E̩sta 8:5 - O̩TAKADA O̩LA O̩JO̩ 1970

⁵ Tak i kakini, Iche̩wñ ki rʼonu e̩do̩, kʼonu la li mi eju, kʼe̩wñ le̩ la chʼo̩kpakpa eju onu, kʼomi la nyo̩ owñ eju, je̩ ñwu ma kʼo̩takada ku ma dʼo̩takada ku Heman o̩ma Hamedata, e̩ne̩ Egag le̩, ñwʼibe e-wñ nyʼu le̩ dabiwa, owñ chʼe-kʼi ko̩ kʼi fʼamaJu chaka ku ma jʼojane̩ ojane̩ onu chile̩che̩ le̩.

E̩sta 8:5 ပူးပေါင်းရင်းမြစ်များ

E̩sta 7:3

Tak E̩sta o̩ya onu dohi kakini, Iche̩wñ kʼe̩ li mi eju, O onu, kʼi la nyo̩ onu eju, i ki je̩ ñwu ma tʼoji-mi no̩ ñwu mi, ebi kʼu nabi-i; kpai oji abo-mi naño̩ tene ge̩.

E̩sta 5:8

Iche̩wñ kʼonu li mi eju, kʼi la nyo̩ onu eju kʼi dʼebi kʼu nabi ñwu mi, kʼi laño̩ chʼe̩wñ kʼu natene, je̩ ñw onu kpai Heman wʼoko̩te̩ kʼu nañwo̩che todu ma; o̩na tak u nache alu kʼonu ka-i.

E̩sta 2:17

onu fe̩do̩ E̩sta tʼabobule̩ le̩ du le, i la liʼu eju, i la mʼo̩la ñw u tʼamigbe̩le̩ ku ma ma mʼe̩ne̩ke̩le̩ n kibo̩ chaka le, abe̩le̩ i mʼike̩be̩ onu du dʼo oji oñ i dʼowñ chʼiye unyi koji Fashti,

E̩sta 2:4

Tak imo̩to̩ onobule̩ kʼi nyʼonu eju ki chʼiye unyi koji Fashti. Oñ e-kʼi ka-i nyo̩ onu eju, tak i fʼabe̩le̩ che.

1 Samiue̩l 20:29

i la kakini, Nagbo̩ko̩bʼe̩, kʼe̩ je̩ ñwu mi lo, todu abunyi-wa chenʼiche̩bo̩ ku ma che ef ewo le̩; o̩maye-mi la fʼuko̩ te̩ ñwu mi. Fa-i, i la che̩wñ kʼe̩ li mi eju, nagbo̩ko̩bʼe̩, kʼe̩ je̩ ñwu mi lo kʼu fejudʼamo̩maye-mi. E̩wñ ki chi kʼi ma wʼugbo itebulu onu ni de̩.

Akwodufu 33:16

Todu lugbo e̩wñ oñ ma ama ka kʼe̩ li mi eju, omi kpai amone̩-we̩-i? I chʼef elo kʼe̩ lo kpai wa n? kʼomi kpai amone̩-we̩ kʼa chʼojoji ñw amone̩ du ku ma jʼoj ane̩ ile̩-i n?

Akwodufu 33:13

Todule̩ narodubʼuwe̩ fai, iche̩wñ kʼe̩ li mi eju, mak e̩ kʼo̩nʼO̩na-we̩ ña mi kʼomi ki fʼuwe̩ ma, kʼu ma alu kʼu nale kʼe̩ li mi eju. E̩ ki ño̩ fʼejuwo̩ ka kʼuche̩ amone̩-i chʼamone̩-we̩.

E̩sta 3:1

Ubi e̩wñ le̩ ge̩ onu Ahasurus mu Heman o̩ma Hamedata, e̩ne̩ Egag le̩, du nyo̩gba, oñ i mʼowñ du kwane̩, i hi uña ugugu-wñ tʼo̩gba ñw amagboji ku ma jʼugbo-wñ chaka.