E̩sta 8:8 - O̩TAKADA O̩LA O̩JO̩ 1970

⁸ Ame̩ onugo ki fʼo̩takada ko̩ tod amaJu ef odu onu alu ki nyʼume̩ eju, ku me̩ nʼelika onu fʼu hiuko̩; todu orubutu ku ma ko ef odu onu kʼama la nʼelika onu fʼu hiuko̩ e̩ne̩ du neke rida n.

E̩sta 8:8 ပူးပေါင်းရင်းမြစ်များ

E̩sta 1:19

I la che̩wñ ki chenyo̩ onu eju kʼi naje̩ ñw o̩la o̩daʼka ki dufu, ku ma ko̩ tef o̩lo̩da abo Pe̩rsia kpai Me̩dia todu kʼi we erida, ka ki Fashti ki ño̩ wʼo̩gba Ahasurus o-nu ogbegbele̩ ge̩ n; onu ki la kʼane̩ onu-wñ ñw e̩ne̩ omune̩ kʼi nyo̩ tʼowñ le.

E̩sta 3:12

Taku ma fʼamako̩takada onu le̩ do̩ wa o̩jo̩ e̩ke̩gwe̩ta ochu ejodudu, taku ma fʼo̩la ko̩ teju alu du ku Heman ñwa rʼamigo̩bina kpai amakomonu ku ma nʼo̩da ojane̩ ojane̩ du kpai amagboji amone̩ chaka, rʼojane̩ ojane̩ okoke du teju alu kʼo̩lubutu-wñ de̩, ma ko̩ rʼamone̩ ojoji ojoji chaka alu ichi e-ma; ma fʼu ko̩ ef odu onu Ahasurus, oñ ma nʼelika onu fʼu hiuko̩.

Danie̩l 6:8

Fa-i onu, uwe̩ ki dʼo̩da le̩ nyane̩ ke, kʼe̩ dʼo̩wo̩ tʼo̩, ki we erida alu kʼo̩da abo Me̩dia kpai abo Pe̩rsia ki ma alu n de̩.

E̩sta 8:5

Tak i kakini, Iche̩wñ ki rʼonu e̩do̩, kʼonu la li mi eju, kʼe̩wñ le̩ la chʼo̩kpakpa eju onu, kʼomi la nyo̩ owñ eju, je̩ ñwu ma kʼo̩takada ku ma dʼo̩takada ku Heman o̩ma Hamedata, e̩ne̩ Egag le̩, ñwʼibe e-wñ nyʼu le̩ dabiwa, owñ chʼe-kʼi ko̩ kʼi fʼamaJu chaka ku ma jʼojane̩ ojane̩ onu chile̩che̩ le̩.

1 Amonu 21:8

Tak i fʼile̩ta ko̩, oñ i dʼodu Ehab tʼo̩, i la nʼuhiuko̩ onu fʼu hiuko̩. Tak i mʼile̩ta le̩ du kpuche̩ rʼugbo abogijo kpʼugbo abo ki nʼojuna ku ma jʼewo-wñ le̩, ku ma dodo kpenyu Nebo̩t.

2 Timoti 2:19

I chaka dʼabe̩le̩ e̩re e̩wñ O̩jo̩ ki de̩ kpaka le̩ dago kpo, abu kʼi fʼuhiuko̩-i ne̩, kakini, Ondu chema abo ku ma chʼabo-wñ, kpai, Abo du ku ma dʼodu Ondu ki kwo bʼe̩wñ ki ma tʼo̩kpakpa n te̩.

E̩sta 8:10

Oñ i fʼu ko̩ ef odu onu Ahasurus, tak i nʼelika onu fʼu hiuko̩, i la mʼu ko kpuche̩ lʼo̩wo̩ abo ku ma nʼanya, ku ma tanʼame̩la ki afule o̩me̩me̩le̩, ku ma ne̩ ache uko̩lo̩ onu, e-kʼo̩ko anya onu kpʼiye-ma.