Habakuk 3:4 - O̩TAKADA O̩LA O̩JO̩ 1970

⁴ Ufane̩-wñ la dab ugane̩, o̩go̩ una la che mala mala o̩wo̩-wñ; o̩mo̩ la chʼumaja ukpahiu-wñ.

Habakuk 3:4 ပူးပေါင်းရင်းမြစ်များ

Matiu 17:2

Oñ i mud eida eju-ma, eju-wñ la fu dab olu, e̩wñ o̩la-wñ mud efufu dab ugane̩.

Job 26:14

Go, e̩wñ-i chʼiba iba-wñ kʼi ale ta; o̩la-wñ kʼa gbo̩ chʼo̩ye̩ye̩ ta, e̩ne̩ amʼoji uko̩la akpabana ukpahiu-wñ?

Akwodufu 14:20

oñ i lewatʼagbagba uru abo Israe̩l kpai uru abo Ijipti. Abe̩le̩ akpa kpai e̩chubi do̩mo̩, oñ i je̩ ñw ane̩ ne̩ odu oñ e̩ne̩ du ma te̩ me̩ru ekeji gbogbo ñw o̩jo̩ n.

O̩la E̩bite 22:5

O̩jo̩ ñʼadu ge̩ n; eku ugane̩ e-agege kpʼugane̩ e-olu aku ma ge̩ n; tod Ondu O̩jo̩ achʼugane̩-ma. Ma la ajʼonu ogbegbele̩ nyile̩wa.

1 Timoti 6:16

owñ kate chʼe̩ne̩ ki ma nʼuku n, unyi-wñ dʼef ugane̩ kʼone̩ ma ate̩me̩ru n; owñ chʼe̩ne̩ kʼe̩ne̩ du ma li n, ma la neke liʼu n: owñ ki nʼojima kpai ukpahiu ogbegbele̩. Ami.

Ita, Ita 18:10

Odu Jihofa chʼo̩do̩go̩ ki gbiti; e̩no̩kpakpa ara tʼefu-wñ oñ ma adʼu gugu atate̩.

Eli Eko̩ DʼO̩jo̩ 104:2

uwe̩ kʼe̩ kʼugane̩ bʼo̩la-we̩ ma dabe̩ne̩ kʼotogbo, uwe̩ kʼe̩ fʼefojale nadala te̩ dabe̩ne̩ kʼukpo ku ma ko ta jo̩,

Nihe̩maya 9:12

Anubi le̩ ge̩, uwe̩ dʼef akpa ki dago waala le̩ ane̩ ma le o̩ro̩ka; uwe̩ la dʼef una ki dago waala odu, kʼe̩ dʼugane̩ ñwu ma o̩na ugbo ki dukpe̩ ku ma ale.

Akwodufu 13:21

Jihofa la tʼuma o̩gba, o̩ro̩ka i dʼef akpa ki dago waala o̩gba-ma kʼi ne̩ ma alʼo̩na le̩, odu i dʼef una kʼi dago waala kʼi mud ugane̩ ñwu ma, ku ma nʼugbo ku ma le o̩ro̩ka kpai odu;

O̩la E̩bite 21:23

Eku olu abe̩k ochu la aku ewo le̩ ki fu bʼo ma n: todu ojima O̩jo̩ chʼugane̩-wñ, agege-wñ la chʼO̩mala le̩.

Eli Eko̩ DʼO̩jo̩ 18:12

Ane̩ ki mune̩ foo o̩gba-wñ oñ akpa ki jukpa le̩ lale okuto̩mo̩jo̩cha kpai e̩ge̩ una.

Izikie̩l 1:27

Akwʼugbo ki biu ago-wñ tʼate̩-wñ u li e̩wñ ki dab ebije ki ade̩ ñaña ki wenyu e̩wñʼka ki dab una eju; akwʼugbo ki biu ago-wñ wʼo̩gane̩-wñ e̩wñ do̩mo̩ ki biu una, oñ o̩mo̩ mune̩ pee lʼo daka.

Izikie̩l 43:2

E̩ la go, ojima O̩jo̩ e-Israe̩l kwʼo̩wo̩ o̩na olodudu awa; omuko̩la-wñ dab ekuku omi ki nana; ane̩-ile̩ la ade̩ ñaña noji ojima-wñ,