E̩zra 3:13 - O̩TAKADA O̩LA O̩JO̩ 1970

¹³ abe̩le̩ amone̩ neke ma ojoji ekuku abo ku ma chʼo̩ga uyo̩ kpai ekuku amone̩ ku ma raku n todu amone̩ le̩ kpʼogu taaa, oñ ma gbʼekuku-wñ o̩najiji.

E̩zra 3:13 ပူးပေါင်းရင်းမြစ်များ

1 Samiue̩l 4:5

Oñ e̩gba kʼakpati alo Jihofa lewa uru le̩, abo Israe̩l fʼo̩ga lile chi oñ ane̩ onugo mʼu gbaje̩.

Ze̩karaya 4:7

E̩ne̩ uwe̩ che uwe̩ uwo inaina? Uwe̩ amud egbili te̩ o̩gba Zerubabe̩l; oñ i adʼokuta ukpoji-wñ dufu wa kpai o̩ga echi, kakini, Ufe̩de̩nyo̩, ufe̩de̩nyo̩ ñw u!

Je̩re̩maya 33:11

ma adabi gbo̩ omuko̩la uyo̩ kpʼomuko̩la e̩do̩ e̩bo̩ kpʼomuko̩la o̩ko̩ya tito̩ kpʼomuko̩la o̩ya tito̩, kpʼomuko̩la abo ku ma kakini, A ki gogbodo̩ Jihofa kʼi nʼe̩wñ du, todu Jihofa che nyo̩, todu ufe̩de̩nyo̩-wñ chʼogbegbele̩, kpʼe-abo ku ma kʼe̩wñ ugwa wʼef unyi Jihofa ge̩. Todu nache kʼamu ane̩-i kʼi rida kʼi dʼalu kʼi de̩ e̩gba ejodudu le̩, Jihofa aka-i.

Eli Eko̩ DʼO̩jo̩ 5:11

E̩ ki muda je̩ ñw abo du ku ma chubiyʼuwe̩ gwoguyo̩, ama ki chʼo̩ga uyo̩ ogbegbele̩; todabu kʼuwe̩ bʼo̩gba nyʼuma, abo ku ma fe̩do̩ odu-we̩ ki ño̩ gwoye ef uwe̩.

Nihe̩maya 12:43

Ma la mʼe̩wñ iche̩bo̩ inaina ko wa che o̩jo̩ le̩, ma la yo̩; todu O̩jo̩ je̩ ñwu ma nʼuyo̩ lile ayo̩; tak abobule̩ kpʼabimo̩to̩ ño̩ yo̩ ge̩; abe̩le̩ ma gbʼekuku uyo̩ ki de̩ Je̩rusale̩m o̩najiji.

1 Amonu 1:45

Zedo̩k, atama le̩, kpai Netan, akache̩, la fʼekpo ba tʼowñ oji Gihon kʼi mud onu. Ma la mute̩gu kwʼo̩mo̩ wa kpʼuyo̩, oñ ewo-i mud uyo̩ te̩ lii. Ekuku kʼame̩ gbo̩ le̩ de̩.

1 Amonu 1:40

Tak amone̩ du darʼo̩ ubi te̩gu wa, oñ amone̩ le̩ fʼo̩kpana fa, ma la nʼuyo̩ lile ayo̩. Oñ ane̩ chane̩ ekpana noj ekuku-ma.

Amakajo̩ 2:5

Oñ ma dʼodu o̩mo̩ ko̩ Bochim; ma la fʼiche̩bo̩ che ñwu Jihofa o̩mo̩.

E̩zra 3:12

Ama amatama kpai abo Lifai wewe kpai amata ku ma dʼoji dufu owñ chʼabogijo ku ma li unyi ejodudu le̩, abu ku ma dʼe̩re̩ unyi-i nyʼane̩ eju-ma, ma kworaku taa, amone̩ wewe la kpʼogu taa noj uyo̩;

E̩zra 4:1

Oñ e̩gba kʼabo ku ma che Juda kpai Be̩njamin o̩pe̩cha gbo̩ ka kʼamo̩ma amu le̩ jo̩ akʼunyi ñwu Jihofa, O̩jo̩ Israe̩l,

Je̩re̩maya 50:4

O̩jo̩ kʼa ka-i kpʼiko le̩, amo̩ma Israe̩l awa, ama kpʼamo̩ma Juda akpe̩re̩, Jihofa aka-i; ma anʼaku aro̩ tʼo̩na alo, ma la afeju Jihofa, O̩jo̩-ma.