E̩zra 3:7 - O̩TAKADA O̩LA O̩JO̩ 1970

⁷ Ma ño̩ kʼo̩ko̩ ñw abo ku ma ne kpai abo ku ma fʼoli; kpʼuje̩wñ kpai omi kpai ekpo ñw abo Saido̩n kpai abo̩ Taya, todu ku ma ko oli sidar kwʼoko Le̩bano̩n wʼo̩la ohimini Jo̩pa, alu ki Sairo̩s, onu Pe̩rsia le̩, bu ñwu ma.

E̩zra 3:7 ပူးပေါင်းရင်းမြစ်များ

1 Amonu 5:6

Todule̩ fa-i e̩ naka ku ma fʼoli sida da ñwu mi Le̩bano̩n; abuko̩lo̩-mi la ajo̩ kpʼabuko̩lo̩-we̩; oñ u narʼo̩me̩ ñw e̩ tod abuko̩lo̩-we̩ alu du kʼe̩ ka, todu uwe̩ chema ka ki nʼe̩ne̩ du ef uwa kʼi chʼo̩ka igbo oli ebu dab abo Saido̩n in.

E̩wñ kʼAme̩nukpuche̩ Che 12:20

O̩la abo Taya kpai abo Saido̩n la chʼe̩bie̩ nyʼu e̩do̩; oñ ma falujo̩ lewʼugbo-wñ, tak abu ku ma gba Blastus ki nʼo̩da unyi olu onu ibe kʼi chʼonuku-ma, ma tʼo̩ ene kʼure̩do̩ ki dʼagbagba-ma, todabu kʼabo ojane̩-ma ali uje̩wñ je̩ ojane̩ onu le̩.

E̩wñ kʼAme̩nukpuche̩ Che 9:36

Ako̩che̩ onobule̩ʼka la de̩ Jo̩pa, e-kʼodu-wñ ko̩ Tabita, e-ku ma jʼomudechi-wñ ko̩ Do̩rkas, onobule̩ le̩ che̩ko̩ ñw uko̩lo̩ e̩nyo̩ eche kpai ejumomi eli.

Jona 1:3

Jona muda kwane̩ kʼi ra nyi Tarshish bʼeju Jihofa te̩. Oñ i gwo̩ru nyi Jo̩pa, i la fʼo̩ko̩ ki anyi Tarshish li; abe̩le̩ i fʼo̩me̩ ule̩-wñ ra, oñ i gwo̩ru nyʼef uwñ kʼi lebʼuma nyi Tarshish, kʼi kwo bʼeju Jihofa te̩.

Izikie̩l 27:17

Juda kpʼane̩ Israe̩l chʼamanyaja ugbo-we̩, ama ko o̩ka wit e-mi nit kpai e̩wñ ayaga ki rinyo̩ kpai omi iño̩ kpai ekpo kpai balm kpailo e̩wñ aja-we̩.

E̩wñ kʼAme̩nukpuche̩ Che 9:38

Oñ abu ku Lida cheme̩ru Jo̩pa, abu kʼamako̩che̩ gbo̩ ka ku Pita dʼo̩mo̩ ma fʼaboke̩le̩ meji kpuche̩ nyʼugbo owñ, ma gbo̩ko̩bʼo̩ kʼi we eche̩du ewugbo ma.

E̩wñ kʼAme̩nukpuche̩ Che 9:43

Oñ i jʼo̩jo̩ wewe Jo̩pa ugbo Saimo̩n ahiaño̩ ʼka.

2 Samiue̩l 5:11

Taku Hairam, onu Taya, fʼamonuche̩ kpai amafoli kpai amano̩do̩ kpe̩ nyʼugbo Defid; i ño̩ kʼoli sida kpuche̩ lo ge̩, oñ ma fʼunyi ko̩ ñwu Defid.

E̩zra 3:6

O̩jo̩ ejodudu ochu ekebie le̩ ma chane̩ eko e̩wñ iche̩bo̩ e̩gujo wa ñwu Jihofa. Ma muda dʼe̩re̩ unyi Jihofa nyane̩ ta n.

2 Amonu 12:10

Abe̩le̩, e̩gba ku ma li kʼo̩ko̩ chenana ef akpati le̩, tak ako̩takada onu kpai agboji amatama mute̩gu wa, oñ ma fʼo̩ko̩ ku ma li ef unyi Jihofa le̩ kaluka nyʼef akpulu, akpulu.

2 Amonu 12:13

Ma muda nʼo̩ko̩ ku ma ko wʼef unyi Jihofa le̩ che ago ajifa n kpʼe̩wñ ku ma ne̩ kpʼuna lu kpʼochibu kpʼo̩kakachi kpʼe̩wñ eku o̩jamalia du, abe̩k e̩wñ eku ajifa n;

2 Iko Iko E̩wn 34:10

Tak abo le̩ mʼu ko jʼef o̩wo̩ abuko̩lo̩ ku ma fejute̩ unyi Jihofa; tak abo ku ma chuko̩lo̩ ef unyi Jihofa le̩ mʼu ko ñw unyi le̩ che tʼe̩gu-wñ;