E̩zra 8:18 - O̩TAKADA O̩LA O̩JO̩ 1970

¹⁸ Oñ alu kʼo̩wo̩ e̩nyo̩ O̩jo̩-wa nʼuwa oji ma dʼe̩ne̩ʼka ki nʼibe ef uma ñw a ef amo̩ma Mali, o̩ma Lifai, o̩ma Israe̩l; kpai She̩re̩baya manyʼamo̩ma-wñ kpai amo̩maye-wñ, one̩ me̩gwe̩jo̩;

E̩zra 8:18 ပူးပေါင်းရင်းမြစ်များ

Je̩re̩maya 3:15

Tak omi akʼamadejute̩ ñw me̩ alu kʼe̩do̩-mi du, oñ am a akʼe̩wñ ema kpai oji e̩wñ ema ñw me̩ je̩.

Nihe̩maya 2:8

kpai o̩takada kʼu nadu ñw Asaf, e̩ne̩ ki ade efoko onu le̩, kʼi kʼoli ñwu mi kʼu bʼigbo-wñ tod alaku unyi lile kʼi manyʼunyi le̩ kpai tod o̩do̩ ewo le̩ kpai tod unyi kʼomi onugo atʼo̩. Tak onu mʼu ko ñwu mi teju alu kʼo̩wo̩ e̩nyo̩ O̩jo̩-mi nʼumi oji.

E̩zra 7:28

kʼi ño̩ fʼufe̩de̩nyo̩-wñ fa gbogbo wʼugbo mi o̩gba onu kpʼabo̩hiala-wñ kpai amagboji onu ku ma gbiti chaka. Oñ ukpahiu-mi nyo̩gba alu kʼo̩wo̩ Jihofa, O̩jo̩-mi, nʼumi oji, tak u chi abo ku ma dʼoji dufu kwef abo Israe̩l ku ma te̩gu lebʼumi nyʼo̩mo̩.

Danie̩l 1:20

Oñ ef o̩la ibe du kpʼugbo oji e̩wñ ema, kʼonu tʼuma ene, i li ka kʼama nyo̩ tʼamachifamu kpai amade̩bo̩ du ku ma jʼojane̩-wñ le onu me̩gwa.

E̩zra 8:22

Todu anyo̩ je̩ ñwu mi tʼonu ene kʼi kʼuche̩ amisoja kpai amananya wa ku ma te̩ko wa ugbo ame̩nebi-wa ej o̩na n, todabu kʼa ka ñw onu kakini, O̩wo̩ e̩nyo̩ O̩jo̩-wa anʼoji abo du ku ma tene owñ; ukpahiu-wñ kpai uwe̩do̩-wñ muda dʼoji abo du ku ma hiʼu tinyo̩.

E̩zra 7:6

E̩zra kide̩ kwo Babilo̩n te̩gu alo; owñ chʼako̩takada kʼi chʼo̩ka e̩wñ uko̩-o̩la Mose̩s, ki Jihofa, O̩jo̩ e-Israe̩l, ko wa le̩; e̩wñ du kʼi la bi onu muko ñw u, alu ki Jihofa O̩jo̩-wñ, dʼo̩wo̩ nʼo oji.

1 Iko Iko E̩wñ 6:19

Amo̩ma Me̩rari e-e̩ne̩ke̩le̩ che Mali kpai Mushi. Oñ abo-i chʼo̩lo̩pu o̩lo̩pu abo Lifai unyi unyi amata-ma.

1 Abo Ko̩rint 14:20

Amo̩maye, me̩ ki nʼibe imo̩to̩ efu n; ama ugbo e̩wñ e̩bie̩ne̩ eche me̩ ki mud o̩me̩kpa, ama ibe-me̩ ki mud ibe o̩kone̩.

Ita, Ita 24:3

Ibe ma ne̩ ko̩ unyi, oñ oji e̩wñ ema aje̩ ñw u nʼe̩rane̩;

Ita, Ita 3:6

E̩ ki fʼowñ ma o̩na du kʼe̩ le, tak owñ adʼikpa ikpa-we̩ o̩kpoo-lo.

Nihe̩maya 12:24

Oñ abo ku ma tʼo̩gba ef abo Lifai che: Hashabaya kpai Se̩re̩baya kpai Je̩shua o̩ma Kadmie̩l, manyʼamo̩maye-ma ku ma jo̩ kpenyu ma, ku ma je̩nyu ku ma laño̩ gogbodo̩ alu ki Defid e̩ne̩ O̩jo̩ le̩ fʼuko̩-wñ te̩, iko ide aro̩ne aro̩ne.

Nihe̩maya 10:12

kpai Zakur kpai She̩re̩baya kpai Shebanaya

Nihe̩maya 8:7

Je̩shua kpai Bani kpai She̩re̩baya kpai Jamin kpai Akub kpai Shabe̩tai kpai Hodaya kpai Maaseya kpai Kelita kpai Azaraya kpai Jozabad kpai Hanan kpai Pelaya kpai abo Lifai laño̩ je̩ ñw amone̩ mʼoji uko̩-o̩la le̩; oñ amone̩ le̩ dago jʼe̩gu-ma.

E̩zra 8:24

Tak u mʼagboji amatama me̩gwe-ji chi jʼane̩, owñ che She̩re̩baya kpai Hashabaya kpʼamo̩maye-ma me̩ gwa manyu ma.

E̩zra 8:16

Tak u kpʼone̩ ado̩ E̩lieza kpai Arie̩l kpai She̩maya kpai E̩lnetan kpai Jarib kpai E̩lnetan kpai Netan kpai Ze̩karaya kpai Me̩shulam, abo ku ma dʼoji dufu; kpai Jo̩yarib, kpai E̩lnetan ge̩, ku ma chʼabo ku ma ma ojie̩wñ.

Ekaluka 3:20

Oñ amo̩ma e̩ne̩ke̩le̩ Me̩rari akwo̩ra unyi akwo̩ra unyi-ma che: Mali kpai Mushi. Abo-i chʼakwo̩ra unyi akwo̩ra unyi abo Lifai, ikpo unyi ikpo unyi amata-ma.

2 Iko Iko E̩wn 30:22

Taku He̩ze̩kaya ko̩la anye̩do̩ ñw abo Lifai du ku ma mʼoji e̩wñ ema e̩nyo̩ e-Jihofa. Abe̩le̩ ma je̩ e̩wñ ku ma ko wa ñw O̩jo̩ ef uje̩wñ le̩ gbogbo o̩jo̩ mebie, ma la nʼe̩wñ iche̩bo̩ ure̩do̩ ache, kpai egogbodo̩ Jihofa O̩jo̩ amata-ma le̩.

E̩zra 8:19

kpai Ha-shabia, oñ Je̩shaya ef amo̩ma Me̩rari, kpai amo̩maye-wñ kpai amo̩ma-ma manyʼu, one̩ ogu;

1 Iko Iko E̩wñ 6:1

Amo̩ma Lifai e̩ne̩ke̩le̩ che Ge̩rsho̩n, Ko̩hat kpai Me̩rari.

1 Iko Iko E̩wñ 6:4

E̩leaza bi Finehas; Fine-has bi Abaishua;

E̩zra 7:9

Todu o̩jo̩ ejodudu ochu ejodudu oñ i chane̩ emo̩la akwo Babilo̩n alo; oñ o̩jo̩ ejodudu ochu e̩ke̩lu i lewa Je̩rusale̩m, alu kʼO̩jo̩ dʼo̩wo̩ e̩nyo̩ nʼo oji.