E̩zra 6:8 - O̩TAKADA O̩LA O̩JO̩ 1970

⁸ Noji e-le̩ ge̩, nadʼo̩da te̩ ugbo e̩wñ ku me̩ ache ñw abogijo amaju le̩ tod uko̩lo̩ unyi O̩jo̩ le̩ eko̩, kakini, Me̩ hika chi kwef e̩wñ ane̩ onu, owñ chʼe̩wñ are̩ ku ma rʼo̩ udaba ohimini le̩, ku me̩ ko ñw aboke̩le̩-i alu ku ma kpʼo̩ko̩ bie̩ kade, kʼe̩wñ du ki da ma hi n.

E̩zra 6:8 ပူးပေါင်းရင်းမြစ်များ

E̩zra 6:4

e̩re̩-wñ anʼo̩gba o̩gba okuta elile me̩ta, tak igbo oli tito̩ ane̩ oji e-le̩; ama ki la kʼo̩ko̩ kwef unyi onu arʼo̩me̩-wñ.

Hagai 2:8

Ajifa chʼe-mi, o̩jamalia chʼe-mi, Jihofa ki nʼe̩wñ du ka-i.

E̩zra 5:5

Eju O̩jo̩-ma la dʼugbo abogijo amaju, oñ abo le̩ ño̩ je̩ ñwu ma we ge̩ n, gbogbo tak o̩la le̩ ki tʼugbo Darius, ku ma dʼohi-wñ tef o̩takada wa ñwu ma.

E̩zra 4:23

Tak e̩gba ku ma fʼo̩takada onu Artaze̩rksis ku ma da le̩ kalata o̩gba Rehum, kpai Shimshai ako̩takada, kpʼame̩numana-ma, ma hio̩wane̩ te̩gu nyi Je̩rusale̩m ugbo amaJu, ma nʼukpahiu o̩wo̩-ma je̩ ñwu ma we.

E̩zra 4:16

A agbʼibenu ñw onu kakini, Ma fʼewo kide̩ ne, ku ma la fʼaku-wñ ne kpa, lu-gbo kide̩ uwe̩ añʼanʼukpe̩ du ejudaba ohimini-i n.

E̩zra 6:7

mʼo̩wo̩-me̩ ta bʼuko̩lo̩ unyi O̩jo̩ le̩ te̩; me̩ je̩ ñw igo̩bina amaJu kpai abogijo amaju le̩ ku ma kʼunyi O̩jo̩ e̩gu-wñ.

E̩zra 6:9

Kpai e̩wñ du kʼeku-wñ aku ma, tʼamo̩ma o̩kokuno̩ kpʼamokolo kpʼamo̩mala, tod e̩wñ e̩gujo ku ma du wa ñw O̩jo̩ e-efojale; Oka wit ge, kpʼomu, kpʼomi achiwebe̩te̩ma, kpʼekpo teju alu kʼamatama ku ma jo̩ Je̩rusale̩m aka; je̩ ñwu ma ko ñwu ma o̩jo̩ñwa o̩jo̩ñwa, i ki nʼechi n;

E̩zra 7:14

Ukpe̩ kʼonu kpai abo̩hiala-wñ me-bie kpʼuwe̩ uche̩ kʼe̩ te̩jane̩ alu kʼe̩wñ du de̩ Juda kpai Je̩rusale̩m, alu kʼo̩lo̩-da O̩jo̩-we̩ kʼi dʼef o̩wo̩-we̩ le̩ ka,

Nihe̩maya 11:23

Todu i nʼuko̩ kʼonu te̩ todu ma. I nʼukpe̩ kʼi ñwate̩ tod amakeli alu kʼi achʼeku ñwu ma o̩jo̩ñwa o̩jo̩ñwa.

Danie̩l 6:26

O̩da nadu te̩-i, ka kʼugbo du kʼo̩da ojane̩-mi kade, amone̩ ki gagogodo ku ma railo o̩gba O̩jo̩ e-Danie̩l; todu owñ chʼO̩jo̩ ki deju, e̩rane̩-wñ la chʼogbegbele̩, o̩da ojane̩-wñ la anʼekpabie̩ n, o̩da-wñ la ado̩mo̩ gbogbo tʼukpoji.

E̩zra 6:14

Oñ abogijo amaJu nʼo̩do̩ le̩ ane̩ waa, oñ i nara ñwu ma, lugbo ache̩ ki Hagai akache̩, kpai Ze̩karaya o̩ma Ido le̩ ka. Ma la fʼu ne kpoji teju alu kʼO̩jo̩ e-Israe̩l ñwate̩, kpʼalu ki Sairo̩s kpai Darius kpai Artaze̩rksis onu Pe̩rsia dʼo̩da-wñ te̩.

Nihe̩maya 2:8

kpai o̩takada kʼu nadu ñw Asaf, e̩ne̩ ki ade efoko onu le̩, kʼi kʼoli ñwu mi kʼu bʼigbo-wñ tod alaku unyi lile kʼi manyʼunyi le̩ kpai tod o̩do̩ ewo le̩ kpai tod unyi kʼomi onugo atʼo̩. Tak onu mʼu ko ñwu mi teju alu kʼo̩wo̩ e̩nyo̩ O̩jo̩-mi nʼumi oji.