E̩zra 6:9 - O̩TAKADA O̩LA O̩JO̩ 1970

⁹ Kpai e̩wñ du kʼeku-wñ aku ma, tʼamo̩ma o̩kokuno̩ kpʼamokolo kpʼamo̩mala, tod e̩wñ e̩gujo ku ma du wa ñw O̩jo̩ e-efojale; Oka wit ge, kpʼomu, kpʼomi achiwebe̩te̩ma, kpʼekpo teju alu kʼamatama ku ma jo̩ Je̩rusale̩m aka; je̩ ñwu ma ko ñwu ma o̩jo̩ñwa o̩jo̩ñwa, i ki nʼechi n;

E̩zra 6:9 ပူးပေါင်းရင်းမြစ်များ

Abo Lifai 1:10

I la che̩wñ kʼe̩wñ O̩jo̩-wñ kʼi du wa kʼi chʼiche̩bo̩ kwef ame̩wño̩re̩ egini owñ chʼamala abe̩k amewo, mak o̩ko̩ kʼi mufu i aduwa.

Mark 9:49

Todu ma dʼuna ñaru e̩ne̩ du dab omu.

Aizaya 49:23

Amonu achʼamata-we̩ ku ma ane̩ we̩ gba, oñ abobule̩ aguchi-ma achʼamiye-we̩ ku ma ane̩ we̩ gba ge̩. Ama ate̩kpe̩ afʼeju bʼane̩ ma ñw e̩, ma la af ʼebutu e̩re̩-we̩ na. Tak uwe̩ ama ka kʼomi che Jihofa; i nʼugbo kʼanyo̩ amu abo ku ma neju mi n.

1 Iko Iko E̩wñ 9:29

Abo-ma iche̩ka ño̩ nʼo̩da ane̩ efu-wñ; kpʼe̩wñ eku kiafo̩ le̩ chaka, kpʼomu-wñ te̩ke̩ te̩ke̩ kpʼomi achiwebe̩te̩ma-wñ kpʼekpo-wñ, kpai frankinse̩ns-wñ, kpʼe̩wñ ido̩ro̩.

Abo Lifai 9:2

oñ i ka ñw Aro̩n kakini, Mʼo̩mʼokuno̩ o̩ko̩ʼka du todu iche̩bo̩ adure, kpai okoloʼka todu iche̩bo̩ e̩gujo, ejeji-wñ ki mufu, kʼe̩ mʼuma ko wa che o̩gba Jihofa.

E̩zra 6:8

Noji e-le̩ ge̩, nadʼo̩da te̩ ugbo e̩wñ ku me̩ ache ñw abogijo amaju le̩ tod uko̩lo̩ unyi O̩jo̩ le̩ eko̩, kakini, Me̩ hika chi kwef e̩wñ ane̩ onu, owñ chʼe̩wñ are̩ ku ma rʼo̩ udaba ohimini le̩, ku me̩ ko ñw aboke̩le̩-i alu ku ma kpʼo̩ko̩ bie̩ kade, kʼe̩wñ du ki da ma hi n.

E̩zra 6:10

kʼama ki kpa e̩wñ e̩bie̩ ki akpo e̩rinyo̩ ñw O̩jo̩ e-efojale, kʼame̩ ki chadua tod oji onu, kpai amo̩ma-wñ.