E̩zra 6:20 - O̩TAKADA O̩LA O̩JO̩ 1970

²⁰ Todu amatama kpʼabo Lifai fʼo̩la-ma che ki fe̩ alukate; o̩gbo-ma du che-fe̩: oñ ma fʼElaloji le̩ kpa tod amo̩ma ku ma kwef amu le̩ chaka, kpai tod amo̩maye-ma ku ma chʼamatama kpʼutod oji e-ma onugo ge̩.

E̩zra 6:20 ပူးပေါင်းရင်းမြစ်များ

2 Iko Iko E̩wn 35:11

Taku ma fʼElaloji le̩ kpa, oñ amatama nʼe̩bie̩ ku ma gba kwʼo̩wo̩-ma tafio̩, oñ abo Lifai fʼe̩la-wñ kpanya jo.

Abo Hibru 7:27

eku akʼu kʼi akʼe̩wñ iche̩bo̩ wa o̩jo̩ñwa o̩jo̩ñwa tod adure e-wñ ejodudu, ubile̩ tak i akʼe-amone̩ wa alu ki de̩ ugbo amagboji amatama le̩ n: todu i fʼe-le̩ che onuʼkate, o̩pioo-wñ de̩, owñ chʼo̩la-wñ onugo kʼi du wa.

2 Iko Iko E̩wn 29:34

Amatama la nyarʼuko̩lo̩-wñ, oñ ma ma neke fʼe̩wñ e̩gujo le̩ kpanya kpa n; todule̩ amo̩maye-ma ku ma chʼabo Lifai te̩ko ma, gbogbo tak uko̩lo̩ le̩ kpoji, gbogbo tak amatama fʼo̩la-ma gworinyo̩ ku ma fo̩; todu e̩do̩ abo Lifai tʼo̩kpakpa ku ma fʼo̩la-ma gworinyo̩ ku ma fo̩ tʼe̩do̩ amatama le.

Akwodufu 12:21

Taku Mose̩s fʼabogijo Israe̩l du do̩ wa, oñ i ka ñwu ma kakini, Me̩ ki tu ame̩wño̩re̩ egini ku me̩ ko alu kʼabo akwo̩ra unyi akwo̩ra unyi-me̩ de̩, ku me̩ fʼElaloji kpa.

2 Iko Iko E̩wn 35:14

Ubi le̩ taku ma fʼe̩wñ ñwo̩che ñw o̩la-ma kpai todu amatama, todabu kʼo̩wo̩ amatama, amo̩ma Aro̩n le̩, jʼef e̩wñ iche̩bo̩ e̩gujo kpʼula-wñ ekowa che gbogbo dʼo̩jo̩: todule̩ oñ abo Lifai ñwo̩che ñw o̩la-ma kpai todu amatama ku ma chʼamo̩ma Aro̩n.

2 Iko Iko E̩wn 35:15

Oñ amakeli, amo̩ma Esaf le̩, jʼuña e-ma alu ku Defid kpai Esaf kpai Heman kpai Jedutun, agane̩ onu le̩ fʼuko̩-wñ te̩; amadʼalo̩na la jʼalaku alaku okoke du; i nʼugbo ku ma kwo bʼoj uko̩lo-ma te̩ n todu amo̩maye-ma, abo Lifai, fʼu ñwo̩che ñwu ma.