Hagai 1:4 - O̩TAKADA O̩LA O̩JO̩ 1970

⁴ Abu kʼunyi-i chʼalache̩ te̩-i, iko kʼame̩ onugo agugu unyi-me̩ ku me̩ kwo̩ o̩me̩me̩le̩ le̩ de̩?

Hagai 1:4 ပူးပေါင်းရင်းမြစ်များ

2 Samiue̩l 7:2

kʼonu ka ñwu Netan, akache̩ kakini, Go ta, omi gugu ef unyi sida, akpati O̩jo̩ la gugu ef ukpo ku ma ta te̩ ofo.

Abo Filipai 2:21

Todu o̩chaka-ma feju e̩wñ o̩la e-ma, ma feju e̩wñ e-Jisus Kraisti n.

Hagai 1:9

Ame̩ neju e̩wñ nana, me̩ la go, i mud e̩wñ ree; tak e̩gba ku me̩ mʼu ko wʼunyi, u fʼu fʼafu rinyo̩. E̩wñ chi? Jihofa ki nʼe̩wñ du aka-i. Tod unyi-mi kʼi chʼalache̩ te̩, oñ ame̩ aboke̩le̩, e̩ne̩ne̩ne̩ne̩-me̩ jʼara nyʼunyi e-wñ.

Matiu 6:33

Me̩ ki la feju Ojane̩ e-wñ kpʼo̩kpakpa-wñ ejodudu, taku ma akʼe̩wñ le̩ du manyʼu ñwu me̩.

Je̩re̩maya 52:13

Oñ i fʼunyi Jihofa gujo kpʼunyi onu, kpʼunyi unyi Je̩rusale̩m chaka; i fʼuna tʼunyi lile du ki fʼu gujo rinyo̩.

Maika 3:12

Todule̩ tod e-me̩ le̩ ma ako̩ Zayo̩n e̩be̩ e̩be̩ jo̩ dab uche̩; Je̩rusale̩m amudugbudu ugbudu jo̩, oñ oj uwo unyi-i adab otete otete efoko.

Edinaku 4:1

Go abu kʼo̩jamalia de̩ chunuu, o̩jamalia ki de̩ hiolo tu ma le murida me̩! Ma mʼokuta uña kiafo̩ ko dajane̩ ugbo uchane̩ o̩na o̩na du.

Edinaku 2:7

Ondu fʼubo̩ iche̩bo̩-wñ hi tinyo̩ me̩, i ko̩ uña-wñ kiafo̩; i tʼo̩do̩ o̩do̩ unyi ojima-wñ no̩ nyʼef o̩wo̩ e̩nebi; ma la fʼekuku che ef unyi Jihofa dabe̩ne̩ kʼo̩jo̩ ujeju ku ma da.

Je̩re̩maya 33:12

Abu ki Jihofa ki nʼe̩wñ du aka de̩ kakini, Ef uña oku ane̩ ugbo kʼone̩ kpʼe̩la abe̩re̩me̩le̩ ma de̩ n-i, kpʼewo ewo-wñ chaka, ugbo kʼamadidala agugu, ku ma ñʼaje̩ ñw ame̩wño̩re̩-ma egini ki dachi jo̩, adabi de̩ ge̩.

Je̩re̩maya 33:10

Abu ki Jihofa aka de̩, Ugbo-i ku me̩ kʼo̩la-wñ kakini, oku ane̩ i che, one̩ kpʼe̩la abe̩re̩me̩le̩ dʼemi n, owñ chʼef ewo ewo Juda kpʼo̩na o̩na Je̩rusale̩m ugbo kʼi chʼalache̩, ugbo kʼone̩ ma de̩ n, kʼone̩ ma dodo n, kʼe̩la abe̩re̩me̩le̩ du ma do̩mo̩ n-i,

Je̩re̩maya 26:18

Maika e̩ne̩ Mo̩reshe̩t le̩ kache̩ iko He̩ze̩kaya, onu Juda, oñ i ka ñw amone̩ Juda chaka kakini, Abu ki Jihofa ki nʼe̩wñ du aka de̩, kakini, Ma akʼe̩be̩ Zayo̩n dabe̩ne̩ kʼoko; Je̩rusale̩m amud ugbudu ucho̩do̩, oñ uwo unyi-i adab otete efoko ʼka.

Je̩re̩maya 26:6

mak e̩gbale̩ nachʼunyi-i ki dabu Shailo, oñ nachʼewo-i ki chʼina ñw abo uche̩ichi du ane̩ ile̩-i.

Eli Eko̩ DʼO̩jo̩ 102:14

Todu okuta okuta-wñ chenyo̩ amadu-we̩ eju, ma la li ebutu-wñ eju.

Eli Eko̩ DʼO̩jo̩ 74:7

Ma mʼuna du tʼuña-we̩ kiafo̩ me̩; ma fʼuña ugbo kʼodu-we̩ dodo le̩ daji gbogbo wa tane̩.

Izikie̩l 24:21

E̩ nako̩la ñw abo unyi Israe̩l kakini, Abu kʼOndu Jihofa aka de̩ kakini, Go, omi afʼuña-mi kiafo̩ daji, owñ chʼuba ukpahiu-me̩ kpʼe̩wñ uñeju-me̩ kpʼe̩wñ kʼonugo-me̩ ali ejumomi-wñ le̩. O̩kwo̩-chageli la akʼamo̩ma-me̩ e̩ne̩ke̩le̩ kpʼonobule̩ kʼume̩ tʼuma no̩ jʼubi dajane̩.

Je̩re̩maya 22:14

kʼi kakini, Nakʼunyi lile ñw o̩la-mi unyi unyi-mi ojale anʼefu, kʼi la fʼope-wñ da, kʼi la nʼoli sida gamʼo̩do̩-wñ, kʼi adʼe̩wñ ekpikpa kuru.

Hagai 1:3

Tak o̩la Jihofa lʼugbo Hagai akache̩ le̩ wa kakini,

Hagai 1:5

Todule̩ abu ki Jihofa ki nʼe̩wñ du aka de̩ kakini, Me̩ ki dʼe̩do̩ tʼo̩na o̩na ku me̩ le le̩ ku me̩ fʼibe-wñ kpe̩.

Abo Lifai 19:25

Tak o̩do̩ e̩ke̩lu-wñ me̩ aje̩ e̩ro-wñ, todu kʼi ro nana ñwu me̩: omi, Jihofa O̩jo̩-me̩, de̩.

2 Amonu 5:26

Tak i ka ñw u kakini, E̩do̩-mi lebʼuwe̩ e̩gba kʼe̩ne̩ le̩ murida bʼo̩kogu-wñ te̩ aledʼuwe̩ n? Iko ku ma agba o̩ko̩ de̩? Iko ku ma agba e̩wñ o̩la kpʼuche̩ o̩lif kpʼuche̩ achiwebe̩te̩ma, kpʼame̩wño̩re̩ egini kpʼamokuno̩ kpʼamadu aboke̩le̩ kpʼamadu abobule̩ le̩ de̩?

Ako̩la ñw Ujeju 3:3

iko e̩wñ edu kpa, kpʼiko o̩ga eche kpa; iko egulo̩, kpʼiko ene;