E̩sta 7:9 - O̩TAKADA O̩LA O̩JO̩ 1970

⁹ Taku Harbo-na, onojiʼka ki dʼo̩gba onu kakini, Go ge̩, oli kʼo̩gba-wñ chʼohiba ooje e-ku Heman che todu Mo̩rde̩kai kʼi ko̩la e̩nyo̩ ñw onu le̩, dago unyi Heman o̩mo̩. Tak onu kakini, Mʼowñ du lo̩ oji-wñ.

E̩sta 7:9 ပူးပေါင်းရင်းမြစ်များ

E̩sta 5:14

Taku Ze̩re̩sh, o̩ya-wñ, kpai ame̩nufe̩do̩-wñ chaka ka ñw u kakini, Je̩ ñwu ma dʼoli gwanyane̩ kʼo̩gba-wñ ki chʼohiba ooje, tak e̩ ko̩la ñw onu odudu kʼama ki du Mo̩rde̩kai kpa oku; tak e̩ lebʼonu nyʼoko̩te̩ le̩ kpai uyo̩. Oñ e-le̩ nyo̩ Heman eju; oñ i je̩ ñwu ma dʼoli le̩ gwanyane̩.

E̩sta 1:10

O̩jo̩ e̩kebie-wñ e̩gba kʼe̩do̩ onu che̩bo̩ ñw omi, i ñwañwu Me̩human kpai Bizta kpai Harbona kpai Bigta kpai Abagta kpai Zeta kpai Karkas, amonoji mebie ku ma che e̩wñ eju Ahasurus onu,

Eli Eko̩ DʼO̩jo̩ 141:10

Je̩ ñw ame̩ne̩bibi ñwa rʼef iga-ma onugo, kʼomi ki lale gu o̩mo̩ du.

Eli Eko̩ DʼO̩jo̩ 35:8

Je̩ ñw uchile̩che̩ ki lewa bʼo ma iko kʼi ma nʼibe-wñ n! kʼe̩ la je̩ ñw iga kʼi du maja le̩ ki fʼowñ onugo mu; je̩ ñw u ñwa tʼo̩ kʼi chile̩che̩!

Danie̩l 6:24

Tak onu ñwañw abo-wñ, oñ ma mʼabo ku ma gwʼajo̩ no Danie̩l le̩ ko wa, taku ma mʼuma ko rikpolo nyʼef ura amidu, tʼama, tʼamo̩ma-ma, tʼamo̩ya-ma, oñ o̩gba taku ma wʼane̩ ef ura amidu muro̩ bʼuma ma, ma la fʼachiku-ma du guche̩ yo̩go̩ yo̩go̩.

Danie̩l 6:7

Ame̩nuto̩gba ojane̩-i du kpai amakoji onu kpai amakomonu kpai abo̩hiala kpai amigo̩bina nyʼojuju ku ma dʼo̩da onu te̩, ku ma ki fʼu lo nyane̩ ka kʼe̩ne̩ ki bi o̩jo̩ʼka abe̩k one̩ ʼka ebi, ki ma chʼuwe̩ i biʼu n, gbogbo nyʼo̩jo̩ ogue̩gwa, O onu, ma adʼe̩ne̩ le̩ rikpolo tef ura amidu.

Eli Eko̩ DʼO̩jo̩ 73:19

E̩ dʼeju be, ma mud akpokpo e̩wñ jo̩, okpo ku ma chi fʼuma lie̩ hioko!

E̩sta 9:25

ama e̩gba kʼo̩la le̩ lewʼo̩gba onu, i fuñwa ñwu ma lef o̩takada kʼe̩wñ bie̩ne̩ kʼi ñwa nyʼamaJu le̩ ki mudabi abʼoji-wñ onugo ma, ku ma ño̩ mʼowñ kpai amo̩ma-wñ ko kpa oku.

E̩sta 6:14

Oñ abu ku ma jʼo̩mo̩ acholuka kpʼowñ, amonoji onu lewa, oñ ma naju edu Heman nyʼoko̩te̩ kʼE̩sta ñwo̩che le̩.

E̩sta 6:2

Oñ ma li abu ki che̩ko̩lubutu o̩mo̩ kakini, Mo̩rde̩kai mu Bigtana kpai Te̩re̩sh ofe tu. Ama chʼabo meji ku ma jʼef amonoji onu ku ma jʼef abo ku ma de alugbo̩na, ku ma la tene uña ku ma gwo̩nyʼonu Ahasurus o̩gbo̩gba le.

1 Samiue̩l 17:51

Taku Defid fule wa banʼe̩ne̩ Filistia le̩, oñ i mʼugbada-wñ du, i la mʼu wo̩ kwʼako̩-wñ, oñ i fʼu kpa, i ño̩ nʼe̩ kʼoji-wñ da bʼo̩la-wñ te̩. Tak e̩gba kʼabo Filistia li kʼe̩nagbiti-ma leku, ma ra.

2 Amonu 9:32

Tak i chʼeju-wñ nyʼate̩ ago ope le̩, oñ i kakini, E̩ne̩ chʼabo e-mi? E̩ne̩? Oñ amonoji meji abe̩k e̩ta dʼeju dufu o̩mo̩ agʼo.

E̩sta 8:7

Tak onu Ahasurus ka ñw E̩sta, o̩ya onu kpai Mo̩rde̩kai e̩ne̩Ju le̩ kakini, Go, u mʼunyi Heman ko ñwu E̩sta me̩, ma la mʼowñ onugo du lo̩ oj oku le̩, todabu kʼi nʼo̩wo̩ dala akobʼamaJu.

E̩sta 9:14

Tak onu ñwañwu ma ku ma fʼabe̩le̩ che, ma ño̩ dʼo̩da le̩ wʼane̩ Shushan; oñ ma kʼamo̩ma Heman me̩gwa le̩ lo̩ko̩li.