E̩zra 10:6 - O̩TAKADA O̩LA O̩JO̩ 1970

⁶ Tak E̩zra kwane̩ kwʼo̩gba unyi O̩jo̩, oñ i le tʼef unyi Jehohana, o̩ma E̩liashib, ejefu; oñ i lewa o̩mo̩ i je̩ e̩wñ du n, i la ñmʼomi n; todu i nadaido̩ todu ada kʼabo ku ma kwef amu le̩ je̩.

E̩zra 10:6 ပူးပေါင်းရင်းမြစ်များ

O̩lo̩da Eduwa Onukeji 9:18

Tak u lewa bane̩ma o̩gba Jihofa o̩ro̩ka o̩gbo̩ meji kpai odu o̩gbo̩ meji dab e̩gba ejodudu le̩; u la je̩ e̩wñ n, u la ñmo̩ omiofo n, tod adure du ku me̩ ta le̩, abu ku me̩ fʼe̩wñ ki bie̩ne̩ che eju Jihofa, ku me̩ nyʼu uwe̩do̩.

Nihe̩maya 12:22

I chʼe-abo Lifai, iko Eliashib kpai Joyada kpai Johanan kpai Jadua, ma fʼodu abo ku ma dʼoji dufu ef amata unyi ko̩ nyʼef ibuku; ma ño̩ kʼodu amatama nyʼu gbogbo taku Darius abo Pe̩rsia le̩ jʼo̩fe̩.

Nihe̩maya 3:1

Tak E̩liashib agboji amatama kwane̩ manyʼamo̩maye-wñ amatama le̩, oñ ma fʼAlaku Ame̩wño̩re̩ egini ne. Ma fʼu che kʼi fo̩ oñ ma mʼolugbana-wñ ko dago; ma che kʼi fo̩ gbogbo wa o̩do̩go̩ Hameya gbogbo wa odo̩go̩ Hanane̩l.

Danie̩l 9:3

Tak u fʼeju-mi kparʼOndu O̩jo̩, kʼu nʼadua kpʼo̩ko̩ egbabʼo̩ manyu alu eji kpʼe̩gbanukpo kpʼelulu atene.

Aizaya 22:12

O̩jo̩ le̩ Ondu Jihofa ki nʼe̩wñ du, la fʼudo̩ aku ero̩ kpai aido̩ e̩do̩ kpai e-oji ela kpʼe̩gbanukpo e̩ko lʼago de do̩;

Job 23:12

U la dabi tʼubi bʼuko̩ kʼalu-wñ te̩ te̩ n; u mʼo̩la alu-wñ du maja efu-mi ade tʼo̩me̩ ku ma hi ñw mi le.

Nihe̩maya 13:28

O̩ma Joyadaʼka kʼi chʼo̩ma Eliashib agboji amatama le̩, nʼo̩ma Sanbalat e̩ne̩ Horon le̩ chʼo̩ya; todule̩ u fʼu ne bʼo̩la-mi te̩.

Nihe̩maya 13:5

i fʼef unyi lile le̩ʼka ñwo̩che ñw u, owñ chʼef unyi ugbo ku ma te̩te̩ ko e̩wñ ele, kpai frankinse̩ns kpai e̩wñ eku kpai ukpe̩ e̩ke̩gwa e̩wñ e̩yo̩ kpai e-omi achiwebe̩te̩ma etito̩ kpai e-ekpo̩ jo̩, owñ chʼe-ku ma fʼuko̩-wñ te̩ ñwu ma ku ma kowa tod abo Lifai kpai amakeli kpai amadalo̩na; manyʼe̩wñ eko ne ate̩ tod amatama ge̩.

Nihe̩maya 12:10

Je̩shua la bi Joiakim, Joiakim la bi Eliashib, Eliashib la bi Joyada,

Nihe̩maya 3:20

Aro̩ne-wñ Baruk, o̩ma Zabai, fʼeju gbiti añwʼukpe̩ omune̩ che akwʼugbo arida-wñ le̩ gbogbo wʼalugbo̩na unyi E̩liashib agboji amatama.

E̩zra 10:1

Oñ abu kʼE̩zra do̩mo̩ achadua, kʼi nagbalu, kʼi nʼaku aro̩, kpai o̩la-wñ efiʼane̩ o̩gba unyi O̩jo̩, ujeju aboke̩le̩ kpai abobule̩ kpai abimo̩to̩ inaina kwʼef abo Israe̩l wa jeju ugbo-wñ; todu amone̩ le̩ araku anyʼanyi.

E̩zra 9:4

Tak abo du kʼo̩la-ma aga tod o̩la kʼO̩jo̩ e-Israe̩l ka tod ejʼada kʼabo ku ma mu lelo le̩ jʼada kʼo̩la-ma jeju wʼugbo mi; oñ ugoju mʼumi da gugu ane̩ gbogbo wʼiko ku ma kʼe̩wñ ele ane̩ wa.

Akwodufu 34:28

I la dʼugbo Jihofa o̩mo̩ o̩ro̩ka o̩gbo̩ meji kpai odu o̩gbo̩ meji; i la jʼuje̩wñ n i la ñmʼomi n. Oñ i fʼo̩la alo kʼi kpe̩ ko̩ nyʼalo le̩, owñ chʼo̩la me̩gwa le̩.

E̩zra 10:7

Taku ma fʼakoya ta ugbo du ane̩ Juda kpai Je̩rusale̩m ñw amo̩ma ame̩namu le̩, kʼama ki kʼo̩la-ma wa jeju Je̩rusale̩m;

Eli Eko̩ DʼO̩jo̩ 102:4

Ma fʼe̩do̩-mi gwo oñ i gbe̩ dabe̩ne̩ kʼegbe; oñ u gbenyo̩ uje̩wñ-mi eje̩.