E̩zra 3:1 - O̩TAKADA O̩LA O̩JO̩ 1970

¹ Tak e̩gba kʼochu ekebie jo̩, kʼabo Israe̩l la jo̩ ewo ewo amone̩ le̩ kʼo̩-la ma wa jeju Je̩rusale̩m ugboʼkate.

E̩zra 3:1 ပူးပေါင်းရင်းမြစ်များ

1 Abo Ko̩rint 1:10

Oñ nagbo̩ko̩bʼume̩, amo̩maye, lef odu Ondu-wa Jisusi Kraisti, todu kʼo̩chaka-me̩ ki kʼomu okate, kʼudate̩ i ojoji ki we edʼef ume̩: ku me̩ la chʼe̩ñwo̩che rʼalukate te̩, kʼibe-me̩ ki chʼoka. Oñ alu kʼe̩wñ de̩ eju-me̩ ki ño̩ chʼoka ge̩.

E̩wñ kʼAme̩nukpuche̩ Che 4:32

Oñ e̩do̩ ugwe̩ko̩ amone̩ ku ma ke̩do̩no le̩ kpʼonugo-ma chʼoka; i la nʼe̩ne̩ kate kʼi ka kʼe̩wñ kʼi ne̩ chʼe-wñ o̩to̩to̩la-wñ n; e̩wñ du la chʼe-ma de̩de̩.

Abo Lifai 23:24

E̩ nako̩la ñw abo Israe̩l kakini, Ochu ekebie, o̩jo̩ ejodudu ochu le̩, me̩ añmi, urewa e-ogu ekpa i che, owñ chʼujeju kiafo̩.

E̩wñ kʼAme̩nukpuche̩ Che 2:46

O̩jo̩ñwa o̩jo̩ñwa ma kute̩ ibe kate ene̩ ajʼef unyi O̩jo̩ kpai akala ebu unyi unyi, ma nʼuje̩wñ-ma aje̩ ef egwoguyo̩ kpai e̩do̩ foo,

Ze̩fanaya 3:9

Todu e̩gba le̩ omi arʼichi ki de̩ hiolo da tʼugbo abo ile̩, kʼi nʼugbo kʼo̩chaka-ma ki kwadʼodu Jihofa ku ma nʼojika okate arʼo̩.

Nihe̩maya 8:14

Taku ma fuli ka ku ma ko̩ nyʼef uko̩-o̩la le̩ alu ki Jihofa ñwate̩ lugbo Mose̩s ka ki dukpe̩ kʼamo̩ma Israe̩l ku ma gugu ef ebu ebu iko uje̩wñ uyo̩ e-ochu e̩kebie,

Nihe̩maya 7:73

Oñ amatama kpai abo Lifai kpai amadalo̩na kpai amakeli kpai amone̩ iche̩ka kpai abo uko̩lo̩ unyi O̩jo̩ kpai abo Israe̩l chaka jʼewo ewo-ma. Tak e̩gba kʼochu e̩kebie jo̩ amo̩ma Israe̩l chaka jʼewo ewo-ma.

Amakajo̩ 20:1

Tak amo̩ma Israe̩l chaka le dufu akwo Dan gbogbo wa Birshiba, manyʼabo ane̩ Gilead, oñ o̩gbadu le̩ jeju wʼugbo Jihofa Mizpa dabʼe̩ne̩ kate.

Abo Lifai 16:29

E̩wñ ki la achʼuhio̩me̩ ogbegbele̩ ñwu me̩ de̩, kakini, ef ochu e̩kebie, o̩jo̩ e̩ke̩gwa ochu le̩, me̩ ki hi onugo o̩la-me̩ wane̩, me̩ ki la chʼuko̩lo̩ du n, tʼo̩mane̩, tʼilowa kʼi ge̩ne̩ ef ume̩;

Nihe̩maya 8:1

Alu amone̩ le̩ chaka chʼokate, oñ ma kʼo̩la-ma jeju jʼugboda ki dʼo̩gba Alaku Omi; oñ ma ka ñw E̩zra, ako̩takada le̩, kʼi dʼo̩takada uko̩-o̩la Mose̩s wa, owñ chʼe-ki Jihofa ñwate̩ todu abo Israe̩l.

O̩lo̩da Eduwa Onukeji 16:16

Aboke̩le̩-we̩ chaka akwo jo̩ ejugede o̩gba Jihofa O̩jo̩-we̩ uña e-kʼi adu le̩ onu me̩ta o̩do̩ʼka: owñ chʼoko uje̩wñ e-akala kʼo̩jo̩wu ma do̩ n, kpai oko uje̩wñ e-ebie ebie le̩, kpai oko uje̩wñ e-ebu emu le̩. Ama ki la jo̩ ejugede o̩gba Jihofa o̩wo̩ ofo n;

Nihe̩maya 7:72

E̩wñ kʼamone̩ kibo̩ la ko wa chʼo̩jamalia alu darik icham nyʼo̩gwo̩ko̩ ogu, kpʼajifa e̩ñwa icham meji nyʼulo̩ko̩, kpai afe̩ amatama o̩gbo̩ me̩ta nyoke mebie.