Habakuk 3:3 - O̩TAKADA O̩LA O̩JO̩ 1970

³ O̩jo̩ kwo Teman wa, E̩ne̩ Kiafo̩ le̩ la kwo uwo Paran wa. Ojima-wñ bʼefojale efojale ma, ile̩ la che̩ko̩ ñw uñwulo̩-wñ. Sila.

Habakuk 3:3 ပူးပေါင်းရင်းမြစ်များ

O̩lo̩da Eduwa Onukeji 33:2

I kakini, Jihofa kwo Sainai wa, oñ i kwane̩ abʼuma ma Seir; i muta dufu uwo Paran, i la kwʼugbo abo kiafo̩ icham icham le̩ wa, o̩la e-una dʼef o̩wo̩-wñ awo̩to̩ todu ma.

O̩badaya 1:9

Tak e̩do̩ amagbiti-we̩ adakpu, O Teman, todu kʼuku ki kʼe̩ne̩ du da kwo bʼuwo Iso̩ te̩.

Emo̩s 1:12

Omi la adʼuna kpuche̩ wa abo Teman ma, oñ e-le̩ akʼunyi unyi ojima Bo̩zra mi.

Eli Eko̩ DʼO̩jo̩ 4:4

Me̩ we̩do̩, me̩ ki muda dure n; me̩ nabʼe̩do̩-me̩ choluka oj ate̩-me̩, me̩ chechi. Sila.

Je̩re̩maya 49:7

E-Ido̩m de̩. Abu ki Jihofa ki nʼe̩wñ du aka de̩ kakini; Ibe ño̩ de̩ Teman ge̩ n? O̩la elo lenyo̩ bʼabo ku ma mʼe̩wñ te̩? Ibe-ma lenyo̩ rʼile̩?

Aizaya 6:3

Oñ oka-wñ nakwado̩ ekeji kakini: I afo̩, i afo̩, Jihofa ki nʼe̩wñ du afo̩; o̩gbo̩ ile̩ du che̩ko̩ ñw ojima-wñ.

Eli Eko̩ DʼO̩jo̩ 68:17

O̩ko̩ ogu O̩jo̩ chʼicham ogue̩lu, owñ chʼicham nʼoji icham wewe, Ondu dʼef uma, owñ che Sainai, ef uña kiafo̩ le̩.

O̩lo̩da Eduwa Onukeji 5:24

oñ me̩ kakini. Go, Jihofa O̩jo̩-wa mʼojima-wñ kpai unana-wñ du ña wa me̩, a la gbo̩ omuko̩la-wñ kwʼalumeji una le̩; a fuli eñini ka kʼO̩jo̩ ako̩la kpai one̩, oñ e̩ne̩ le̩ adeju kpo̩.

Abakwane̩ 21:21

I la gugu aje̩tachi Paran, oñ iye-wñ fʼo̩ya ne̩ ñw u kwef abo Ijipti.

Aizaya 64:3

E̩gba kʼe̩ che e̩wñ ubailo kʼawa ma neju-wñ n, uwe̩ gwo̩ru wa, o̩la uwo uwo kwoga tod eju-we̩ ki dʼane̩ le̩.

Eli Eko̩ DʼO̩jo̩ 48:10

O O̩jo̩, alu kʼodu-we̩ de̩, abe̩le̩ uñwulo̩-we̩ de̩ gbogbo tʼukpoji ane̩-ile̩. O̩wo̩-we̩ awo̩to̩ che̩ko̩ ñw o̩kpakpa;

Eli Eko̩ DʼO̩jo̩ 9:20

Nyʼuma okpo, O Jihofa! je̩ ñw abo uche̩ichi uche̩ichi ki ma ka kʼone̩ ofo ma che! Sila.

Eli Eko̩ DʼO̩jo̩ 9:16

Ma fu Jihofa ma lugbo ajo̩ kʼi aka; uko̩lo̩ kʼame̩ne̩bibi che mud oku ki fʼama onugo mu. Higaion. Sila.

Eli Eko̩ DʼO̩jo̩ 3:4

U nʼomu-mi akwado̩ Jihofa, i la dʼoj uwo-wñ kiafo̩ le̩ adʼohi ñw mi. Sila.

Eli Eko̩ DʼO̩jo̩ 3:2

Amone̩ wewe nʼo̩la onugo-mi aka kakini, Sila. Ujadu du dʼugbo O̩jo̩ todu-wñ n.

1 Samiue̩l 25:1

Oñ Samiue̩l leku; tak abo Israe̩l chaka kʼo̩la-ma jeju, ma dʼo̩wo̩ fiʼe̩do̩, oñ ma mʼu du ji ef unyi-wñ Rama. Taku Defid kwane̩, oñ i gwo̩ru nyʼaje̩tachi Paran.

Ekaluka 10:12

Tak abo Israe̩l kwane̩ ule̩-ma arone aro̩ne ku ma kwʼef aje̩tachi Sainai alo; tak akpa le̩ kwodago aje̩tachi Paran.

Akwodufu 20:18

Oñ abu kʼibe amone̩ le̩ chaka tʼakpabana kpai o̩mamanya kpai omu o̩po kpai uwo ki akpodudu, o̩la-ma naga, oñ ma kwodago jʼo̩najiji,

Abakwane̩ 36:11

Oñ amo̩ma Elaifaz che Teman kpai Omar kpai Zefo kpai Gatam kpai Kenaz.

Eli Eko̩ DʼO̩jo̩ 113:4

Jihofa dʼatate̩ ñw abo uche̩ichi uche̩ichi du, ojima-wñ la dʼatate̩ ñw efojale!

Eli Eko̩ DʼO̩jo̩ 148:13

Ama le̩ ki je̩nyu odu Jihofa, todu odu-wñ kate tʼo̩gba atate̩; ojima-wñ la dʼatate̩ ñw ane̩-ile̩ kpai efojale.

Aizaya 31:1

Atogwo ñw abo ku ma gwo̩ru nyʼIjipti atene ate̩ko ku ma dachi nʼule amanya, ku ma la ke̩do̩nʼo̩kogu ukpe̩ ki wewe kpʼamananya ukpe̩ ku ma gbiti tabale, ma muda go E̩ne̩ Kiafo̩ e-Israe̩l in ma la tene Jihofa n!

1 Amonu 11:18

Ma la kwane̩ ule̩-ma Midian oñ ma lewa Paran; taku ma mʼaboke̩le̩ iche̩ka ko kwo Paran lebʼuma, oñ ma lewa Ijipti, ugbo Fero onu Ijipti; onu le̩ dʼunyi ñw u, oñ i mʼukpe̩ uje̩wñ e-wñ ko jo̩ ñw u, i la bʼane̩ ñw u.

Izikie̩l 43:2

E̩ la go, ojima O̩jo̩ e-Israe̩l kwʼo̩wo̩ o̩na olodudu awa; omuko̩la-wñ dab ekuku omi ki nana; ane̩-ile̩ la ade̩ ñaña noji ojima-wñ,

Habakuk 2:14

Todu ile̩-i ako̩ ñw ojima Jihofa ema, alu kʼomi bʼohimini abadi ma.