E̩zra 5:5 - O̩TAKADA O̩LA O̩JO̩ 1970

⁵ Eju O̩jo̩-ma la dʼugbo abogijo amaju, oñ abo le̩ ño̩ je̩ ñwu ma we ge̩ n, gbogbo tak o̩la le̩ ki tʼugbo Darius, ku ma dʼohi-wñ tef o̩takada wa ñwu ma.

E̩zra 5:5 ပူးပေါင်းရင်းမြစ်များ

Eli Eko̩ DʼO̩jo̩ 33:18

Go, eju Jihofa bʼabo ku ma railo-wñ ma, owñ chʼabo ku ma kibenʼufe̩de̩-nyo̩-wñ,

E̩zra 7:28

kʼi ño̩ fʼufe̩de̩nyo̩-wñ fa gbogbo wʼugbo mi o̩gba onu kpʼabo̩hiala-wñ kpai amagboji onu ku ma gbiti chaka. Oñ ukpahiu-mi nyo̩gba alu kʼo̩wo̩ Jihofa, O̩jo̩-mi, nʼumi oji, tak u chi abo ku ma dʼoji dufu kwef abo Israe̩l ku ma te̩gu lebʼumi nyʼo̩mo̩.

E̩zra 7:6

E̩zra kide̩ kwo Babilo̩n te̩gu alo; owñ chʼako̩takada kʼi chʼo̩ka e̩wñ uko̩-o̩la Mose̩s, ki Jihofa, O̩jo̩ e-Israe̩l, ko wa le̩; e̩wñ du kʼi la bi onu muko ñw u, alu ki Jihofa O̩jo̩-wñ, dʼo̩wo̩ nʼo oji.

1 Pita 3:12

Todabu kʼeju Ondu tʼabo̩kpakpa, eti-wñ la birʼo̩ko̩ ku ma agba bʼo̩, O̩gboji-wñ muda che̩gbe̩nyi ñw abo ku ma jʼachʼe̩wñ e̩bie̩ne̩.

Eli Eko̩ DʼO̩jo̩ 34:15

Eju Jihofa chefe̩rʼabo̩kpakpa, eti-wñ la nʼilolo tod ukwa-ma.

Eli Eko̩ DʼO̩jo̩ 32:8

Nakʼe̩ ibe oñ nakʼuwe̩ o̩na kʼuwe̩ ale oñ nanʼeju-mi ñʼuwe o̩na.

E̩zra 8:22

Todu anyo̩ je̩ ñwu mi tʼonu ene kʼi kʼuche̩ amisoja kpai amananya wa ku ma te̩ko wa ugbo ame̩nebi-wa ej o̩na n, todabu kʼa ka ñw onu kakini, O̩wo̩ e̩nyo̩ O̩jo̩-wa anʼoji abo du ku ma tene owñ; ukpahiu-wñ kpai uwe̩do̩-wñ muda dʼoji abo du ku ma hiʼu tinyo̩.

Abo Filipai 1:28

ku me̩ ma chʼokpo abo ku ma kobʼume̩ le̩ ef e̩wñ du n; e-te̩ chʼujiwe ule-nyo̩ ñwu ma, i muda chʼujiwe ujadu ugbo e̩-me̩, e-i la kwʼugbo O̩jo̩.

Eli Eko̩ DʼO̩jo̩ 76:10

Ochochi uke̩do̩fulu one̩ agogbodʼuwe̩ chuu; uke̩do̩fulu ki bo̩bo̩ uwe̩ ako lʼago-we̩ de.

2 Iko Iko E̩wn 16:9

Todu eju Jihofa ale tʼemi tʼemi ugbo du ile̩-i, kʼi adʼo̩la-wñ dufu chʼagbiti tod abo kʼe̩do̩-ma fe̩ rʼu. E̩ fʼe̩wñ idada che ef e-i me̩; todu akwʼe̩gba-i uwe̩ adʼef ogu eja.