E̩sta 9:3 - O̩TAKADA O̩LA O̩JO̩ 1970

³ Oñ amagboji ojane̩ ojane̩ chaka, kpai amakomonu kpai amigobina kpai abo ku ma chʼuko̩lo̩ onu, bʼamaʼJu che, todabu kʼailo Morde̩kai bʼumama.

E̩sta 9:3 ပူးပေါင်းရင်းမြစ်များ

E̩zra 8:36

Ma ño̩ mʼo̩da, o̩da kʼonu ko̩ ko ñw amisatrap onu kpʼamigo̩bina udaba ohimini le̩; oñ abo le̩ kwote̩ko amone̩ le̩ kpai unyi O̩jo̩ ge̩.

Danie̩l 3:2

Taku Ne̩biukadne̩za onu le̩, fʼuche̩ kpe̩ ado̩ amakomu onu kpʼamakoji onu kpʼamigo̩bina kpʼamedibo kpʼamadigede, kpʼabohiala, kpʼamamoli o̩lo̩da, kpai abo̩da ojane̩ ojane̩ du kʼama ki wa go edunyane̩ kʼama adʼojibo ki Ne̩biukadne̩za onu le̩ du dago, nyane̩.

E̩sta 8:9

Taku ma fʼamako̩takada onu do̩ wa iko le̩, owñ chʼochu e̩ke̩ta, ki ko̩ Sifan, o̩jo̩ ogu nyoke me̩ta-wñ; oñ ma fʼu ko̩ rʼe̩ne̩ du teju alu ku Mo̩rde̩kai ñwa ñw amaJu kpai amakomomu kpai amigobina kpai amagboji ojane̩ ojane̩, ku ma jo̩ akwʼIndia gbogbo wʼItiopia, owñ chʼojane̩ ojane̩ o̩gbo̩ me̩fa nyoke mebie, rʼojane̩ ojane̩ okoke alu kʼolubutu-wñ de̩, kpai amone̩ du alu kʼichi ichi-ma de̩, kpai amaJu alu kʼolubutu-ma de̩ kpai alu kʼichi-ma de̩ ge̩.

E̩sta 8:5

Tak i kakini, Iche̩wñ ki rʼonu e̩do̩, kʼonu la li mi eju, kʼe̩wñ le̩ la chʼo̩kpakpa eju onu, kʼomi la nyo̩ owñ eju, je̩ ñwu ma kʼo̩takada ku ma dʼo̩takada ku Heman o̩ma Hamedata, e̩ne̩ Egag le̩, ñwʼibe e-wñ nyʼu le̩ dabiwa, owñ chʼe-kʼi ko̩ kʼi fʼamaJu chaka ku ma jʼojane̩ ojane̩ onu chile̩che̩ le̩.

E̩sta 3:12

Taku ma fʼamako̩takada onu le̩ do̩ wa o̩jo̩ e̩ke̩gwe̩ta ochu ejodudu, taku ma fʼo̩la ko̩ teju alu du ku Heman ñwa rʼamigo̩bina kpai amakomonu ku ma nʼo̩da ojane̩ ojane̩ du kpai amagboji amone̩ chaka, rʼojane̩ ojane̩ okoke du teju alu kʼo̩lubutu-wñ de̩, ma ko̩ rʼamone̩ ojoji ojoji chaka alu ichi e-ma; ma fʼu ko̩ ef odu onu Ahasurus, oñ ma nʼelika onu fʼu hiuko̩.

E̩zra 2:2

Abo le̩ kpe̩re̩ wa kpai Zerubabe̩l kpai Je̩shua kpai Nihe̩maya kpai Se̩raya kpai Ree̩laya kpai Mo̩rde̩kai kpai Bilshan kpai Mispar kpai Bigfai kpai Rehum kpai Beana. Aluka aboke̩le̩ abo Israe̩l le̩ de̩:

E̩sta 8:17

Oñ ojane̩ ojane̩ du kpai ewo du ugbo du kʼeñwa kʼonu ñwa kpai o̩la-wñ le̩ lewa te̩, amaJu nʼe̩do̩ e̩bo̩ kpai uyo̩ kpai uje̩wñ uyo̩ kpai o̩jo̩ e̩nyo̩. Tak amone̩ wewe kwef abane̩ le̩ murida tef amaJu, todu ailo amaJu kwobʼuma ma.