E̩zra 4:2 - O̩TAKADA O̩LA O̩JO̩ 1970

² ma te̩ me̩ru Zerubabe̩l, kpai amata ku ma dʼoji dufu le̩, oñ ma ka ñwu ma kakini, A abʼume̩ kʼunyi; todu a tene O̩jo̩-me̩ alu ku me̩ tene owñ; a te̩tʼakpa e̩wñ e̩bie̩ ñw u akwʼiko E̩zar-hadon, onu Asiria, e-ki ko wa wʼemi le̩.

E̩zra 4:2 ပူးပေါင်းရင်းမြစ်များ

2 Amonu 19:37

Oñ i lewatu abu kʼi do̩mo̩ adojikane̩ ef unyi Nisro̩k, o̩jo̩-wñ, Adrame̩ie̩k kpai Shareze̩r, amo̩ma-wñ, nʼo̩be̩chageli kpa, taku ma fʼo̩ o̩wo̩ le tʼoj ane̩ Ararat. Oñ Isar-hado̩n o̩ma wñ jʼonu koji-wñ.

2 Amonu 17:24

Tak onu Asiria kʼamone̩ kwo Babilo̩n wa, kpai kwo Kuta, kpai kwo Afa, kpai kwo Hemat, kpai Se̩farfe wa, oñ i mʼuma ko jʼef ewo ewo Samaria koji amo̩ma Israe̩l; tak ama gbʼane̩ Samaria nyʼo̩wo̩, oñ ma kwododo ef ewo ewo-wñ.

2 Timoti 3:8

Alu ku Jane̩s kpai Jambre̩s ko̩bo̩ Mose̩s le̩, abe̩le̩ abo-i ño̩ kobo̩ ochochi ge̩, amone̩ kʼef ibe-ma chʼe̩che̩ ma che, ma chʼabo ku ma chʼijo̩bu ugbo o̩la e̩do̩ ekono-i.

Abo Galatia 2:4

E-ku ma muda che chutodu amo̩maye olemi ku ma ji we̩e̩le̩ wa. Ma wa we̩e̩le̩ le̩ todu ku ma ki tu ane̩ o̩da o̩mone̩-wa kʼa ne̩ efu Kraist Jisus, todu ku ma ki ko wa nyʼef adu.

Hosiya 14:3

Asiria agba wa n, awa atanʼamanya n; a lañʼaka ñw uko̩lo̩ o̩wo̩-wa ka kʼuwe̩ chʼO̩jo̩-wa ge̩ n. E̩ne̩ ki ma nʼata n ali ejumomi ef uwe̩.

Aizaya 37:37

Taku Se̩nake̩rib onu Asiria kwʼo̩mo̩ le, i la mudabi tʼubi agugu Nine̩fa.

Eli Eko̩ DʼO̩jo̩ 73:8

Ma ke, ma nʼo̩la e̩wñ afuma eche aka bie̩ne̩ bie̩ne̩; ma bukpa tʼo̩la-ma.

E̩zra 3:12

Ama amatama kpai abo Lifai wewe kpai amata ku ma dʼoji dufu owñ chʼabogijo ku ma li unyi ejodudu le̩, abu ku ma dʼe̩re̩ unyi-i nyʼane̩ eju-ma, ma kworaku taa, amone̩ wewe la kpʼogu taa noj uyo̩;

E̩zra 3:2

Taki Je̩shua, o̩ma Jozadak, kpai amo̩maye-wñ ku ma chʼamatama, kpai Ze̩rubabe̩l, o̩ma Shealtie̩l, kpai amo̩maye-wñ, kwane̩ oñ ma fʼubo̩ iche̩bo̩ O̩jo̩ e-Israe̩l ne, kuma che e̩wñ iche̩bo̩ e̩gujo oji-wñ, alu ku ma ko̩ ef uko̩-o̩la Mose̩s e̩ne̩ O̩jo̩ le̩.

E̩zra 2:2

Abo le̩ kpe̩re̩ wa kpai Zerubabe̩l kpai Je̩shua kpai Nihe̩maya kpai Se̩raya kpai Ree̩laya kpai Mo̩rde̩kai kpai Bilshan kpai Mispar kpai Bigfai kpai Rehum kpai Beana. Aluka aboke̩le̩ abo Israe̩l le̩ de̩:

E̩zra 1:5

Tak amata ku ma dʼoji dufu Juda kpai Be̩njamin kpai amatama kpai abo Lifai kwane̩, owñ chʼabo du kʼO̩jo̩ dʼ ibe tʼuma efu ku ma nyʼako̩ unyi Jihofa ki de̩ Je̩rusale̩m.

2 Amonu 17:41

Abe̩le̩ abo uche̩ichi le̩ nachokpo Jihofa, oñ ma nʼojibo-ma ku ma gbe̩ ache; amo̩ma-ma che abe̩le̩ ge̩ kpai amo̩ma amo̩ma-ma, alu kʼamata-ma che, alu le̩ ma che gbogbo tʼojolu eñini.

Abakwane̩ 10:11

I kwʼojane̩ le̩ nyi Asiria, tak i fʼunyi Nine̩fa ko̩, kpai Re̩hobo̩t-ir, kpai Kala,

Nihe̩maya 9:32

Todule̩, O̩jo̩-wa, e-Inaina, e-ki gbiti, O̩jo̩ ki la abailo, kʼi ade alo kpai ufe̩de̩nyo̩, ihianyi du ki wa bʼawa kpʼamonu-wa kpʼamagboji-wa kpʼamata-ma-wa, kpʼamakache̩-wa kpʼamata-wa, kpʼamone̩-we̩-i du ma, akwʼiko amonu Asiria gbogbo tʼo̩jolu eñini ki de̩ re eju-we̩ n.

Aizaya 37:38

Tak abu kʼi do̩mo̩ adojikane̩ ef unyi Nisro̩k, o̩jo̩-wñ, Adra-me̩le̩k kpai Share̩ze̩r, amo̩ma-wñ, nʼo̩kwo̩chageli kpa; oñ ma ra tʼane̩ Ararat. Tak E̩sarhado̩n, o̩ma-wñ, jʼo̩fe̩ koji uwñ.