E̩zra 9:1 - O̩TAKADA O̩LA O̩JO̩ 1970

¹ Oñ e̩gba kʼe̩wñ le̩ fʼoji ne̩, tak amagboji te̩me̩ru mi, ma kakini, Abo Israe̩l, kpai amatama kpai abo Lifai la fʼo̩la-ma daru bʼamone̩ ane̩ ane̩-i te̩ ta n, ma jʼache teju e̩wñ ihie̩ne̩-ma, owñ chʼe-abo Kenan kpʼabo He̩t kpʼabo Pe̩re̩z kpʼabo Je̩bius kpʼabo Amo̩n kpʼabo Moab, kpʼabo Ijipti, kpʼabo Amo̩r.

E̩zra 9:1 ပူးပေါင်းရင်းမြစ်များ

Nihe̩maya 9:2

Amugbe̩ Israe̩l la fʼo̩la-ma daru bʼabo ononojo du te̩, oñ ma dago agbalu adure-ma, kpai udu kʼamata-ma fe̩.

Akwodufu 33:16

Todu lugbo e̩wñ oñ ma ama ka kʼe̩ li mi eju, omi kpai amone̩-we̩-i? I chʼef elo kʼe̩ lo kpai wa n? kʼomi kpai amone̩-we̩ kʼa chʼojoji ñw amone̩ du ku ma jʼoj ane̩ ile̩-i n?

Je̩re̩maya 26:16

Tak amagboji kpʼamone̩ le̩ chaka ka ñw amatama kpʼamakache̩ kakini, I dukpe̩ kʼe̩ne̩-i aku n, todu i ko̩la ñw a ef odu Jihofa, O̩jo̩-wa me̩.

Je̩re̩maya 26:10

E̩gba kʼamagboji Juda gbo̩ e̩wñ-i, ma kwʼunyi onu te̩gu wa unyi Jihofa, oñ ma kwoguane̩ Alaku Etito̩ unyi Jihofa le̩.

Aizaya 52:11

Me̩ kwo bʼo̩ te̩, me̩ kwo bʼo̩ te̩, me̩ kwʼo̩mo̩ dufu, me̩ ki do̩wo̩kadʼe̩wñ elifo̩ du n; kwʼalumeji-wñ dufu, me̩ fʼo̩la-me̩ gwo rinyo̩, ame̩ ku me̩ nʼe̩wñ eku Jihofa ale.

Eli Eko̩ DʼO̩jo̩ 106:35

ma muda kʼo̩la-ma gwe̩gwa nyʼef abo uche̩ichi, oñ ma ko̩che̩ e̩wñ-ma.

Nihe̩maya 4:3

Oñ Tobaya, e̩ne̩ Amo̩n, dago kpe̩nyʼu, oñ i kakini, I chaka chʼe̩wñ ku ma ne le̩ ajo te̩gu nyʼo̩mo̩, i agu o̩do̩ okuta-ma lo̩!

E̩zra 10:8

ka kʼe̩ne̩ du ki ma wa tak o̩jo̩ me̩ta ki jo̩ n, mak alu kʼamagboji kpai abogijo lo te̩ kakini, Ma akʼane̩-wñ du jo̩ ñw O̩jo̩, ma la adʼowñ onugo ru bʼujeju abo ku ma kwef amu le̩ te̩.

2 Iko Iko E̩wn 33:2

1 la fʼe̩wñ ki bie̩ne̩ eju Jihofa che, likpa alu kʼe̩wñ ihie̩ne̩ abo uche̩ichi ki Jihofa ne rinyo̩ bʼabo Israe̩l o̩gba te̩ de̩.

1 Amonu 11:1

Oñ onu So̩lo̩mo̩n fe̩do̩ abobule̩ ononojo wewe manyʼe̩ma Fero le̩ ge̩; abobule̩ abo Moab kpai e-abo Amo̩n kpai e-Ido̩m kpai e-Saido̩n kpai e-He̩t;

O̩lo̩da Eduwa Onukeji 18:9

E̩gba kʼe̩ lewa ane̩ e-ki Jihofa O̩jo̩-we̩ adu ñw e̩, uwe̩ ki ko̩che̩ kʼe̩ che e̩wñ ihie̩ne̩ alu kʼabo uche̩ichi ichi o̩mo̩ ache n.

Ekaluka 23:9

Todu u dago oj okuta-i u cheliʼu, U dʼoji uwo uwo le̩ eju-mi la dʼo; go, amone̩ kʼama kate dodo kpai o̩la-ma ma che, ma la alo ma rʼef abo uche̩ichi n!

Abo Lifai 18:3

Ame̩ ki che likpa alu kʼabo oj ane̩ Ijipti ugbo ku me̩ dodo le̩ ache n; me̩ ki la che likpa alu ku ma che oj ane̩ Kenan ugbo kʼu nako me̩ nyi le̩ n. Me̩ ki la lule̩ tikpa uhio̩me̩ e-ma n,

Akwodufu 23:23

Todu onuche̩-mi atʼuwe̩ o̩gba, kʼi la mʼuwe̩ du nyʼugbo abo Amo̩r kpai abo He̩t kpai abo Pe̩re̩z kpai abo Kenan kpai abo Hifai kpai abo Je̩bius, oñ nakʼuma da rinyo̩.

Akwodufu 13:5

Tak e̩gba ku Jihofa mʼume̩ ko wa ane̩ abo Kenan kpai abo He̩t kpai abo Amo̩r kpai abo Hifai kpai abo Je̩bius, owñ chʼe-kʼi go̩ ñw amata-me̩ ka kʼi adu ñwu me̩, ane̩ kʼomi e̩nya kpai iño̩ acha efu-wñ le̩, ame̩ ade e̩wñ ucholo kide̩ ochu-i.

Abakwane̩ 15:16

Oñ ef o̩gba e̩ke̩le̩ ma adabi wa emi ge̩; todu e̩wñ ugbite̩re̩ abo Amo̩r jo̩ kpa ta n.

Nihe̩maya 4:7

Ama i lewatʼe̩gba ki Sanbalat kpai Tobaya kpai abo Arabia, kpai abo Amo̩n kpʼabo Ashdo̩d gbo̩ ka kʼo̩do̩ Je̩rusale̩m eñwo̩che anoji alo ku ma chane̩ elʼugbo ki kpo̩fo̩ ko, e̩gbale̩ ma we̩do̩nana;

Nihe̩maya 13:23

Iko le̩ u ño̩ fʼamaJu ku ma nʼabobule̩ Ashdo̩d kpai Amo̩n kpai Moab chʼo̩ya li;

Malakai 2:11

Juda dʼo̩wo̩ tef ukpo arʼo̩kpo̩, ma la fʼe̩wñ ihie̩ne̩ che efu Israe̩l kpai Je̩rusale̩m; todu Juda fʼefo̩ e-Jihofa kʼi afe̩do̩ le̩ daji, oñ i fʼo̩ma o̩jo̩ ononojo ne̩ chʼo̩ya.

Ekaluka 25:6

E̩ la go, e̩ne̩ Israe̩lʼka lewa, oñ i mʼonobule̩ Midianʼka du wʼugbo amo̩maye-wñ eju Mose̩s, kpai eju abo o̩gbadu abo Israe̩l chaka, abu ku ma jʼaraku alugbo̩na unyabo ujeju le̩.

O̩lo̩da Eduwa Onukeji 7:1

E̩gba ki Jihofa O̩jo̩-we̩ dʼuwe̩ wʼoj ane̩ ugbo kʼuwe̩ anyi kʼe̩ ne̩ le̩, kʼi la mʼabo uche̩ichi chi rinyo̩ bʼuwe̩ o̩gba te̩, owñ chʼabo He̩t kpai abo Girgash kpai abo Amo̩r kpai abo Kenan kpai Pe̩re̩z kpai abo Hifai kpai abo Je̩bius, amuche̩ichi amone̩ mebie ku ma wewe ku ma la ño̩ gbiti tʼuwe̩ le le̩,

O̩lo̩da Eduwa Onukeji 23:8

Amo̩ma-ma kʼo̩gba-ma e̩ke̩ta abi agudu tef ujeju Jihofa.

Jo̩shua 23:12

Cho̩kpo̩ni, iche̩wñ kʼame̩ dabi wʼubi re, ku me̩ lamo̩ e̩bo̩bo̩ abo uche̩ichi uche̩ichi ku ma bo̩bo̩ efu-me̩-i, ku me̩ chʼo̩ko̩ nʼo̩ya, ku me̩ nyʼejefu ugbo ma, kʼama la wʼejefu ugbo me̩,

2 Iko Iko E̩wn 8:7

Amone̩ du ki bo̩ ef abo He̩t kpʼabo Amo̩r kpʼabo Pe̩re̩z kpʼabo Hifai kpʼabo Je̩bius, ku ma ma chʼabo Israe̩l-i n;

E̩zra 10:2

Taku She̩kanaya, o̩ma Je̩hie̩l, kʼi chʼe̩ne̩ʼka ef amo̩ma e̩ne̩ke̩le̩ Elam dohi, oñ i ka ñw E̩zra kakini, A fʼada O̩jo̩-wa je̩, a la nʼabobule̩ ononojo kwef amo̩ma ane̩-i chʼo̩ya: ukibeno todu abo Israe̩l tod e̩wñ-i muda do̩mo̩ ta.