E̩zra 2:1 - O̩TAKADA O̩LA O̩JO̩ 1970

¹ Abo-i chʼamo̩ma ojane̩ le̩ ku ma te̩gu dufu kwef abo amu ku ma ño̩ ma lo le̩, owñ chʼabo ki Ne̩biukadne̩za onu Babilo̩n le̩ ño̩ nyi Babilo̩n, ku ma la mudabi wa Je̩rusale̩m kpai Juda, e̩ne̩ne̩ne̩ne̩ le tʼewo e-wñ.

E̩zra 2:1 ပူးပေါင်းရင်းမြစ်များ

2 Amonu 25:11

Taku Ne̩biuzaredan fʼe̩bo̩bo̩ amone̩ ewo le̩, kpai abo-ma ku ma ñwa chʼef o̩wo̩ onu Babilo̩n, kpai e̩bo̩bo̩ uwewe-ma ku ma bo̩ re, mu le.

E̩wñ kʼAme̩nukpuche̩ Che 23:34

Tak abu kʼi fʼo̩takada le̩ kalata kʼi la tene ojane̩ ugbo kʼi kwo kʼi la fʼili-wñ gwa ka kʼi kwo Silisia,

Ze̩fanaya 2:7

Oñ o̩lʼomi o̩mo̩ achʼutodu e̩bo̩bo̩ abunyi Juda, ma ajije̩ o̩mo̩, ma adachi unyi unyi Ashke̩lo̩n e̩gba ane̩. Todu Jihofa O̩jo̩-ma awa fejudo ma tak i ñʼarʼamu-ma da ge̩.

Edinaku 4:22

E̩ fʼudu-we̩ chi kpa me̩, O o̩ma onobule̩ Zayo̩n, i ñʼako we̩ nyʼef amu ge̩ n; i awa fejudʼudu kʼe̩ fe̩, O o̩ma onobule̩ Ido̩m, i abi adure-we̩ rʼeju.

Edinaku 1:5

Ame̩no̩la-wñ kwotʼo̩gba, e̩wñ ara ñw ame̩nebi-wñ, todu Jihofa dʼo̩bata ñw u tod ada wewe kʼi je̩; amo̩ma-wñ egini nyʼef amu eju e̩ne̩ kʼi adʼone̩ mane̩ le̩.

Edinaku 1:3

Juda kwo bʼane̩-wñ te̩ noj o̩bata kpʼuko̩lo̩ adu ki gbiti; i gugu ef abo uche̩ichi, i nʼuñmi n; abo ku ma ranʼo chaka fʼu mu ugbo kʼo̩na-wñ chʼe̩kpama.

E̩sta 8:9

Taku ma fʼamako̩takada onu do̩ wa iko le̩, owñ chʼochu e̩ke̩ta, ki ko̩ Sifan, o̩jo̩ ogu nyoke me̩ta-wñ; oñ ma fʼu ko̩ rʼe̩ne̩ du teju alu ku Mo̩rde̩kai ñwa ñw amaJu kpai amakomomu kpai amigobina kpai amagboji ojane̩ ojane̩, ku ma jo̩ akwʼIndia gbogbo wʼItiopia, owñ chʼojane̩ ojane̩ o̩gbo̩ me̩fa nyoke mebie, rʼojane̩ ojane̩ okoke alu kʼolubutu-wñ de̩, kpai amone̩ du alu kʼichi ichi-ma de̩, kpai amaJu alu kʼolubutu-ma de̩ kpai alu kʼichi-ma de̩ ge̩.

E̩sta 1:11

kʼama ki du Fashti, o̩ya onu, wa o̩gba onu, kpai ike̩be̩ onu-wñ, kʼi ña amone̩ kpai amagboji alifia-wñ; todu i fe̩reju ego.

E̩sta 1:8

Eñmo̩ ku ma ñmo̩ teju alu kʼo̩lo̩da je̩, i nʼe̩ne̩ du kʼi akutʼekeji-wñ kʼi ñmo̩ n, todu abu kʼonu du te̩ ñw amagboji unyi-wñ kʼama ki che alu ki nyo̩ ñw e̩ne̩ne̩ne̩ne̩ eju.

E̩sta 1:3

o̩do̩ e̩ke̩ta kʼi jʼo̩fe̩ i fʼo̩te̩ hi ñw amagboji-wñ chaka kpai abuko̩lo̩-wñ, ukpahiu Pe̩rsia kpai Me̩dia, owñ chʼabo ku ma bi lʼeju O̩jo̩ kpai amagboji ojane̩ ojane̩ le̩, jʼo̩gba-wñ,

E̩sta 1:1

Oñ i lewatʼo̩kpanachi Ahasurus, (Ahasurus kide̩ chʼe-kʼo̩da onu-wñ te̩ kwo India gbogbo wʼltiopia, i nʼo̩da ojane̩ ojane̩ o̩gbo̩ me̩fa nyoke mebie),

E̩zra 6:2

Oñ ma fʼaño̩ ku ma kʼinabali-wñ nyu li Achime̩ta, ef unyi ojima ki dʼojane̩ Me̩dia, oñ ma fʼabe̩le̩ ko nyu ki chʼe̩wñ ibenu kakini,

E̩zra 5:8

Onu ki ma kakini, Awa nyʼojane̩ Juda, ugbo unyi O̩jo̩ Inaina le̩, ku ma jʼo̩mo̩ anʼokuta lile ako̩; ma mʼigbo̩ oli du tʼef o̩do̩ le̩ me̩; uko̩lo̩-i la ache ma e̩do̩chacha, i la ya o̩wo̩-ma.

E̩zra 1:11

E̩wñ eku o̩jamalia kpai ajifa le̩ du chʼicham nyʼo̩gwo̩ko̩ me̩lunyʼulo̩ko̩. E̩wñ-i chaka oñ She̩sh-baza ko dabi wa e̩gba ku ma kʼabo kʼogu jʼamata-ma le̩ kwo Babilo̩n te̩gu wa Je̩rusale̩m.

E̩zra 2:2

Abo le̩ kpe̩re̩ wa kpai Zerubabe̩l kpai Je̩shua kpai Nihe̩maya kpai Se̩raya kpai Ree̩laya kpai Mo̩rde̩kai kpai Bilshan kpai Mispar kpai Bigfai kpai Rehum kpai Beana. Aluka aboke̩le̩ abo Israe̩l le̩ de̩:

E̩zra 8:35

Amo̩ma abo ku ma mu, ku ma kwʼugbo ku ma mu ma nyi wa le̩, ma ko e̩wñ iche̩bo̩ e̩gujo wa che O̩jo̩ e-Israe̩l, amo̩kokuno̩ tod abo Israe̩l chaka chʼe̩gweji, amokolo chʼo̩gbo me̩le̩ nyoke me̩gwe̩fa, amo̩ma la chʼe̩te̩gwa nyoke mebie, amobuko̩ tod iche̩bo̩ adure chʼe̩gweji; e̩wñ-i du chʼe̩wñ iche̩bo̩ e̩gujo ñwu Jihofa.

Nihe̩maya 12:1

Oñ abo-i chʼamatama kpai abo Lifai ku ma te̩gu lebo̩ Zerubabe̩l, o̩ma Shealtie̩l, kpai Je̩shua: Se̩raya kpai Je̩re̩maya kpai Ezra,

1 Iko Iko E̩wñ 9:1

Abe̩le̩ ma fʼabo Israe̩l du ko̩ nyʼo̩takada o̩lo̩pu o̩lo̩pu; e̩ la go, ma che̩ko̩ nyʼibuku amonu Israe̩l; ma la mu Juda ño̩ nyi Babilo̩n todu ada ku ma je̩.

1 Iko Iko E̩wñ 9:2

Oñ abo ku ma dabi dodo ewo ewo-ma chʼabo Israe̩l kpʼamatama kpʼabo Lifai kpai abo ku ma chʼuko̩lo̩ unyi O̩jo̩.

E̩zra 2:70

Abe̩le̩ amatama le̩ kpai abo Lifai kpai amone̩ iche̩ka, kpai amakeli kpai amadalo̩na kpai abo uko̩lo̩ unyi O̩jo̩, kwogugu ewo ewo-ma, oñ abo Israe̩l chaka jʼewo ewo e-ma.

Aizaya 48:20

Kwo bi Babilo̩n te̩, ra bʼabo Kaldia te̩, me̩ nʼomu eli akadufu, mʼe-i du ka, ka gbogbo tʼukpoji ane̩-ile̩; me̩ ka kakini, Jihofa mʼadu-wñ, Jeko̩b, gbatane̩ me̩.

Je̩re̩maya 50:19

Tak u ñʼadu Israe̩l dabi wa okije̩ e-wñ ge̩, owñ la ajije̩ oji Karme̩l kpai Beshan, oñ onugo-wñ aje̩ kʼefu oj uwo Ifraim kpai Gilead.