje̩wñ abo ku ma daido̩ ñw u; o̩la e̩ne̩ du ki aje̩ adaji; todu uje̩wñ-ma achʼutodu ebi-ma; i la awʼef unyi Jihofa n.

Aizaya 66:3

E̩ne̩ ki akpa o̩kokuno̩ dabe̩ne̩ kʼone̩ i kpa le̩; e̩ne̩ ki adʼe̩wño̩re̩ egini chʼiche̩bo̩ dab e̩ne̩ ki agu abia o̩lo̩ che̩; e̩ne̩ ki dʼe̩wñ ele wache dab e̩ne̩ ki adʼe̩bie̩ oko wa; e̩ne̩ ki gu otulale jo dab e̩ne̩ ki akaduwa ñw ode. Alu ku ma fʼo̩na o̩na chi ñw o̩la-ma onugo, kʼonugo-ma ayo̩ ñw e̩wñ ihie̩ne̩-ma;