E̩zra 1:1 - O̩TAKADA O̩LA O̩JO̩ 1970

¹ Oñ o̩do̩ ejodudu ki Sairo̩s jʼonu Pe̩rsia, todu kʼo̩la ki Jihofa ka lʼalu Je̩re̩maya ki che̩, Jihofa dʼibe ti Sairo̩s onu Pe̩rsia le̩ efu, todu kʼi fʼakoya ta ugbo du ojane̩-wñ, kʼi ño̩ fʼo̩takada-wñ ko kakini:

E̩zra 1:1 ပူးပေါင်းရင်းမြစ်များ

Je̩re̩maya 29:10

Todu abu ki Jihofa aka de̩, kakini, E̩gba kʼo̩do̩ Babilo̩n e̩te̩gwa le̩ jo̩ kpa, nawa fejudo me̩, kʼu nache kʼo̩la kʼu katane̩ ñwu me̩ le̩ kʼi che̩, owñ chʼeko me̩ dabi wʼuña-i.

Ita, Ita 21:1

E̩do̩ onu dʼef o̩wo̩ Jihofa alu kʼugbo kʼomi acha de̩; i arʼo̩ ida tʼugbo du ki dʼowñ e̩do̩.

E̩zra 7:27

Jihofa, O̩jo̩ amata-wa kʼi nʼele, owñ ki dʼe̩wñ abe̩i tef e̩do̩ onu, kʼi cho̩ñwe̩ nyʼunyi Jihofa ki de̩ Je̩rusale̩m;

Eli Eko̩ DʼO̩jo̩ 106:46

I no̩ je̩ ñw ejumomi-ma ki che abo du ku ma ko ma nyʼef amu.

E̩zra 6:22

Oñ ma fʼuje̩wñ kʼo̩jo̩wu ma dʼo̩ n de kpai uyo̩ o̩jo̩ mebie; todu Jihofa mʼuyo̩ du ñwu ma me̩; i laño̩ mʼe̩do̩ onu Asiria rida te̩ ma, kʼi dʼukpahiu ñw o̩wo̩-ma ef uko̩lo̩ unyi O̩jo̩, kʼi chʼO̩jo̩ e-Israe̩l.

Danie̩l 2:1

Oñ o̩do̩ ekeji ku Ne̩biukadne̩za jʼonu, Ne̩biukadne̩za fʼo̩na na ana ño̩ na; e̩do̩-wñ la nyo̩ n, eju-wñ la gbe̩.

Jo̩n 1:23

I kakini, Omi chʼomuko̩la ki dʼaje̩tachi akwukwa kakini, Me̩ ki chʼo̩na Ondu te̩ ogbolo alu kʼAizaya akache̩ le̩ ka.

E̩zra 1:5

Tak amata ku ma dʼoji dufu Juda kpai Be̩njamin kpai amatama kpai abo Lifai kwane̩, owñ chʼabo du kʼO̩jo̩ dʼ ibe tʼuma efu ku ma nyʼako̩ unyi Jihofa ki de̩ Je̩rusale̩m.

E̩zra 4:3

Ama Ze̩rubabe̩l kpai Je̩shua kpai abo ki bo̩ ef amata ku ma dʼoji dufu Israe̩l, ka ñwu ma kakini, O̩wo̩-me̩ dʼef uko̩lo̩ unyi eko̩ ñw O̩jo̩-wa kpai awa n; awa o̩to̩to̩la-wa kate akʼo̩ ñwu Jihofa, O̩jo̩ e-Israe̩l, alu ki Sairo̩s onu Pe̩rsia ñwa ñwu wa.

E̩zra 6:3

O̩do̩ ejodudu ku Sairo̩s je̩ onu, onu Sairo̩s le̩ dʼo̩da te̩ kakini, O̩la unyi O̩jo̩ Je̩rusale̩m de̩, ma ki fʼunyi le̩ ko̩, owñ chʼuña ugbo ku ma kpa e̩wñ e̩bie̩ le̩, ma ki fʼunyane̩-wñ che kpaka; o̩gba unyi le̩ achʼohibo̩wo̩ o̩gbo̩ me̩ta, unabe̩-wñ la achʼohibo̩wo̩ o̩gbo̩ me̩ta,

E̩zra 6:14

Oñ abogijo amaJu nʼo̩do̩ le̩ ane̩ waa, oñ i nara ñwu ma, lugbo ache̩ ki Hagai akache̩, kpai Ze̩karaya o̩ma Ido le̩ ka. Ma la fʼu ne kpoji teju alu kʼO̩jo̩ e-Israe̩l ñwate̩, kpʼalu ki Sairo̩s kpai Darius kpai Artaze̩rksis onu Pe̩rsia dʼo̩da-wñ te̩.

Aizaya 44:28

kʼi nʼo̩la Sairo̩s aka kakini, Adidala-mi de̩, i ache e̩wñ du ki rʼumi e̩do̩, i chaka chʼo̩la Je̩rusale̩m, i akakiai, Ma akʼo̩, i akʼo̩la unyi O̩jo̩ kakini, Ma adʼe̩re̩-we̩ nyʼane̩.

Je̩re̩maya 1:1

O̩la Je̩re̩maya, o̩ma Hilkaya, kʼi dʼef amatama ku ma jo̩ Anato̩t, oj ane̩ Be̩njamin, de̩.

Izikie̩l 38:5

Pe̩r-sia kpai Kush kpai Put manyʼuma, o̩chaka-ma nʼugbe̩yo̩ kpʼukata ebije;

Danie̩l 6:25

Tak onu Darius fʼo̩takada ko̩ rʼamone̩ du kpʼabo uche̩ichi kpʼabo ichi ichi du ku ma dodo ugbo du ile̩-i kakini, I ra ñw me̩ kpo̩o̩!

Danie̩l 9:2

owñ chʼo̩do̩ ejodudu kʼi jʼonu, omi, Danie̩l, fʼo̩takada o̩takada go, oñ u ma aluka o̩do̩ ki Je̩rusale̩m achʼalache̩ kade, teju o̩la Jihofa kʼi wʼugbo Je̩re̩maya akache̩, owñ chʼo̩do̩ e̩te̩gwa.

Aizaya 45:1

Abu ki Jihofa aka ñw e̩ne̩-wñ kʼi fʼekpo ba tʼo̩ oji kʼowñ che Sairo̩s, e-kʼu gwo̩nyʼo̩wo̩-wñ awo̩to̩, kʼu fʼabo uche̩ichi uche̩ichi du o̩gba-wñ oñ u ñʼatu e̩wñ ulago amonu ge̩; kʼu bi o̩na o̩na tʼo̩gba-wñ ma ñʼare alaku-wñ ge̩ n, kakini,

Danie̩l 1:21

Danie̩l la kpo̩kpe̩ gbogbo wʼo̩do̩ ejodudu ki Sairo̩s jʼonu.