E̩zra 10:18 - O̩TAKADA O̩LA O̩JO̩ 1970

¹⁸ Oñ ma fʼamo̩ma amatama iche̩ka ku ma nʼabobule̩ ononojo chʼo̩ya li: e-amo̩ma Je̩shua ki chʼo̩ma Jo̩zadak, kpai amo̩maye-wñ che, Maaseya kpʼE̩lieza kpai Jarib kpai Ge̩dalaya.

E̩zra 10:18 ပူးပေါင်းရင်းမြစ်များ

Ze̩karaya 3:1

Tak i du Jo̩shua agboji amatama le̩ ña mi abu kʼi dago o̩gba onuche̩ Jihofa, kʼE̩no̩la le̩ dago o̩wo̩ awo̩to̩-wñ kʼi gwʼajo̩ nʼo.

Hagai 1:1

O̩do̩ ekeji ku Darius jʼonu, ochu e̩ke̩fa-wñ, o̩jo̩ ejodudu ochu le̩, o̩la Jihofa lʼugbo Hagai akache̩ wʼugbo Zerubabe̩l o̩ma Shealtie̩l ki chʼigo̩bina Juda, kpai ugbo Jo̩shua o̩ma Jehozadak, ki chʼagboji amatama, kakini,

E̩zra 5:2

Taku Ze̩rubabe̩l, o̩ma Shealtie̩l, kpai Je̩shua, o̩ma Jozadak, kwane̩ oñ ma chane̩ ekʼunyi O̩jo̩ ki de̩ Je̩rusale̩m; amakache̩ O̩jo̩ la manyu ma ate̩ko ma.

E̩zra 3:2

Taki Je̩shua, o̩ma Jozadak, kpai amo̩maye-wñ ku ma chʼamatama, kpai Ze̩rubabe̩l, o̩ma Shealtie̩l, kpai amo̩maye-wñ, kwane̩ oñ ma fʼubo̩ iche̩bo̩ O̩jo̩ e-Israe̩l ne, kuma che e̩wñ iche̩bo̩ e̩gujo oji-wñ, alu ku ma ko̩ ef uko̩-o̩la Mose̩s e̩ne̩ O̩jo̩ le̩.

E̩zra 2:2

Abo le̩ kpe̩re̩ wa kpai Zerubabe̩l kpai Je̩shua kpai Nihe̩maya kpai Se̩raya kpai Ree̩laya kpai Mo̩rde̩kai kpai Bilshan kpai Mispar kpai Bigfai kpai Rehum kpai Beana. Aluka aboke̩le̩ abo Israe̩l le̩ de̩:

1 Timoti 3:11

Abe̩le̩ i dukpe̩ kʼabobule̩ ki nʼali e̩nyo̩, ku ma ma bulumʼone̩ n, kʼeju-ma chefe̩rane̩, ku ma chʼabo ku ma chubi one̩ ef e̩wñ du.

Izikie̩l 44:22

Ma la adʼoyaukuo̩ko̩ chʼo̩ya-ma n, kpʼonobule̩ ku ma dʼu tinyo̩ n; chai abobule̩ ku ma ma mʼe̩ne̩ke̩le̩ n, ku ma chʼugbe̩ abunyi Israe̩l, kpʼo̩ya atamaʼka ki ku.

Je̩re̩maya 23:14

U la ño̩ li e̩wñ omefa ef amakache̩ Je̩rusale̩m: ma jʼadachi kpʼo̩ya amone̩ oñ ma tale ef olemi; ma dʼukpahiu ñw o̩wo̩ amachʼe̩bie̩ne̩, oñ e̩ne̩ du kʼi ma ño̩ rida bʼe̩wñ bibi-wñ te̩ ge̩ n; o̩chaka-ma dabu So̩do̩m ñw mi me̩, abo ku ma dodo o̩mo̩ la dabu Go̩mo̩ra.

Je̩re̩maya 23:11

Tʼakache̩, tʼatama ejeji-ma akpe̩do̩rʼO̩jo̩ n; ichaka chʼef unyi-mi u fʼe̩wñ bibi-ma li, Jihofa aka-i.

Nihe̩maya 13:28

O̩ma Joyadaʼka kʼi chʼo̩ma Eliashib agboji amatama le̩, nʼo̩ma Sanbalat e̩ne̩ Horon le̩ chʼo̩ya; todule̩ u fʼu ne bʼo̩la-mi te̩.

Nihe̩maya 12:10

Je̩shua la bi Joiakim, Joiakim la bi Eliashib, Eliashib la bi Joyada,

Nihe̩maya 8:7

Je̩shua kpai Bani kpai She̩re̩baya kpai Jamin kpai Akub kpai Shabe̩tai kpai Hodaya kpai Maaseya kpai Kelita kpai Azaraya kpai Jozabad kpai Hanan kpai Pelaya kpai abo Lifai laño̩ je̩ ñw amone̩ mʼoji uko̩-o̩la le̩; oñ amone̩ le̩ dago jʼe̩gu-ma.

Nihe̩maya 8:4

Oñ E̩zra ako̩takada dago oji akpata ku ma nʼoli ro̩ tod e̩wñ le̩ gbage̩de̩; oñ Matita-ya kpai Shema kpai Anaya kpai Uraya kpai Hilkaya kpai Maaseya dago akolo-wñ o̩wo̩ awo̩to; oñ Pe̩daya kpai Mishae̩l kpai Malkija kpai Hashum kpai Hashbadana kpai Ze̩karaya kpai Me̩shulam la jo̩ o̩wo̩ awohi-wñ.

E̩zra 9:1

Oñ e̩gba kʼe̩wñ le̩ fʼoji ne̩, tak amagboji te̩me̩ru mi, ma kakini, Abo Israe̩l, kpai amatama kpai abo Lifai la fʼo̩la-ma daru bʼamone̩ ane̩ ane̩-i te̩ ta n, ma jʼache teju e̩wñ ihie̩ne̩-ma, owñ chʼe-abo Kenan kpʼabo He̩t kpʼabo Pe̩re̩z kpʼabo Je̩bius kpʼabo Amo̩n kpʼabo Moab, kpʼabo Ijipti, kpʼabo Amo̩r.

Abo Lifai 21:7

Ma adʼajo̩ko̩ abe̩k e̩ne̩ ku ma fʼu kpabie̩ chʼo̩ya n; ma anʼonobule̩ kʼo̩ko̩-wñ ko̩ n: todu atama afo̩ ñw O̩jo̩-wñ.

E̩zra 9:2

Todu ma mʼamo̩ma-ma onobule̩ ko ñw o̩la-ma kpʼamo̩ma-ma e̩ne̩ke̩le̩. Abe̩le̩ ugbe̩ ki afo̩-i fʼo̩la-ma gwe̩gwanyʼamone̩ ojane̩ ojane̩-i; ochochi, o̩wo̩ amagboji, kpʼabo ku ma ro̩no ma tʼo̩gba ef ada ku ma je̩-i.

E̩zra 10:17

Oñ ma fʼo̩la aboke̩le̩ ku ma nʼamo̩ya ononojo ka kpa tak o̩jo̩ ejodudu ochu ejodudu jo̩.

Hagai 1:12

Taku Zerubabe̩l o̩ma Shealtie̩l, kpai Jo̩shua o̩ma Jehozadak, agboji amatama, manyʼabubo̩ amone̩ le̩ chaka gbʼomu Jihofa O̩jo̩-ma gbo̩, kpai o̩la Hagai akache̩, alu ki Jihofa O̩jo̩-ma fʼu kpuche̩ wa le̩; oñ amone̩ le̩ kwo railo eju Jihofa.

Hagai 2:4

I chaka dʼabe̩le̩, fʼeju gbiti, uwe̩ Zerubabe̩l, Jihofa ka-i; fʼeju gbiti, uwe̩ Jo̩shua o̩ma Jehozadak, agboji amatama; me̩ fʼeju gbiti, ame̩ amone̩ ane̩-i du, Jihofa ka-i, ku me̩ chuko̩lo̩: todu omi dʼugbo me̩, Jihofa ki nʼe̩wñ du ka-i,

Ze̩karaya 6:11

I-i, e̩ gba ajifa kpai o̩jamalia kʼe̩ fʼike̩be̩ ike̩be̩ gwu kʼe̩ dʼu do Jo̩shua, o̩ma Jeho̩sadak, agboji amatama le̩ oji;

E̩zra 2:36

Amatama jo̩-i; amo̩ma Je̩daya, ku ma chʼabo unyi Je̩shua, chʼicham nyʼo̩gbo̩lo̩ me̩jo̩ nyoke me̩gwe̩ta.

E̩zra 3:8

Oñ ef o̩do̩ ekeji ku ma wʼunyi O̩jo̩ Je̩rusale̩m, ochu ekeji-wñ, Zerubabe̩l, o̩ma Shealtie̩l, kpai Je̩shua, o̩ma Jozadak, kpai amo̩maye-ma ki bo̩ ku ma chʼamatama kpai abo Lifai, kpai amone̩ ku ma kwʼef amu le̩ wa Je̩rusale̩m chane̩, oñ ma chi abo Lifai kʼo̩do̩-ma ma nyaru ogu n, ku ma nʼo̩da edejutʼuko̩lo̩ unyi Jihofa.

Je̩re̩maya 23:10

Todu ane̩-i che̩ko̩ ñw o̩ya one̩ etene; todu ama ku ma na le̩ oñ ane̩-i adaido̩, ije̩ aje̩tachi gbe̩ rinyo̩. O̩na-ma bie̩ne̩, ugbiti-ma la chʼeju-wñ n.