E̩sta 5:1 - O̩TAKADA O̩LA O̩JO̩ 1970

¹ Oñ i lewatʼo̩jo̩ e̩ke̩ta-wñ, kʼE̩sta fʼo̩la onu-wñ mu, oñ i kwodago anuku unyi onu, e-ki me̩rʼunyi onu. Onu la gugu oj ede-wñ, ef unyi ugugu onu-wñ, ame̩rʼugbo ku ma gudu wʼef unyi le̩.

E̩sta 5:1 ပူးပေါင်းရင်းမြစ်များ

O̩la E̩bite 3:21

E̩ne̩ ki du nadu ñw u kʼi guguane̩ kpʼomi oj ede-mi, alu kʼomi onugo du tak u guguane̩ kpʼAta-mi oj e̩de-wñ.

E̩sta 6:4

Tak onu kakini, E̩ne̩ dʼanuku o̩mo̩? E̩gbale̩ Heman lewa ef ologbo unyi onu kʼi ko̩la ñw onu ku ma du Mo̩rde̩kai kpa oku kʼi ñwo̩che tod uwñ me̩.

E̩sta 4:16

Lo, kʼe̩ fʼamaju chaka ku ma jo̩ Shushan do̩ jeju, ku me̩ fʼalu ji todu mi, me̩ ki la je̩ e̩wñ n, me̩ ki la ñmo̩ n gbogbo o̩jo̩ me̩ta, tʼodu tʼo̩ro̩ka. Omi onugo kpai abimo̩to̩-mi añʼajialu abe̩le̩ ge̩. Abe̩le̩ taku nanyʼejefu ugbo onu, alu kʼo̩da ma je̩ n le̩; iche̩wñ kʼoji-mi lenyo̩, mak u lenyo̩ ke.

E̩sta 4:11

Abuko̩lo̩ onu chaka, kpai amone̩ ojane̩ ojane̩ onu, chema ka kʼe̩ne̩ du abe̩k e̩ne̩ke̩le̩ abe̩k onobule̩ kʼi gudu wʼef anuku, ki ma chedo̩ ma dʼo̩ n, o̩da todu-wñ chʼokate, kʼama ki mʼu du kpa, chai abo kʼonu adʼokute̩ o̩jamalia nadala ñwu ma kʼe̩ne̩ le̩ ki deju. Onu la do̩ mi kʼu wʼejefu ugbo-wñ o̩jo̩ ogue̩gwa-i n.

E̩sta 8:15

Taku Mo̩rde̩kai kwʼo̩gba onu ledufu, otogbo onu odufa kpai efufu dʼo̩la-wñ, ike̩be̩ o̩jamalia lile dʼoji-wñ, kpai afe̩ line̩n ku ma hi reju kpai odufa ekpikpa. Oñ abewo Shushan kwocho̩ga, ma la ayo̩.

Luku 22:30

todu kʼame̩ ki je̩ kʼame̩ ki ño̩ ñmo̩ oj itebulu-mi ojane̩ e-mi; me̩ lañʼagugu oj ede akajo̩ amo̩lo̩pu Israe̩l me̩gweji le̩.

Matiu 27:64

Todule̩ e̩ nañwa ñwu ma ku ma fʼoji le̩ ñwo̩che kpaka gbogbo tʼo̩jo̩ e̩ke̩ta, tode̩gba kʼamako̩che̩-wñ lewa ku ma mʼoku-wñ ji lo, ku ma la aka ñw amone̩ ka kʼi kwane̩ kwef abo ki ku me̩. Tak uko̩bi e-ubiane̩-i atʼe-ejodudu le.

Matiu 11:8

E̩wñ me̩ la dufu alike? One̩ kʼi kʼe̩wñ ne̩wu ne̩wu nyʼo̩la? Me̩ go, abo ku ma anyi e̩wñ ne̩wu ne̩wu jʼunyi amonu.

Matiu 10:16

Go, uche̩ kʼomi akpe̩ me̩-i dabe̩ne̩ kʼamala nyʼo̩ge̩ge̩de̩ amo̩gu; todule̩ me̩ ki gbeju dab amejo, ku me̩ ki muda chʼame̩ne̩do̩foo dab ikede.

E̩sta 1:11

kʼama ki du Fashti, o̩ya onu, wa o̩gba onu, kpai ike̩be̩ onu-wñ, kʼi ña amone̩ kpai amagboji alifia-wñ; todu i fe̩reju ego.

E̩sta 4:17

Abe̩le̩ Mo̩rde̩kai le owñ, oñ i che teju alu du kʼE̩sta ñwa ñw u.

E̩sta 2:5

Oñ e̩ne̩Juʼka kʼodu-wñ ko̩ Mo̩rde̩kai dʼef unyi onu ku ma do̩ ko̩ Shushan le̩, owñ le̩ chʼo̩ma Jair kʼi chʼo̩ma Shimei, o̩ma Kish e̩ne̩ o̩lo̩pu Be̩njamin oka,