E̩sta 3:12 - O̩TAKADA O̩LA O̩JO̩ 1970

¹² Taku ma fʼamako̩takada onu le̩ do̩ wa o̩jo̩ e̩ke̩gwe̩ta ochu ejodudu, taku ma fʼo̩la ko̩ teju alu du ku Heman ñwa rʼamigo̩bina kpai amakomonu ku ma nʼo̩da ojane̩ ojane̩ du kpai amagboji amone̩ chaka, rʼojane̩ ojane̩ okoke du teju alu kʼo̩lubutu-wñ de̩, ma ko̩ rʼamone̩ ojoji ojoji chaka alu ichi e-ma; ma fʼu ko̩ ef odu onu Ahasurus, oñ ma nʼelika onu fʼu hiuko̩.

E̩sta 3:12 ပူးပေါင်းရင်းမြစ်များ

1 Amonu 21:8

Tak i fʼile̩ta ko̩, oñ i dʼodu Ehab tʼo̩, i la nʼuhiuko̩ onu fʼu hiuko̩. Tak i mʼile̩ta le̩ du kpuche̩ rʼugbo abogijo kpʼugbo abo ki nʼojuna ku ma jʼewo-wñ le̩, ku ma dodo kpenyu Nebo̩t.

E̩sta 1:22

todu i fʼo̩takada kpe̩ nyʼojane̩ ojane̩ onu chaka, e̩ko̩-wñ la dʼalu kʼorubutu ojane̩ ojane̩ de̩, i le tʼugbo amone̩ du alu kʼichi-ma de̩, kakini, E̩ne̩ du kʼi nanʼo̩da ef unyi e-wñ, kʼi nakʼo̩la alu kʼichi abo-wñ de̩.

Danie̩l 6:15

Tak abo le̩ kʼo̩la-ma jeju wʼugbo onu, oñ ma ka ñw onu kakini, O onu, uwe̩ ki ma ka kʼi chʼo̩lo̩da abo Me̩dia kpai abo Pe̩rsia, ka kʼaba kʼonu ne kpai o̩me̩ kʼi hi kʼi fʼu lonyane̩ arida n.

Danie̩l 6:12

Taku ma te̩wa oñ ma nʼo̩la aba kʼonu ne aka o̩gba onu kakini, Uwe̩ mʼo̩wo̩-we̩ du tʼaba ka kʼe̩ne̩ du ki bi o̩jo̩ abe̩k one̩ du ebi gbogbo nyʼo̩jo̩ ogue̩gwa ki ma chʼuwe̩-i i bi n, O onu, ma adʼe̩ne̩ le̩ rikpolo tef ura amidu n? Onu dohi kakini, Ochochi i che, alu kʼo̩da abo Me̩dia kpai abo Pe̩rsia ki ma jʼalu ni de̩.

Danie̩l 6:8

Fa-i onu, uwe̩ ki dʼo̩da le̩ nyane̩ ke, kʼe̩ dʼo̩wo̩ tʼo̩, ki we erida alu kʼo̩da abo Me̩dia kpai abo Pe̩rsia ki ma alu n de̩.

E̩sta 9:27

amaju mudu dago, ma mugba nʼo̩la-ma kpʼamugbe̩-ma kpʼabo du ku ma kʼo̩la-ma dama kpʼama oji, todu ki we enʼuda, kʼama ki de o̩jo̩ meji le̩ alu kʼolubutu-wñ de̩, alu kʼiko-wñ ku ma date̩ de̩ o̩do̩ o̩do̩,

E̩sta 8:2

tak onu mʼelika o̩wo̩-wñ gwo̩, owñ chʼe-kʼi gba bʼo̩wo̩ Heman te̩ oñ i mʼu du ñwu Mo̩rde̩kai. Tak E̩sta mʼo̩da unyi Heman le̩ du ñwu Mo̩rde̩kai.

E̩zra 8:36

Ma ño̩ mʼo̩da, o̩da kʼonu ko̩ ko ñw amisatrap onu kpʼamigo̩bina udaba ohimini le̩; oñ abo le̩ kwote̩ko amone̩ le̩ kpai unyi O̩jo̩ ge̩.

E̩sta 3:11

Tak onu ka ñwu Heman kakini, U mʼajifa le̩ ko ñw e̩ me̩, kpai amone̩ le̩ ge̩, kʼe̩ che ma alu ki nyo̩ we̩ eju.

Danie̩l 3:10

O onu, uwe̩ dʼo̩da te̩ kakini, E̩ne̩ du ki agbʼuko̩la bijila kpʼo̩kpana kpʼumo̩lo kpʼokugulu kpʼugwoje kpʼalije̩ta kpʼe̩wñ iya ojoji du kʼi nawane̩ adojikane̩ ñw ojibo o̩jamalia le̩;

Danie̩l 6:25

Tak onu Darius fʼo̩takada ko̩ rʼamone̩ du kpʼabo uche̩ichi kpʼabo ichi ichi du ku ma dodo ugbo du ile̩-i kakini, I ra ñw me̩ kpo̩o̩!