E̩sta 3:1 - O̩TAKADA O̩LA O̩JO̩ 1970

¹ Ubi e̩wñ le̩ ge̩ onu Ahasurus mu Heman o̩ma Hamedata, e̩ne̩ Egag le̩, du nyo̩gba, oñ i mʼowñ du kwane̩, i hi uña ugugu-wñ tʼo̩gba ñw amagboji ku ma jʼugbo-wñ chaka.

E̩sta 3:1 ပူးပေါင်းရင်းမြစ်များ

Ekaluka 24:7

Omiofo acha kwef otube̩ otube̩-wñ, ugbe̩-wñ la ajʼef omi omi wewe, onu-wñ la adʼate̩ ate̩ ñw Egag, ma ahi o̩fe̩ ojane̩-wñ nyʼate̩.

Danie̩l 6:2

i la kʼabo me̩ta chʼame̩nuto̩gba-ma, Danie̩l la chʼoka ef abo le̩; kʼamakomonu ki choli e̩wñ du ñwu ma, kʼe̩wñ e̩bie̩ne̩ du ki che onu n.

E̩sta 5:11

Taku Heman da nʼo̩la ojima anana-wñ aka ñwu ma, kpai uwewe amo̩ma-wñ kpai e̩wñ du e-kʼonu dʼowñ nyo̩gba ef uwñ, kpai alu kʼi dʼowñ tʼo̩gba ñw amagboji kpai abuko̩lo̩ onu.

E̩sta 3:10

Tak onu mʼelika-wñ wo̩ bʼo̩wo̩-wñ te̩, oñ i mʼu du ñw Heman, o̩ma Hamedata, e̩ne̩ Egag, kʼi akobʼamaJu le̩.

1 Samiue̩l 15:33

Taku Samiue̩l kakini, Alu kʼugbada-we̩ ma je̩ ñw abobule̩ ki nʼo̩ma n, abe̩le̩ iye-we̩ anʼo̩ma ef abobule̩ ge̩ n. Taku Samiue̩l fʼEgag kpanya jo̩ o̩gba Jihofa Gilgal.

Abakwane̩ 41:40

uwe̩ anʼo̩da unyi-mi alu kʼo̩la-we̩ de̩ alu le̩ oñ amone̩-mi du aleru; chai oj ede kate omi du tʼuwe̩ le.

Ita, Ita 29:2

E̩gba kʼame̩no̩kpakpa kwotʼo̩gba amone̩ agwoguyo̩; ama e̩gba kʼe̩ne̩bibi fʼo̩da ne̩ amone̩ jʼafifi.

Eli Eko̩ DʼO̩jo̩ 12:8

E̩gba ku ma hi e̩wñtuñ ne ef amo̩ma amone̩, tak ame̩ne̩bibi jʼale rʼo̩wo̩ tʼo̩wo̩ du.

E̩sta 8:3

Tak E̩sta ño̩ lewa bane̩ma ako̩la o̩gba onu ge̩, oñ i nʼomi aku agbo̩ko̩bʼo̩ kʼi fʼe̩bie̩ne̩ ku Heman e̩ne̩ Egag le̩ che kpachi, kpai eñwa kʼi ñwa nyʼamaJu le̩.

E̩sta 7:6

Tak E̩sta kakini, E̩ne̩ ki ache wa o̩pe̩cha kpai e̩nebi ache! Owñ che Heman e̩nebie̩ne̩-i! Tak ailo fu Heman mu eju onu kpai eju o̩ya-wñ le̩.

E̩sta 1:14

abo ku ma ronʼowñ la che Karshena kpai Sheta kpai Admata kpai Tarshish kpai Me̩re̩s kpai Marsena kpai Me̩mukan, abo le̩ chʼamagboji mebie ojane̩ Pe̩rsia kpai Me̩dia ku ma ali eju onu, kʼugugu-ma tʼo̩gba ojane̩ le̩) kakini,

E̩zra 7:14

Ukpe̩ kʼonu kpai abo̩hiala-wñ me-bie kpʼuwe̩ uche̩ kʼe̩ te̩jane̩ alu kʼe̩wñ du de̩ Juda kpai Je̩rusale̩m, alu kʼo̩lo̩-da O̩jo̩-we̩ kʼi dʼef o̩wo̩-we̩ le̩ ka,

1 Samiue̩l 15:8

Oñ i fʼEgag, onu abo Amale̩k le̩ mu udeju udeju, tak i nʼalu ugbada mʼamone̩ le̩ chaka kojo̩ ñw O̩jo̩ kpa.

Abakwane̩ 41:55

Tak e̩gba kʼelu abo ane̩ Ijipti du muda, amone̩ le̩ raku nyu Fero o̩la tod uje̩wñ; taku Fero ka ñw abo Ijipti du kakini, Me̩ nyʼugbo Jose̩f; e̩wñ kʼi aka ñwu me̩ me̩ che.

Ako̩la ñw Ujeju 10:6

ma dʼidada gugu ef uña o̩gba oñ amanana gugu ej ubi.