Hagai 1:1 - O̩TAKADA O̩LA O̩JO̩ 1970

¹ O̩do̩ ekeji ku Darius jʼonu, ochu e̩ke̩fa-wñ, o̩jo̩ ejodudu ochu le̩, o̩la Jihofa lʼugbo Hagai akache̩ wʼugbo Zerubabe̩l o̩ma Shealtie̩l ki chʼigo̩bina Juda, kpai ugbo Jo̩shua o̩ma Jehozadak, ki chʼagboji amatama, kakini,

Hagai 1:1 ပူးပေါင်းရင်းမြစ်များ

E̩zra 2:2

Abo le̩ kpe̩re̩ wa kpai Zerubabe̩l kpai Je̩shua kpai Nihe̩maya kpai Se̩raya kpai Ree̩laya kpai Mo̩rde̩kai kpai Bilshan kpai Mispar kpai Bigfai kpai Rehum kpai Beana. Aluka aboke̩le̩ abo Israe̩l le̩ de̩:

E̩zra 3:8

Oñ ef o̩do̩ ekeji ku ma wʼunyi O̩jo̩ Je̩rusale̩m, ochu ekeji-wñ, Zerubabe̩l, o̩ma Shealtie̩l, kpai Je̩shua, o̩ma Jozadak, kpai amo̩maye-ma ki bo̩ ku ma chʼamatama kpai abo Lifai, kpai amone̩ ku ma kwʼef amu le̩ wa Je̩rusale̩m chane̩, oñ ma chi abo Lifai kʼo̩do̩-ma ma nyaru ogu n, ku ma nʼo̩da edejutʼuko̩lo̩ unyi Jihofa.

E̩zra 3:2

Taki Je̩shua, o̩ma Jozadak, kpai amo̩maye-wñ ku ma chʼamatama, kpai Ze̩rubabe̩l, o̩ma Shealtie̩l, kpai amo̩maye-wñ, kwane̩ oñ ma fʼubo̩ iche̩bo̩ O̩jo̩ e-Israe̩l ne, kuma che e̩wñ iche̩bo̩ e̩gujo oji-wñ, alu ku ma ko̩ ef uko̩-o̩la Mose̩s e̩ne̩ O̩jo̩ le̩.

Hagai 2:10

O̩jo̩ ogu nyoke me̩le̩ ochu e̩ke̩la, o̩do̩ ekeji ki Darius jʼonu, o̩la Jihofa lʼugbo Hagai akache̩ le̩ wa, kakini,

Hagai 1:12

Taku Zerubabe̩l o̩ma Shealtie̩l, kpai Jo̩shua o̩ma Jehozadak, agboji amatama, manyʼabubo̩ amone̩ le̩ chaka gbʼomu Jihofa O̩jo̩-ma gbo̩, kpai o̩la Hagai akache̩, alu ki Jihofa O̩jo̩-ma fʼu kpuche̩ wa le̩; oñ amone̩ le̩ kwo railo eju Jihofa.

Nihe̩maya 7:7

Owñ chʼabo ku ma lebo Zerubabe̩l kpai Je̩shua kpai Nihe̩maya kpai Azaraya kpai Raamaya kpai Nahamani kpai Morde̩kai kpai Bilshan kpai Mispe̩re̩t kpai Bigfai kpai Nehum kpai Beana. Aluka aboke̩le̩-ma ku ma chʼabo Israe̩l de̩:

Hagai 1:14

Oñ Jihofa dʼe̩do̩ Zerubabe̩l o̩ma Shealtie̩l, igo̩bina Juda le̩, kwane̩, kpai e̩do̩ Jo̩shua o̩ma Jehozadak, agboji amatama, kpai e̩do̩ abubo̩ amone̩ le̩ chaka; taku ma lewa chʼuko̩lo̩ unyi Jihofa ki nʼe̩wñ du, O̩jo̩-ma le̩,

E̩zra 6:14

Oñ abogijo amaJu nʼo̩do̩ le̩ ane̩ waa, oñ i nara ñwu ma, lugbo ache̩ ki Hagai akache̩, kpai Ze̩karaya o̩ma Ido le̩ ka. Ma la fʼu ne kpoji teju alu kʼO̩jo̩ e-Israe̩l ñwate̩, kpʼalu ki Sairo̩s kpai Darius kpai Artaze̩rksis onu Pe̩rsia dʼo̩da-wñ te̩.

Hagai 2:20

Tak o̩la Jihofa ño̩ wʼugbo Hagai onu keji o̩jo̩ ogu nyoke me̩le̩ ochu le̩, kakini,

Hagai 2:4

I chaka dʼabe̩le̩, fʼeju gbiti, uwe̩ Zerubabe̩l, Jihofa ka-i; fʼeju gbiti, uwe̩ Jo̩shua o̩ma Jehozadak, agboji amatama; me̩ fʼeju gbiti, ame̩ amone̩ ane̩-i du, Jihofa ka-i, ku me̩ chuko̩lo̩: todu omi dʼugbo me̩, Jihofa ki nʼe̩wñ du ka-i,

Nihe̩maya 12:10

Je̩shua la bi Joiakim, Joiakim la bi Eliashib, Eliashib la bi Joyada,

Nihe̩maya 12:1

Oñ abo-i chʼamatama kpai abo Lifai ku ma te̩gu lebo̩ Zerubabe̩l, o̩ma Shealtie̩l, kpai Je̩shua: Se̩raya kpai Je̩re̩maya kpai Ezra,

Nihe̩maya 8:9

Oñ Nihe̩maya kʼi chʼigo̩bina kpai E̩zra atama ki chʼako̩takada kpai abo Lifai ku ma nʼo̩la ako amone̩ ka ñw amone̩ le̩ chaka kakini, Eñini-i chʼo̩je̩ kiafo̩ ñwu Jihofa O̩jo̩ e-me̩; me̩ ki daido̩ n, me̩ ki raku n. Todu amone̩ le̩ chaka kworaku e̩gba ku ma gbo̩ o̩la uko̩-o̩la le̩.

Nihe̩maya 5:14

Anoji e-le̩ ge̩ akwihi ku ma dʼumi che igo̩bina Juda owñ chʼakwʼo̩do̩ ogu gbogbo wa o̩do̩ ogue̩gwa nyoke meji kʼArtaze̩rksis jʼonu, owñ chʼo̩do̩ me̩gweji, omi kpai amo̩maye-mi jʼuje̩wñ ukpe̩ igo̩bina kʼu che mama ta n.

E̩zra 4:24

Tak uko̩lo̩ unyi O̩jo̩ kʼi de̩ Je̩rusale̩m chi; oñ i chi gbogbo wʼo̩do̩ ekeji ki Darius jʼonu Pe̩rsia.

E̩zra 4:2

ma te̩ me̩ru Zerubabe̩l, kpai amata ku ma dʼoji dufu le̩, oñ ma ka ñwu ma kakini, A abʼume̩ kʼunyi; todu a tene O̩jo̩-me̩ alu ku me̩ tene owñ; a te̩tʼakpa e̩wñ e̩bie̩ ñw u akwʼiko E̩zar-hadon, onu Asiria, e-ki ko wa wʼemi le̩.

E̩zra 2:63

Tak igo̩bina ka ñwu ma kʼama ki we eje̩ e̩wñ ki afo̩ e-efo̩ le̩, gbogbo tak ata-maʼka kʼi ne̩ Urim kpai Tumim ki kwane̩.

E̩zra 1:8

Ab e-le̩ Sairo̩s onu Pe̩rsia je̩ ñwu Mitredat, adigede-wñ, ko dufu wa, kʼi fʼu kaluka nyʼef o̩wo̩ She̩sh-baza idachi Juda.

1 Iko Iko E̩wñ 3:19

Oñ amo̩ma Pe̩daya che Ze̩rubabe̩l kpai Shimeai. Amo̩ma Zerubabe̩l la che Me̩shulam kpai Hananaya kpai Shelomit o̩maye-ma onobule̩;

1 Iko Iko E̩wñ 3:17

Amo̩ma Je̩konaya e̩namu le̩ che Salatie̩l o̩ma-wñ,

2 Amonu 14:25

I fʼalo̩me̩ ane̩ Israe̩l hi dabi tʼe̩gu-wñ akwʼugbo ku ma gudu wa Hemat gbogbo wa omi Araba, alu ki Jihofa, O̩jo̩ e-Israe̩l ka, owñ chʼe-kʼi ka lʼalu adu-wñ Jona o̩ma Amitai, akache̩ kʼi chʼabo Gat-he̩fe̩r le̩.

1 Amonu 14:18

Tak abo Israe̩l chaka mʼu du ji, oñ ma dʼaido̩-wñ, teju o̩la Jihofa kʼi ka lʼalu adu-wñ, Ahija, akache̩ le̩.

Luku 3:27

e-Joana, e-Risa, e-Ze̩rubabe̩l, e-Salatie̩l, e-Nirai,

Akwodufu 4:13

I muda kakini, Aiya, Ondu, e̩ne̩ omune̩ du ki dʼuwe̩ e̩do̩, e̩ kpʼe̩, agba.

1 Amonu 10:15

manyʼe̩wñ kʼamagbagbata ne̩ wa, kpʼe̩wñ kʼamachinyama ne̩ wa kpʼe̩wñ ki kwʼugbo amonu Arabia du kpʼe̩wñ kʼamigo̩bina ane̩ o̩mo̩ ko wa ge̩.

E̩zra 5:1

Iko le̩ amakache̩, owñ che Hagai ki chʼakache̩, kpai Ze̩karaya, o̩ma Ido, ama le̩ kache̩ ñw amaju ku ma jo̩ Juda kpai Je̩rusale̩m; ma ka lugbo odu O̩jo̩ e-Israe̩l ki bʼuma ma le̩.

E̩zra 5:3

Iko le̩ Tatenai, kʼi chʼigo̩bina udaba ohimini le̩ kpai Shetar-bozenai kpʼame̩numana-ma wʼugbo ma, oñ ma ka ñwu ma kakini, E̩ne̩ dʼo̩da ñwu me̩ ku me̩ kʼunyi-i ku me̩ la fʼaku-i ne kpa?

E̩zra 10:18

Oñ ma fʼamo̩ma amatama iche̩ka ku ma nʼabobule̩ ononojo chʼo̩ya li: e-amo̩ma Je̩shua ki chʼo̩ma Jo̩zadak, kpai amo̩maye-wñ che, Maaseya kpʼE̩lieza kpai Jarib kpai Ge̩dalaya.

Hagai 1:2

Abu ki Jihofa ki nʼe̩wñ du ka de̩, kakini, Amone̩-i jʼaka kakini, Iko-wñ wa ta n, owñ chʼiko ku ma ako̩ unyi Jihofa.

Hagai 1:3

Tak o̩la Jihofa lʼugbo Hagai akache̩ le̩ wa kakini,

Hagai 2:21

E̩ ka ñwu Zerubabe̩l, igo̩bina Juda kakini, Nami efojale kpai ile̩ ejo;

Malakai 1:8

E̩gba ku me̩ kʼe̩wñ akpejufo̩ wa ku me̩ ko chʼiche̩bo̩, mak i bie̩ne̩ n de̩? oñ e̩gba ku me̩ kʼe̩wñ ki achika kpai e̩wñ ki achʼo̩ga wa, mak i bie̩ne̩ n de̩? Mʼe̩wñ le̩ ko wa ñw igo̩bina-we̩ ke̩, e̩do̩-wñ abo̩rʼu we̩? I ali we̩ eju? Jihofa ki nʼe̩wñ du ka-i.

Hagai 1:15

o̩jo̩ ogu nyoke me̩le̩ ochu e̩ke̩fa o̩do̩ ekeji ku Darius jʼonu.

Ze̩karaya 1:1

Ochu e̩ke̩jo, o̩do̩ ekeji ki Darius jʼonu, o̩la Jihofa wʼugbo Ze̩karaya akache̩, o̩ma Be̩rikaya o̩ma Ido, kakini,

Ze̩karaya 3:1

Tak i du Jo̩shua agboji amatama le̩ ña mi abu kʼi dago o̩gba onuche̩ Jihofa, kʼE̩no̩la le̩ dago o̩wo̩ awo̩to̩-wñ kʼi gwʼajo̩ nʼo.