E̩sta 9:1 - O̩TAKADA O̩LA O̩JO̩ 1970

¹ Oñ ochu e̩ke̩gweji, owñ chʼochu Adar, o̩jo̩ e̩ke̩gwe̩ta ochu le̩, e̩gba kʼo̩da kʼonu ñwa kpai o̩la kʼi dute̩ me̩ru eche, o̩jo̩ kʼame̩nebi amaJu kibeno ka kʼama anʼo̩da-ma, (o̩la le̩ muda murida ojoji, oñ amaJu nʼo̩da abo ku ma chulaka ma,)

E̩sta 9:1 ပူးပေါင်းရင်းမြစ်များ

E̩sta 8:12

I bʼo̩jo̩ kate ñwu ma ojane̩ ojane̩ onu Ahasurus chaka, owñ chʼo̩jo̩ e̩ke̩gwe̩ta ochu e̩ke̩gweji, ki chʼochu Adar.

E̩sta 3:13

Oñ ma mʼo̩takada le̩ ko kpuche̩ lʼo̩wo̩ abo ku ma fule nyʼojane̩ ojane̩ onu le̩ chaka, ku ma fʼamaJu chaka chihi rinyo̩, ku ma kpa ma, ku ma je̩ ñwu ma lenyo̩ rʼane̩, tʼimo̩to̩, tʼogijo, tʼabimo̩to̩ egini, tʼabobule̩, o̩jo̩ okate, owñ chʼo̩jo̩ e̩ke̩gwe̩ta ochu e̩ke̩gweji, owñ chʼochu Adar, ku ma la mʼane̩-ma ko je̩.

O̩la E̩bite 11:18

Abo uche̩ichi la we̩do̩, oñ uwe̩do̩-we̩ lewa, kpʼiko ku ma kajo̩ abo ki ku, kpʼiko ku ma dʼuro̩me̩ ñw amadu-we̩ amakache̩ kpʼabo kiafo̩, kpʼabo ku ma railo odu-we̩, tʼe-kekele tʼe-lile, kpʼiko ku ma fʼabo ku ma kpa ane̩ ile̩-i bie̩ kpabie̩.

Eli Eko̩ DʼO̩jo̩ 30:11

Uwe̩ fʼeku-mi ede̩ rida tef ido eta me̩; uwe̩ mʼe̩gbanukpo-mi tu me̩, e̩ la mʼuyo̩ ko lʼumi ago de,

E̩wñ kʼAme̩nukpuche̩ Che 12:11

Oñ abu kʼeju Pita mune̩, i kakini, Fai tak u ma ochochi ka kʼOndu fʼonuche̩-wñ kpe̩ wa oñ i mʼumi gba kwʼo̩wo̩ He̩ro̩d kpai kwef e̩wñ du kʼamaJu kibeno ka ki ake̩re̩bʼumi.

E̩sta 9:17

O̩jo̩ e̩ke̩gwe̩ta ochu Adar ma che-i; taku ma kwoñmi o̩jo̩ e̩ke̩gwe̩le̩-wñ, oñ ma dʼu chʼojo uje̩wñ eje̩ kpai e̩do̩ e̩bo̩.

E̩sta 3:7

Ochu ejodudu, kʼi chʼochu Nisan, o̩do̩ e̩ke̩gweji kʼAhasurus jʼonu, ma fʼifa pur le̩ bo̩, owñ chʼanya ku ma ro̩, o̩gba Heman o̩jo̩ñwa o̩jo̩ñwa, kpai ochu ochu gbogbo wʼochu e̩ke̩gweji, owñ chʼochu Adar.

2 Samiue̩l 22:41

Uwe̩ je̩ ñw ame̩nebi-mi mʼubi dagba mi, u fʼabo ku ma chulaka mi ko̩da rinyo̩.

O̩lo̩da Eduwa Onukeji 32:36

Todu Jihofa añwʼabo-wñ go i la ali amadu-wñ ejumomi, e̩gba kʼi ali ka kʼukpahiu-ma takpa, ki ma la nʼe̩ne̩ du kʼi bo̩ n, tʼe̩ne̩ ki tane̩, tʼe̩ne̩ ku ma fu dahi.

E̩sta 8:6

Todu abʼu nale kʼu na-je̩do̩ ugbo e̩wñ e̩bie̩ne̩ ki awa abʼabo-mi ma-i? Ab u nale kʼu naje̩do̩ ku ma fʼamefu-mi chile̩che̩ rinyo̩?

Eli Eko̩ DʼO̩jo̩ 18:40

Uwe̩ je̩ ñw ame̩nebi-mi mʼubi dagbʼomi, u fʼabo ku ma chʼulaka-mi ko̩da rinyo̩.