E̩zra 7:28 - O̩TAKADA O̩LA O̩JO̩ 1970

²⁸ kʼi ño̩ fʼufe̩de̩nyo̩-wñ fa gbogbo wʼugbo mi o̩gba onu kpʼabo̩hiala-wñ kpai amagboji onu ku ma gbiti chaka. Oñ ukpahiu-mi nyo̩gba alu kʼo̩wo̩ Jihofa, O̩jo̩-mi, nʼumi oji, tak u chi abo ku ma dʼoji dufu kwef abo Israe̩l ku ma te̩gu lebʼumi nyʼo̩mo̩.

E̩zra 7:28 ပူးပေါင်းရင်းမြစ်များ

E̩zra 9:9

Todu amadu a che; O̩jo̩-wa muda tʼuwa no̩ tinyo̩ ef adu-wa n, i la mʼufe̩de̩nyo̩ du nadala te̩ ñw a eju amonu Persia, kʼi je̩ ñw a ruko, kʼa dʼunyi O̩jo-wa dago, kʼa fʼalache̩-wñ ñwo̩che, kʼi dʼaku ñw a efu Juda kpai efu Je̩rusale̩m.

Nihe̩maya 2:8

kpai o̩takada kʼu nadu ñw Asaf, e̩ne̩ ki ade efoko onu le̩, kʼi kʼoli ñwu mi kʼu bʼigbo-wñ tod alaku unyi lile kʼi manyʼunyi le̩ kpai tod o̩do̩ ewo le̩ kpai tod unyi kʼomi onugo atʼo̩. Tak onu mʼu ko ñwu mi teju alu kʼo̩wo̩ e̩nyo̩ O̩jo̩-mi nʼumi oji.

E̩zra 8:18

Oñ alu kʼo̩wo̩ e̩nyo̩ O̩jo̩-wa nʼuwa oji ma dʼe̩ne̩ʼka ki nʼibe ef uma ñw a ef amo̩ma Mali, o̩ma Lifai, o̩ma Israe̩l; kpai She̩re̩baya manyʼamo̩ma-wñ kpai amo̩maye-wñ, one̩ me̩gwe̩jo̩;

E̩zra 5:5

Eju O̩jo̩-ma la dʼugbo abogijo amaju, oñ abo le̩ ño̩ je̩ ñwu ma we ge̩ n, gbogbo tak o̩la le̩ ki tʼugbo Darius, ku ma dʼohi-wñ tef o̩takada wa ñwu ma.

Abakwane̩ 32:28

Tak i kakini, Ma ñʼadʼodu-we̩ ko̩ Jeko̩b ge̩ n, chai Israe̩l, todu uwe̩ bʼO̩jo̩ kpai amone̩ ja me̩, e̩ la fu du.

Jona 3:7

Tak i fʼakoya ta, oñ i ka ugbo du Nine̩fa, alu ki chenyo̩ eju onu kpʼame̩ne̩lile kakini, Tʼone̩ tʼe̩la abe̩re̩me̩le̩, tʼamokuno̩, tʼame̩wño̩re̩ egini ki dʼe̩wñ kad alu n; ama ki jʼe̩wñ n, ama ki la ñmʼomi n,

Nihe̩maya 1:11

O Ondu, nagbo̩ko̩bʼe̩, nʼeti-we̩ rʼadua adu-we̩-i, kpʼadua amadu-we̩ ku ma yo̩ ñw ailo odu-we̩ era; nagbo̩ko̩bʼe̩ kʼe̩ je̩ ñw u ra ñw adu-we̩ eñini-i, kʼe̩ la je̩ ñw e̩ne̩-i liʼowñ ejumomi. Omi la chʼe̩ne̩ ki adʼomi ñw onu ñmo̩.

E̩zra 7:14

Ukpe̩ kʼonu kpai abo̩hiala-wñ me-bie kpʼuwe̩ uche̩ kʼe̩ te̩jane̩ alu kʼe̩wñ du de̩ Juda kpai Je̩rusale̩m, alu kʼo̩lo̩-da O̩jo̩-we̩ kʼi dʼef o̩wo̩-we̩ le̩ ka,

E̩zra 7:9

Todu o̩jo̩ ejodudu ochu ejodudu oñ i chane̩ emo̩la akwo Babilo̩n alo; oñ o̩jo̩ ejodudu ochu e̩ke̩lu i lewa Je̩rusale̩m, alu kʼO̩jo̩ dʼo̩wo̩ e̩nyo̩ nʼo oji.

E̩zra 7:6

E̩zra kide̩ kwo Babilo̩n te̩gu alo; owñ chʼako̩takada kʼi chʼo̩ka e̩wñ uko̩-o̩la Mose̩s, ki Jihofa, O̩jo̩ e-Israe̩l, ko wa le̩; e̩wñ du kʼi la bi onu muko ñw u, alu ki Jihofa O̩jo̩-wñ, dʼo̩wo̩ nʼo oji.

Abakwane̩ 43:14

Oñ O̩jo̩ Odobao̩gagu kʼi je̩ ñw e̩ne̩ le̩ li me̩ ejumomi todu kʼi tʼo̩maye-me̩ ekeji no̩ ñwu me̩ kpai Be̩njamin. Iche̩wñ kʼuku mʼamo̩ma-mi ko, mak eko i ko le̩.

E̩zra 8:1

Abo-i la chʼabo ku ma dʼoji dufu unyi unyi-ma, o̩lo̩pu o̩lo̩pu abo ku ma kwo Babilo̩n te̩gu lebʼumi ef o̩kpanachi onu Artaze̩rksis la jo̩-i:

Eli Eko̩ DʼO̩jo̩ 109:12

I ki nʼe̩ne̩ du kʼi amo̩la ñw u n, i ki la nʼe̩ne̩ du kʼi ali amo̩ma-wñ ku ma ma nʼata n le̩ ejumomi n!

E̩zra 8:15

Tak u ko ma jʼugboʼkate o̩la aji ki acha nyʼAhafa; o̩mo̩ a la ru jo̩ o̩jo̩ me̩ta. Tak u fʼamone̩ le̩ ma kpai amatama, oñ u li ka kʼo̩ma Lifai du dʼef uma n.