E̩zra 6:5 - O̩TAKADA O̩LA O̩JO̩ 1970

⁵ E̩wñ eku o̩jamalia kpai ajifa unyi O̩jo̩ le̩ e-ki Ne̩biukadne̩za ko kwef unyi ojima ki de̩ Je̩rusale̩m kʼi la mʼu ko wa Babilo̩n, adabi jʼe̩gu-wñ; ma ako dabi wa unyi ojima ki de̩ Je̩rusale̩m, okoke-wñ adabi tʼe̩gu-wñ; oñ uwe̩ akʼo wʼef unyi O̩jo̩.

E̩zra 6:5 ပူးပေါင်းရင်းမြစ်များ

Danie̩l 5:2

Abu ki Be̩lshaza do̩mo̩ adʼomi achiwebe̩te̩ma le̩ kadʼalu, i ka ñwu ma ku ma kʼe̩wñ eku o̩jamalia kpai ajifa e-ki Ne̩biukadne̩za, ata-wñ, ko kwef unyi O̩jo̩ ki de̩ Je̩rusale̩m todu kʼonu kpʼabojima-wñ, kpʼamo̩ya-wñ, kpʼamabadu-wñ, ki ñmo̩ kwef uwñ.

E̩zra 5:14

Oñ e̩wñ eku o̩jamalia kpai ajifa kʼi jʼef unyi O̩jo̩, e-ku Ne̩biukadne̩za ko kwef unyi ki de̩ Je̩rusale̩m iko le̩, kʼi la mʼu ko wa jʼef unyi ode Babilo̩n; Sairo̩s onu mʼe̩wñ eku le ko kwef unyi ode Babilo̩n, oñ ma mʼu ko ñw ene̩ʼka kʼodu-wñ ko̩ She̩sh-baza, oñ i mʼowñ du je̩ igo̩bina.

Je̩re̩maya 27:16

U ño̩ ko̩la ñw amatama kpʼamone̩-i du kakini, Abu ki Jihofa ka de̩, kakini, Ame̩ ki netirʼo̩la amakache̩-me̩ ku ma kache̩ ñwu me̩ n kakini, Go, ma akʼe̩wñ eku unyi Jihofa dabi kwo Babilo̩n wa faifai, todu ache̩ olemi ma jʼaka ñwu me̩ le̩.

Je̩re̩maya 52:19

Agboji abide la mʼago-wñ kpʼigbeli-wñ kpʼugba-wñ kpʼucha-wñ kpʼakete-wñ kpʼuko̩de̩-wñ kpʼukpachi-wñ e-ki chʼo̩jamalia, kpʼe-kʼi chʼajifa ko alo.

2 Iko Iko E̩wn 36:10

Tak e̩gba kʼo̩do̩ muda ko Ne̩biukadne̩za onu fʼuche̩ kpe̩ wa ku ma mʼu du wa Babilo̩n, manyʼe̩wñ eku akoko kwef unyi Jihofa. Oñ i dʼo̩maye-wñ Ze̩de̩kaya jʼonu Juda kpai Je̩rusale̩m.

2 Amonu 24:13

Tak i mʼe̩wñ akoko unyi Jihofa chaka, kpai e̩wñ unyi onu ko kwʼo̩mo̩, oñ i fʼe̩wñ eku ku ma nʼo̩jamalia che ko̩da rinyo̩ pe̩le̩pe̩le̩, owñ chʼe-ku So̩lo̩mo̩n onu Israe̩l che ef unyi Jihofa, alu ki Jihofa ka le̩.

Danie̩l 1:2

Tak Ondu mu Jiho̩yakim, onu Juda, du tʼowñ o̩wo̩ manyʼe̩wñ eku unyi O̩jo̩ iche̩ka; oñ i mʼu ño̩ nyʼane̩ Shainar tʼunyi o̩jo̩ e-wñ; tak i mʼe̩wñ eku le̩ ko nyʼunyi e̩wñ akoko o̩jo̩-wñ.

2 Iko Iko E̩wn 36:18

Tak i mʼe̩wñ eku unyi O̩jo̩ chaka, tʼe-lile tʼe-ke̩ke̩, kpʼe̩wñ akoko unyi Jihofa, kpʼe̩wñ akoko onu, kpʼe-amagboji-wñ ko, oñ i muko wa Babilo̩n chaka.