E̩zra 4:13 - O̩TAKADA O̩LA O̩JO̩ 1970

¹³ Onu ki nama fai kakini, Iche̩wñ ku ma fʼewo-i ne, ku ma fʼaku-wñ ne kpa, ma jʼadʼo̩ko̩ are̩ kpai o̩ko̩ ane̩ kpai o̩ko̩ ku ma bu ñwu ma wa n; ukpoji-wñ abie̩ne̩ ñw amonu.

E̩zra 4:13 ပူးပေါင်းရင်းမြစ်များ

E̩zra 7:24

A ño̩ je̩ ñwu me̩ ma kakini, I che e-amatama, kpʼabo Lifai kpʼamukeli kpʼamadalo̩na kpʼabo uko̩lo̩ unyi O̩jo̩, abe̩k e̩ne̩ du ki ache e̩wñ ef unyi O̩jo̩ kide̩, o̩da aje̩ ku ma gba e̩wñ are̩ kpʼokane̩ o̩wo̩-ma n, i la nʼo̩ko̩ ebu ñwu ma n.

Nihe̩maya 5:4

I ño̩ nʼabo ku ma kakini, A mʼane̩ uche-wa kpai uche̩ achiwebe̩te̩ma-wa ko̩ tʼofʼo̩ko̩ kʼa li o̩ko̩ kʼa re̩ onu.

Matiu 17:25

Tak abu kʼi mugudu tef unyi Jisus gba nyʼa alu kakini, Ab i de̩ eju-we̩, Saimo̩n? O̩wo̩ e̩ne̩ oñ amonu ile̩-i agbʼute̩ o̩ko̩ kpʼo̩ko̩ ane̩ kwo ta? O̩wo̩ amo̩na e-ma? abe̩k o̩wo̩ abomune̩ ojoji?

Matiu 9:9

Tak abu ki Jisus kwʼo̩mo̩ alale, i li e̩ne̩ʼka kʼi gugu unyi ugbo ku ma gbʼo̩kane̩, odu-wñ ko̩ Matiu. Oñ i ka ñw u kakini, Tʼumi ubi. Tak i kwane̩ atʼo̩ ubi.

Eli Eko̩ DʼO̩jo̩ 119:69

Abo ku ma ke fʼolemi ji nʼumi oji, omi anʼo̩gbo̩ e̩do̩-mi du ade o̩la kʼe̩ ka ñw one̩ ki de̩;

Eli Eko̩ DʼO̩jo̩ 52:2

Ukpalu-we̩ añwa e̩wñ ibi dab abe̩ kʼi ale̩, kʼi achʼuko̩lo̩ akpaine̩.

E̩zra 4:20

Amonu ki gbiti nʼo̩da Je̩rusale̩m igbele, ma ño̩ nʼo̩da udaba ohimini le̩ chaka, abo kibo̩ la dʼo̩ko̩ are̩, kpʼo̩ko̩ ane̩, kpʼo̩ko̩ ku ma bu ñwu ma ñw amonu le̩.

E̩zra 4:14

Fai todabu kʼa afʼomu unyi onu na, i la chʼeju-wñ ñw a kʼa li ku ma chi onu ukata n, todule̩ oñ a kpe̩ uche̩ wa arʼonu aino̩-i;